ਇੱਕ ਨਵੇਂ ਸਰਵੇ ਵਿੱਚ ਪਾਇਆ ਗਿਆ ਹੈ ਕਿ 10 ਵਿੱਚੋਂ 4 ਓਨਟਾਰੀਓ ਵਾਸੀਆਂ ਦਾ ਕਹਿਣਾ ਹੈ ਕਿ ਉਹ ਮਕਾਨਾਂ ਦੀ ਉੱਚ ਕੀਮਤ ਕਾਰਨ ਸੂਬਾ ਛੱਡਣ ਬਾਰੇ ਵਿਚਾਰ ਕਰ ਰਹੇ ਹਨ। ਐਂਗਸ ਰੀਡ ਇੰਸਟੀਚਿਊਟ ਨੇ ਪਿਛਲੇ ਮਹੀਨੇ 4,204 ਕੈਨੇਡੀਅਨਾਂ ਦਾ ਆਨਲਾਈਨ ਸਰਵੇ ਕੀਤਾ ਅਤੇ ਪਾਇਆ ਕਿ ਸਾਰੇ ਉੱਤਰਦਾਤਾਵਾਂ ਵਿੱਚੋਂ 28 ਫੀਸਦੀ, ਹਾਊਸਿੰਗ ਦੀ ਲਾਗਤ ਬਾਰੇ ਚਿੰਤਾਵਾਂ ਕਾਰਨ ਸੂਬੇ ਤੋਂ ਬਾਹਰ ਜਾਣ ਬਾਰੇ ਵਿਚਾਰ ਕਰ ਰਹੇ ਹਨ। ਪਰ ਓਨਟਾਰੀਓ ਦੇ ਵਸਨੀਕਾਂ ਵਿੱਚ ਇਹ ਗਿਣਤੀ 39 ਫੀਸਦੀ ਤੱਕ ਪਹੁੰਚ ਗਈ, ਜੋ ਕਿ ਕਿਸੇ ਵੀ ਕੈਨੇਡੀਅਨ ਸੂਬੇ ਵਿੱਚ ਸਭ ਤੋਂ ਵੱਧ ਹੈ। ਬ੍ਰਿਟਿਸ਼ ਕੋਲੰਬੀਆ ਦੇ ਵਸਨੀਕਾਂ ਦੀ ਦੂਜੀ ਸਭ ਤੋਂ ਵੱਧ ਫੀਸਦੀ ਦਰ ਸਾਹਮਣੇ ਆਈ ਹੈ ਜੋ ਕਿ ਕਿਤੇ ਹੋਰ ਜਾਣ ਬਾਰੇ ਸੋਚ ਰਹੇ ਹਨ, ਜਿਸ ਤੋਂ ਬਾਅਦ ਨੋਵਾ ਸਕੋਸ਼ਾ ਦੇ ਨਿਵਾਸੀ ਇਸ ਲਿਸਟ ਵਿੱਚ ਆਉਂਦੇ ਹਨ। ਓਨਟਾਰੀਓ ਦੇ ਲੋਕਾਂ ਵਿੱਚੋਂ ਜਿਨ੍ਹਾਂ ਨੇ ਕਿਹਾ ਕਿ ਉਹ ਸੂਬੇ ਨੂੰ ਛੱਡਣ ਬਾਰੇ “ਗੰਭੀਰਤਾ ਨਾਲ” ਵਿਚਾਰ ਕਰ ਰਹੇ ਹਨ, ਲਗਭਗ 26% ਨੇ “ਵਿਦੇਸ਼” ਨੂੰ ਆਪਣੀ ਸੰਭਾਵਤ ਮੰਜ਼ਿਲ ਵਜੋਂ ਸੂਚੀਬੱਧ ਕੀਤਾ ਜਦੋਂ ਕਿ ਅਲਬਰਟਾ (17 ਪ੍ਰਤੀਸ਼ਤ), ਸੰਯੁਕਤ ਰਾਜ (17 