ਪੁਲਸ ਨੇ ਦੋ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰ ਲਿਆ ਹੈ
ਓਸ਼ੀਵਾੜਾ ਪੁਲਸ ਨੇ ਅਨੁਪਮ ਖੇਰ ਦੇ ਦਫਤਰ ‘ਚ ਚੋਰੀ ਦੇ ਦੋਸ਼ ‘ਚ ਦੋ ਲੋਕਾਂ ਮਾਜਿਦ ਸ਼ੇਖ ਅਤੇ ਮੁਹੰਮਦ ਦਲੇਰ ਬਹਿਰੀਮ ਖਾਨ ਨੂੰ ਗ੍ਰਿਫਤਾਰ ਕੀਤਾ ਹੈ। ਇਹ ਦੋਵੇਂ ਸੀਰੀਅਲ ਚੋਰ ਹਨ ਅਤੇ ਸ਼ਹਿਰ ਦੇ ਵੱਖ-ਵੱਖ ਇਲਾਕਿਆਂ ‘ਚ ਚੋਰੀ ਦੀਆਂ ਵਾਰਦਾਤਾਂ ਨੂੰ ਅੰਜਾਮ ਦਿੰਦੇ ਹਨ। ਐਕਟਰ ਨੇ ਚੋਰੀ ਤੋਂ ਬਾਅਦ ਟੁੱਟੇ ਹੋਏ ਦਰਵਾਜ਼ੇ ਦੀ ਵੀਡੀਓ ਸ਼ੇਅਰ ਕੀਤੀ ਅਤੇ ਘਟਨਾ ਦੀ ਜਾਣਕਾਰੀ ਦਿੱਤੀ। ਵੀਰਵਾਰ ਸਵੇਰੇ 9.45 ਵਜੇ ਦੇ ਕਰੀਬ ਉਨ੍ਹਾਂ ਦੇ ਦਫ਼ਤਰ ‘ਚ ਚੋਰੀ ਦਾ ਪਤਾ ਲੱਗਾ, ਜਦੋਂ ਦਫ਼ਤਰ ਦਾ ਕਰਮਚਾਰੀ ਉੱਥੇ ਪਹੁੰਚਿਆ ਅਤੇ ਤਾਲੇ ਟੁੱਟੇ ਹੋਏ ਦੇਖਿਆ। ਪੁਲਸ ਨੇ ਦੱਸਿਆ ਕਿ ਚੋਰ ਸੇਫ ‘ਚ ਰੱਖੇ 4.15 ਲੱਖ ਰੁਪਏ ਵੀ ਲੈ ਗਏ।