ਅਦਾਕਾਰਾ ਹਿਨਾ ਖਾਨ ਛਾਤੀ ਦੇ ਕੈਂਸਰ ਦਾ ਇਲਾਜ ਕਰਵਾ ਰਹੀ ਹੈ। ਹਾਲ ਹੀ ‘ਚ ਉਨ੍ਹਾਂ ਨੇ ਇਕ ਸੋਸ਼ਲ ਮੀਡੀਆ ਪੋਸਟ ਰਾਹੀਂ ਦੱਸਿਆ ਸੀ ਕਿ ਜਾਂਚ ਦੌਰਾਨ ਉਨ੍ਹਾਂ ਨੂੰ ਕੈਂਸਰ ਦਾ ਪਤਾ ਲੱਗਾ ਹੈ, ਜੋ ਤੀਜੇ ਪੜਾਅ ‘ਤੇ ਹੈ। ਅਭਿਨੇਤਰੀ ਕੈਂਸਰ ਦੇ ਖਿਲਾਫ ਲੜਾਈ ਬਹੁਤ ਮਜ਼ਬੂਤੀ ਨਾਲ ਲੜ ਰਹੀ ਹੈ। ਕੀਮੋਥੈਰੇਪੀ ਤੋਂ ਬਾਅਦ, ਉਸਨੇ ਆਪਣੇ ਵਾਲ ਛੋਟੇ ਕਰ ਲਏ ਹਨ ਅਤੇ ਖੁਦ ਆਪਣੇ ਵਾਲ ਕੱਟਦੇ ਹੋਏ ਇੱਕ ਭਾਵੁਕ ਵੀਡੀਓ ਸ਼ੇਅਰ ਕੀਤਾ ਹੈ। ਅਦਾਕਾਰਾ ਨੇ ਅੱਜ ਇਕ ਪੋਸਟ ਸ਼ੇਅਰ ਕੀਤੀ ਹੈ, ਜਿਸ ਵਿਚ ਉਸ ਦੇ ਸਰੀਰ ‘ਤੇ ਇਲਾਜ ਦੌਰਾਨ ਰਹਿ ਗਏ ਦਾਗ ਦਿਖਾਈ ਦੇ ਰਹੇ ਹਨ।
ਹਿਨਾ ਇਸ ਸਥਿਤੀ ਦਾ ਬਹਾਦਰੀ ਨਾਲ ਸਾਹਮਣਾ ਕਰ ਰਹੀ ਹੈ
ਹਿਨਾ ਖਾਨ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਹੈਂਡਲ ਤੋਂ ਆਪਣੀਆਂ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਹਿਨਾ ਖਾਨ ਛੋਟੇ ਵਾਲਾਂ ਦੇ ਨਾਲ ਗੁਲਾਬੀ ਰੰਗ ਦਾ ਟਾਪ ਪਹਿਣਦੀ ਨਜ਼ਰ ਆ ਰਹੀ ਹੈ। ਹਰ ਤਸਵੀਰ ‘ਚ ਹਿਨਾ ਆਪਣੇ ਚਿਹਰੇ ‘ਤੇ ਮੁਸਕਰਾਹਟ ਦੇ ਨਾਲ ਨਜ਼ਰ ਆ ਰਹੀ ਹੈ। ਅੱਖਾਂ ਵਿੱਚ ਨਿਡਰਤਾ ਹੈ। ਤਸਵੀਰਾਂ ‘ਚ ਹਿਨਾ ਦੇ ਸਰੀਰ ‘ਤੇ ਕੁਝ ਨਿਸ਼ਾਨ ਹਨ, ਜੋ ਇਲਾਜ ਤੋਂ ਹਨ। ਹਿਨਾ ਖਾਨ ਨੇ ਇਸ ਪੋਸਟ ਦੇ ਨਾਲ ਇੰਨਾ ਦਲੇਰਾਨਾ ਕੈਪਸ਼ਨ ਲਿਖਿਆ ਹੈ ਕਿ ਹਰ ਕੋਈ ਉਸ ਨੂੰ ਸਲਾਮ ਕਰ ਰਿਹਾ ਹੈ।