ਪ੍ਰਤੀਸ਼ਤ) ਅਤੇ ਅਟਲਾਂਟਿਕ ਕੈਨੇਡਾ (14 ਪ੍ਰਤੀਸ਼ਤ) ) ਸੂਚੀ ਵਿੱਚ ਅਗਲੇ ਹਨ। ਇਤਿਹਾਸਕ ਤੌਰ ‘ਤੇ, ਕੈਨੇਡਾ ਨੂੰ ਮਜ਼ਦੂਰ ਪਰਵਾਸ ਲਈ OECD ਦੁਆਰਾ ਇੱਕ ‘ਰੋਲ ਮਾਡਲ’ ਵਜੋਂ ਦੇਖਿਆ ਗਿਆ ਹੈ ਅਤੇ ਪਰਵਾਸੀਆਂ ਨੂੰ ਆਰਥਿਕ ਤੌਰ ‘ਤੇ ਏਕੀਕ੍ਰਿਤ ਕਰਨ ਦੀ ਗੱਲ ਆਉਂਦੀ ਹੈ ਤਾਂ OECD ਦੇ ਜ਼ਿਆਦਾਤਰ ਦੇਸ਼ਾਂ ਨੂੰ ਪਛਾੜ ਦਿੱਤਾ ਹੈ। ਪਰ ਬਹੁਤ ਸਾਰੇ ਹਾਲ ਹੀ ਦੇ ਪ੍ਰਵਾਸੀ ਰਹਿਣ-ਸਹਿਣ ਦੀ ਉੱਚ ਕੀਮਤ, ਅਤੇ ਖਾਸ ਤੌਰ ‘ਤੇ ਰਿਹਾਇਸ਼ ਦੇ ਕਾਰਨ ਦੇਸ਼ ਛੱਡ ਰਹੇ ਹਨ, ਜੋ ਕੀ ਨਵੇਂ ਆਉਣ ਵਾਲਿਆਂ ਲਈ ਇੱਕ ਸੁਆਗਤ ਕਰਨ ਵਾਲੇ ਦੇਸ਼ ਵਜੋਂ ਕੈਨੇਡਾ ਦੀ ਸਾਖ ਨੂੰ ਨੁਕਸਾਨ ਪਹੁੰਚਾ ਰਿਹਾ ਹੈ। ਹਾਲਾਂਕਿ, ਓਨਟਾਰੀਓ ਵਾਸੀਆਂ ਨੂੰ ਅਜੇ ਵੀ ਹਾਊਸਿੰਗ ਖਰਚਿਆਂ ਬਾਰੇ ਆਸ਼ਾਵਾਦੀ ਹਨ। ਉਹ ਇਸ ਲਈ ਕਿਉਂਕਿ ਓਨਟਾਰੀਓ ਦੇ ਵਸਨੀਕਾਂ ਵਿੱਚੋਂ 58 ਫੀਸਦੀ ਸਰਵੇ ਕੀਤੇ ਗਏ ਲੋਕਾਂ ਨੇ ਕਿਹਾ ਕਿ ਉਨ੍ਹਾਂ ਨੂੰ ਉਮੀਦ ਹੈ ਕਿ “ਅਗਲੇ ਕੁਝ ਸਾਲਾਂ ਵਿੱਚ ਰਿਹਾਇਸ਼ ਦੀ ਸਮਰੱਥਾ ਵਿੱਚ ਸੁਧਾਰ ਹੋਵੇਗਾ। ਅਤੇ ਕੈਨੇਡੀਅਨਾਂ ਵਿੱਚ ਇਹ ਗਿਣਤੀ 53 ਫੀਸਦੀ ਸੀ।
ਰਿਹਾਇਸ਼ ਦੀ ਉੱਚ ਕੀਮਤ ਪੰਜ ਵਿੱਚੋਂ ਦੋ ਨਵੇਂ ਪ੍ਰਵਾਸੀਆਂ ਨੂੰ ਜਾਣ ਬਾਰੇ ਸੋਚ ਰਹੇ ਹਨ:ਪੋਲ
