ਆਸਟ੍ਰੇਲੀਆ ਦੇ ਤੱਟ ‘ਤੇ 29 ਪਾਇਲਟ ਵ੍ਹੇਲਾਂ ਦੀ ਮੌਤ ਹੋ ਗਈ। ਆਸਟ੍ਰੇਲੀਆ ਦੀ ਪਾਰਕਸ ਐਂਡ ਵਾਈਲਡਲਾਈਫ ਸਰਵਿਸ ਨੇ ਕਿਹਾ ਕਿ ਵੀਰਵਾਰ ਨੂੰ ਕਰੀਬ 160 ਵ੍ਹੇਲ ਪੀਆ ਕੋਰਟਿਸ ਬੀਚ ‘ਤੇ ਪਹੁੰਚੀਆਂ ਸਨ। ਇਨ੍ਹਾਂ ਵਿੱਚੋਂ 130 ਨੂੰ ਬਚਾ ਲਿਆ ਗਿਆ, ਜਦੋਂ ਕਿ ਕਰੀਬ 29 ਦੀ ਮੌਤ ਹੋ ਗਈ।
ਵ੍ਹੇਲ ਮੱਛੀਆਂ ਦੇ ਮੁੜ ਕਿਨਾਰੇ ਆਉਣ ਦੇ ਡਰ ਕਾਰਨ ਸਪੋਟਰ ਜਹਾਜ਼ਾਂ ਅਤੇ ਕਈ ਕਿਸ਼ਤੀਆਂ ਰਾਹੀਂ ਉਨ੍ਹਾਂ ‘ਤੇ ਨਜ਼ਰ ਰੱਖੀ ਜਾ ਰਹੀ ਹੈ। ਸਮੁੰਦਰੀ ਵਿਗਿਆਨੀ ਨੇ ਕਿਹਾ ਕਿ ਸਮੁੰਦਰੀ ਤੱਟ ‘ਤੇ ਆਉਣ ਤੋਂ ਬਾਅਦ, ਪਾਇਲਟ ਵ੍ਹੇਲ ਆਮ ਤੌਰ ‘ਤੇ ਸਿਰਫ 6 ਘੰਟੇ ਤੱਕ ਜ਼ਿੰਦਾ ਰਹਿ ਸਕਦੀਆਂ ਹਨ।
ਮਾਦਾ ਪਾਇਲਟ ਵ੍ਹੇਲ ਅਤੇ ਉਨ੍ਹਾਂ ਦੇ ਬੱਚੇ ਤੱਟ ‘ਤੇ ਫਸੇ ਹੋਏ ਸਨ
ਆਸਟ੍ਰੇਲੀਆ ਦੀ ਜੰਗਲੀ ਜੀਵ ਸੇਵਾ ਮਰੀ ਹੋਈ ਪਾਇਲਟ ਵ੍ਹੇਲ ਮੱਛੀਆਂ ਦੇ ਨਮੂਨੇ ਇਕੱਠੇ ਕਰੇਗੀ ਅਤੇ ਉਨ੍ਹਾਂ ਦੀ ਜਾਂਚ ਕਰੇਗੀ। ਇਹ ਵ੍ਹੇਲ ਸਮੁੰਦਰੀ ਕੰਢੇ ‘ਤੇ ਕਿਉਂ ਆਈਆਂ, ਇਸ ਬਾਰੇ ਅਜੇ ਤੱਕ ਜਾਣਕਾਰੀ ਨਹੀਂ ਮਿਲ ਸਕੀ ਹੈ। ਇਹਨਾਂ ਵਿੱਚ ਜਿਆਦਾਤਰ ਮਾਦਾ ਵ੍ਹੇਲ ਅਤੇ ਉਹਨਾਂ ਦੇ ਬੱਚੇ ਸ਼ਾਮਲ ਸਨ।
ਨਿਊਯਾਰਕ ਟਾਈਮਜ਼ ਨੇ ਮਾਹਿਰਾਂ ਦੇ ਹਵਾਲੇ ਨਾਲ ਕਿਹਾ ਕਿ ਪਾਇਲਟ ਵ੍ਹੇਲ ਸਮਾਜਿਕ ਹਨ। ਉਹ ਇੱਕ ਦੂਜੇ ਦਾ ਬਹੁਤ ਖਿਆਲ ਰੱਖਦੇ ਹਨ। ਆਮ ਤੌਰ ‘ਤੇ ਜਦੋਂ ਕੋਈ ਵ੍ਹੇਲ ਬੀਮਾਰ ਹੋ ਜਾਂਦੀ ਹੈ ਜਾਂ ਕੰਢੇ ‘ਤੇ ਫਸ ਜਾਂਦੀ ਹੈ, ਤਾਂ ਹੋਰ ਪਾਇਲਟ ਵ੍ਹੇਲ ਵੀ ਬਚਾਅ ਲਈ ਆਉਂਦੀਆਂ ਹਨ।
