‘ਗਦਰ 3’ ‘ਤੇ ਕੰਮ ਸ਼ੁਰੂ ਹੋ ਗਿਆ ਹੈ।
ਅਨਿਲ ਸ਼ਰਮਾ ਨੇ ਗੱਲਬਾਤ ਦੌਰਾਨ ਫਿਲਮ ਬਾਰੇ ਗੱਲ ਕਰਦਿਆਂ ਦੱਸਿਆ ਕਿ ਉਨ੍ਹਾਂ ਨੇ ‘ਗਦਰ 3’ ‘ਤੇ ਕੰਮ ਸ਼ੁਰੂ ਕਰ ਦਿੱਤਾ ਹੈ। ਇਸ ਦੇ ਨਾਲ ਹੀ ਸੰਨੀ ਦਿਓਲ ਦੀ ਤਾਰਾ ਸਿੰਘ ਵਜੋਂ ਵਾਪਸੀ ਪੱਕੀ ਹੋ ਗਈ ਹੈ। ਨਿਰਦੇਸ਼ਕ ਨੇ ਕਿਹਾ, ‘ਅਸੀਂ ਗਦਰ 3 ‘ਤੇ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਜਦੋਂ ਫਿਲਮ ਨਾਲ ਜੁੜੀ ਹਰ ਗੱਲ ਪੂਰੀ ਹੋ ਜਾਵੇਗੀ ਤਾਂ ਸ਼ੇਅਰ ਕਰਾਂਗੇ, ਅਜੇ ਕੁਝ ਸਮਾਂ ਹੈ। ਉਨ੍ਹਾਂ ਅੱਗੇ ਦੱਸਿਆ ਕਿ ਫਿਲਮ ‘ਗਦਰ 2’ ਨੂੰ ਬਣਾਉਣ ‘ਚ 20 ਸਾਲ ਲੱਗੇ ਸਨ।

‘ਗਦਰ 3’ ਭਾਵਨਾਵਾਂ ਦਾ ਐਟਮ ਬੰਬ ਹੋਵੇਗਾ
ਨਿਰਦੇਸ਼ਕ ਅਨਿਲ ਸ਼ਰਮਾ ਨੇ ਫਿਲਮ ਬਾਰੇ ਅੱਗੇ ਗੱਲ ਕਰਦੇ ਹੋਏ ਕਿਹਾ ਕਿ ਉਹ ਚਾਹੁੰਦੇ ਹਨ ਕਿ ਅਗਲਾ ਭਾਗ ਪਹਿਲਾ ਰਿਲੀਜ਼ ਨਾਲੋਂ ਵੱਡਾ ਹੋਵੇ ਅਤੇ ਇਸ ਵਿੱਚ ਭਾਵਨਾਤਮਕ ਪਹਿਲੂ ਵਧੀਆ ਹੋਣ। ਉਸ ਨੇ ਕਿਹਾ, ‘ਗਦਰ 3 ਉਦੋਂ ਆਵੇਗੀ ਜਦੋਂ ਸਕ੍ਰਿਪਟ ਪੂਰੀ ਹੋ ਜਾਵੇਗੀ ਅਤੇ ਮੈਨੂੰ ਲੱਗਦਾ ਹੈ ਕਿ ਇਹ ਸਿਰਫ ਭਾਵਨਾਵਾਂ ਦਾ ਬੰਬ ਨਹੀਂ, ਸਗੋਂ ਭਾਵਨਾਵਾਂ ਦਾ ਐਟਮ ਬੰਬ ਹੈ।’ ਇਸ ਦੇ ਨਾਲ ਹੀ ਉਨ੍ਹਾਂ ਕਿਹਾ, ‘ਮੇਰਾ ਮੰਨਣਾ ਹੈ ਕਿ ਕਹਾਣੀਆਂ ਦਾ ਸਿਲਸਿਲਾ ਜਾਰੀ ਰਹਿਣਾ ਚਾਹੀਦਾ ਹੈ। ਮੈਂ ਕਹਾਣੀ ਜਾਰੀ ਰੱਖਣਾ ਚਾਹੁੰਦਾ ਹਾਂ।