ਕੈਨੇਡਾ ਦੇ ਵਿੱਤੀ-ਅਪਰਾਧ ਵਾਚਡੌਗ ਨੇ ਟੋਰਾਂਟੋ-ਡੋਮੀਨੀਅਨ ਬੈਂਕ ਮਤਲਬ ਕਿ ਟੀਡੀ ਬੈਂਕ ਦੇ ਖਿਲਾਫ ਮਨੀ ਲਾਂਡਰਿੰਗ ਅਤੇ ਅੱਤਵਾਦੀ ਵਿੱਤ ਉਪਾਵਾਂ ਦੀ ਪਾਲਣਾ ਨਾ ਕਰਨ ਲਈ $9.2-ਮਿਲੀਅਨ ਡਾਲਰ ਦਾ ਜੁਰਮਾਨਾ ਲਗਾਇਆ ਹੈ ਜਿਥੇ ਬੈਂਕ ਨੂੰ ਯੂ.ਐੱਸ. ਵਿੱਚ ਵੀ ਪਾਲਣਾ ਜਾਂਚਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਜਾਣਕਾਰੀ ਮੁਤਾਬਕ ਕੈਨੇਡਾ ਦੇ ਵਿੱਤੀ ਲੈਣ-ਦੇਣ ਅਤੇ ਰਿਪੋਰਟਾਂ ਦੇ ਵਿਸ਼ਲੇਸ਼ਣ ਕੇਂਦਰ, ਜਾਂ ਫਿਨਟਰੈਕ ਦੁਆਰਾ ਇਹ ਜੁਰਮਾਨਾ RBC ਦੇ ਖਿਲਾਫ $7.5-ਮਿਲੀਅਨ ਡਾਲਰ ਦਾ ਜੁਰਮਾਨਾ ਅਤੇ CIBC ਦੇ ਖਿਲਾਫ $1.3-ਮਿਲੀਅਨ ਡਾਲਰ ਦਾ ਜੁਰਮਾਨਾ ਲਗਾਇਆ ਗਿਆ ਹੈ, ਜਿਸ ਦਾ ਐਲਾਨ ਦਸੰਬਰ ਵਿੱਚ ਕੀਤਾ ਗਿਆ ਸੀ। ਇਹ ਜੁਰਮਾਨੇ ਮਨੀ ਲਾਂਡਰਿੰਗ ਅਤੇ ਅੱਤਵਾਦੀ ਵਿੱਤ ਪੋਸ਼ਣ ਨਾਲ ਸਬੰਧਤ ਗੈਰ-ਪਾਲਣਾ ਮੁੱਦਿਆਂ ਲਈ ਵੀ ਸਨ।
ਏਜੰਸੀ ਨੇ ਕਿਹਾ ਕਿ 1 ਮਾਰਚ, 2022 ਅਤੇ 31 ਮਾਰਚ, 2023 ਦੀ ਸਮੀਖਿਆ ਦੌਰਾਨ TD ਦੇ ਖਿਲਾਫ ਜੁਰਮਾਨਾ, ਪੰਜ ਉਲੰਘਣਾਵਾਂ ਲਈ ਹੈ। ਦੱਸਦਈਏ ਕਿ ਇਹਨਾਂ ਅਸਫਲਤਾਵਾਂ ਵਿੱਚ ਸ਼ੱਕੀ ਲੈਣ-ਦੇਣ ਦੀਆਂ ਰਿਪੋਰਟਾਂ ਨੂੰ ਜਮ੍ਹਾਂ ਨਾ ਕਰਨਾ ਸ਼ਾਮਲ ਹੈ ਜਦੋਂ ਅਜਿਹਾ ਕਰਨ ਲਈ ਲੋੜੀਂਦੇ ਵਾਜਬ ਆਧਾਰ ਸਨ, ਜਿਸ ਵਿੱਚ ਗਾਹਕਾਂ ਨਾਲ ਸਬੰਧਤ ਨਕਾਰਾਤਮਕ ਮੀਡੀਆ, ਮਨੀ ਲਾਂਡਰਿੰਗ ਜਾਂ ਅੱਤਵਾਦੀ ਗਤੀਵਿਧੀਆਂ ਦੇ ਵਿੱਤ ਸੰਬੰਧੀ ਜੋਖਮਾਂ ਦਾ ਮੁਲਾਂਕਣ ਅਤੇ ਦਸਤਾਵੇਜ਼ ਨਾ ਕਰਨਾ ਅਤੇ ਬੈਂਕ ਲਈ ਉੱਚ ਪੱਧਰਾਂ ਲਈ ਨਿਰਧਾਰਤ ਵਿਸ਼ੇਸ਼ ਉਪਾਅ ਨਾ ਕਰਨਾ ਸ਼ਾਮਲ ਹੈ।
ਆਪਣੀ ਸਮੀਖਿਆ ਦੇ ਦੌਰਾਨ Fintrac ਨੇ 96 ਗਾਹਕਾਂ ਦੀ ਪਛਾਣ ਕੀਤੀ ਜੋ ਬੈਂਕ ਦੇ ਉੱਚ-ਜੋਖਮ ਵਾਲੇ ਗਾਹਕ ਪ੍ਰੋਗਰਾਮ ਵਿੱਚ ਦਾਖਲ ਨਹੀਂ ਹੋਏ ਸੀ, ਜਿਸ ਵਿੱਚ ਇੱਕ ਸਿਆਸੀ ਤੌਰ ‘ਤੇ ਉਜਾਗਰ ਹੋਇਆ ਵਿਦੇਸ਼ੀ ਵਿਅਕਤੀ ਵੀ ਸ਼ਾਮਲ ਹੈ, ਜੋ ਗਾਹਕ ਤੋਂ ਲੋੜੀਂਦੇ ਵੇਰਵੇ ਪ੍ਰਾਪਤ ਕੀਤੇ ਬਿਨਾਂ ਬੈਂਕ ਦੁਆਰਾ ਦੋ ਸਾਲਾਂ ਤੋਂ ਵੱਧ ਸਮੇਂ ਲਈ ਲੈਣ-ਦੇਣ ਕਰਨ ਦੇ ਯੋਗ ਸੀ। ਟੀਡੀ ਦੀ ਬੁਲਾਰਾ ਲੀਸਾ ਹੋਜਿਨਸ ਨੇ ਕਿਹਾ ਕਿ ਬੈਂਕ ਸੁਧਾਰ ਲਈ ਕੰਮ ਕਰ ਰਿਹਾ ਹੈ। ਦੱਸਦਈਏ ਕਿ TD ਦੇ ਖਿਲਾਫ ਇਹ ਜੁਰਮਾਨਾ ਬੈਂਕ ਦੁਆਰਾ ਖੁਲਾਸਾ ਕੀਤੇ ਜਾਣ ਤੋਂ ਕੁਝ ਦਿਨ ਬਾਅਦ ਹੀ ਆਇਆ ਹੈ ਜਦੋਂ ਉਸਨੇ ਆਪਣੇ ਮਨੀ ਲਾਂਡਰਿੰਗ ਵਿਰੋਧੀ ਅਨੁਪਾਲਨ ਪ੍ਰੋਗਰਾਮ ਵਿੱਚ ਚੱਲ ਰਹੀ ਯੂਐਸ ਰੈਗੂਲੇਟਰੀ ਜਾਂਚ ਦੇ ਸਬੰਧ ਵਿੱਚ US$450 ਮਿਲੀਅਨ ਡਾਲਰ ਦਾ ਸ਼ੁਰੂਆਤੀ ਪ੍ਰਬੰਧ ਲਿਆ ਸੀ।
