ਏਰੀਅਲ ਹੈਨਰੀ ਨੇ ਵੀਰਵਾਰ ਨੂੰ ਹੇਟੀ ਦੇ ਪ੍ਰਧਾਨ ਮੰਤਰੀ ਦੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਹੈ। ਜਿਸ ਨਾਲ ਕੈਰੇਬੀਅਨ ਦੇਸ਼ ਵਿੱਚ ਨਵੀਂ ਸਰਕਾਰ ਦੇ ਗਠਨ ਦਾ ਰਸਤਾ ਸਾਫ਼ ਹੋ ਗਿਆ, ਜੋ ਕਿ ਜਨਵਰੀ ਤੋਂ ਮਾਰਚ ਤੱਕ 2,500 ਤੋਂ ਵੱਧ ਲੋਕਾਂ ਦੀ ਮੌਤ ਜਾਂ ਜ਼ਖਮੀ ਹੋਣ ਵਾਲੀ ਗੈਂਗ ਹਿੰਸਾ ਨਾਲ ਪ੍ਰਭਾਵਿਤ ਹੈ। ਹੈਨਰੀ ਨੇ 24 ਅਪ੍ਰੈਲ ਨੂੰ ਲਾਸ ਏਂਜਲਸ ਵਿੱਚ ਹਸਤਾਖਰ ਕੀਤੇ ਇੱਕ ਪੱਤਰ ਵਿੱਚ ਆਪਣਾ ਅਸਤੀਫਾ ਪੇਸ਼ ਕੀਤਾ, ਅਤੇ ਉਸੇ ਦਿਨ ਵੀਰਵਾਰ ਨੂੰ ਉਸਦੇ ਦਫਤਰ ਦੁਆਰਾ ਜਾਰੀ ਕੀਤਾ ਗਿਆ, ਜਿਸ ਦਿਨ ਹੇਟੀ ਲਈ ਇੱਕ ਨਵੇਂ ਪ੍ਰਧਾਨ ਮੰਤਰੀ ਅਤੇ ਮੰਤਰੀ ਮੰਡਲ ਦੀ ਚੋਣ ਕਰਨ ਦੀ ਜ਼ਿੰਮੇਵਾਰੀ ਸੌਂਪੀ ਗਈ ਇੱਕ ਕਾਉਂਸਿਲ ਨੇ ਸਹੁੰ ਚੁੱਕੀ। ਹੈਨਰੀ ਦੀ ਬਾਕੀ ਕੈਬਨਿਟ ਨੇ ਇਸ ਦੌਰਾਨ ਅਰਥਵਿਵਸਥਾ ਅਤੇ ਵਿੱਤ ਮੰਤਰੀ ਮਿਸ਼ੈਲ ਪੈਟ੍ਰਿਕ ਬੁਆਵੇਰ ਨੂੰ ਅੰਤਰਿਮ ਪ੍ਰਧਾਨ ਮੰਤਰੀ ਵਜੋਂ ਚੁਣਿਆ। ਇਹ ਤੁਰੰਤ ਸਪੱਸ਼ਟ ਨਹੀਂ ਹੋਇਆ ਹੈ ਕਿ ਪਰਿਵਰਤਨਸ਼ੀਲ ਕਾਉਂਸਿਲ ਆਪਣਾ ਅੰਤਰਿਮ ਪ੍ਰਧਾਨ ਮੰਤਰੀ ਕਦੋਂ ਚੁਣੇਗੀ। ਦੱਸਦਈਏ ਕੀ ਹੇਟੀ ਦੇ ਵਧਦੇ ਸੰਕਟ ਨਾਲ ਨਜਿੱਠਣ ਲਈ ਇੱਕ ਐਮਰਜੈਂਸੀ ਮੀਟਿੰਗ ਤੋਂ ਬਾਅਦ ਕਰੇਬੀਅਨ ਆਗੂਆਂ ਦੁਆਰਾ ਇਸਦੀ ਸਥਾਪਨਾ ਦਾ ਐਲਾਨ ਕਰਨ ਤੋਂ ਇੱਕ ਮਹੀਨੇ ਤੋਂ ਵੱਧ ਸਮੇਂ ਬਾਅਦ ਕਾਉਂਸਿਲ ਦੀ ਸਥਾਪਨਾ ਕੀਤੀ ਗਈ ਸੀ। ਅਤੇ ਹੈਨਰੀ ਨੇ ਕਾਉਂਸਿਲ ਸਥਾਪਿਤ ਹੋਣ ਤੋਂ ਬਾਅਦ ਅਸਤੀਫਾ ਦੇਣ ਦਾ ਵਾਅਦਾ ਕੀਤਾ ਸੀ।
Haiti ‘ਚ ਚੱਲ ਰਹੀ ਹਿੰਸਾ ਵਿਚਾਲੇ ਆਖਿਰਕਾਰ ਪ੍ਰਧਾਨ ਮੰਤਰੀ ਨੇ ਚੁੱਕਿਆ ਇਹ ਕਦਮ
