Ontario: ਕਾਰ ਪਲਟਨ ਨਾਲ ਇੱਕ ਵਿਅਕਤੀ ਦੀ ਮੌਤ, ਕਈ ਜ਼ਖਮੀ

ਓਨਟਾਰੀਓ ਪ੍ਰੋਵਿੰਸ਼ੀਅਲ ਪੁਲਿਸ ਨੇ ਪੁਸ਼ਟੀ ਕੀਤੀ ਹੈ ਕਿ ਸ਼ਾਰਬਾ ਝੀਲ, ਓਨਟਾਰੀਓ ਵਿੱਚ ਸਿੰਗਲ-ਵਾਹਨ ਰੋਲਓਵਰ ਹਾਦਸੇ ਵਿੱਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਹੈ। ਜਿਸ ਨਾਲ ਪੰਜ ਹੋਰ ਗੰਭੀਰ ਰੂਪ ਵਿੱਚ ਜ਼ਖਮੀ ਹੋ ਗਏ। ਇਹ ਹਾਦਸਾ ਦੁਪਹਿਰ ਕਰੀਬ 12 ਵਜੇ ਵਾਪਰਿਆ। ਅਧਿਕਾਰੀਆਂ ਮੁਤਾਬਕ ਕਾਰ ਵਿੱਚ ਛੇ ਲੋਕ ਸਵਾਰ ਸਨ। ਓਪੀਪੀ ਦੇ ਬੁਲਾਰੇ ਬਿਲ ਡਿਕਸਨ ਨੇ ਪੁਸ਼ਟੀ ਕੀਤੀ ਕਿ ਇੱਕ ਦੀ ਮੌਕੇ ‘ਤੇ ਮੌਤ ਹੋ ਗਈ ਅਤੇ ਬਾਕੀ ਜ਼ਖਮੀ ਹੋ ਗਏ ਅਤੇ ਉਨ੍ਹਾਂ ਨੂੰ ਕਿੰਗਸਟਨ, ਪਰਥ ਸਮੇਤ ਖੇਤਰ ਦੇ ਹਸਪਤਾਲਾਂ ਵਿੱਚ ਲਿਜਾਇਆ ਗਿਆ ਅਤੇ ਇੱਕ ਨੂੰ ਓਟਾਵਾ ਵਿੱਚ CHEO ਲਈ ਏਅਰਲਿਫਟ ਕੀਤਾ ਗਿਆ। ਪੁਲਿਸ ਫੌਰੀ ਤੌਰ ‘ਤੇ ਜ਼ਖਮੀਆਂ ਦੀ ਉਮਰ ਜਾਂ ਪਛਾਣ ਦੀ ਪੁਸ਼ਟੀ ਨਹੀਂ ਕਰ ਸਕੀ। ਵਾਹਨ ਨੂੰ ਸਿਰਫ਼ “ਯਾਤਰੀ ਕਾਰ” ਵਜੋਂ ਦਰਸਾਇਆ ਗਿਆ ਹੈ।