ਜਿੰਦਾਦਿਲੀ ਦੀ ਮਿਸਾਲ ਖਿਡਾਰੀ, ਬਿਨਾਂ ਬਾਹਾਂ ਦੇ ਕ੍ਰਿਕਟ ਖੇਡਦਾ ਆਮਿਰ ਹੁਸੈਨ

15 ਜਨਵਰੀ 2024: ਅਸਲ ਜ਼ਿੰਦਗੀ ਦਾ ‘ਇਕਬਾਲ’ ਕਸ਼ਮੀਰ ਦਾ ਆਮਿਰ ਹੈ, ਉਹ ਦੋਵੇਂ ਹੱਥਾਂ ਤੋਂ ਸੱਖਣੇ ਹਨ ਪਰ ਬੱਲੇ ਨਾਲ ਚੌਕੇ ਅਤੇ ਛੱਕੇ ਮਾਰਦਾ ਹੈ! ਕਿਹਾ ਜਾਂਦਾ ਹੈ ਕਿ ਜੇਕਰ ਤੁਹਾਡੇ ਅੰਦਰ ਕੁਝ ਕਰਨ ਦਾ ਜਨੂੰਨ ਅਤੇ ਜਜ਼ਬਾ ਹੈ ਤਾਂ ਤੁਸੀਂ ਇੱਕ ਦਿਨ ਤੁਹਾਡੇ ਸਾਹਮਣੇ ਚੱਟਾਨ ਵਾਂਗ ਖੜ੍ਹੀਆਂ ਮੁਸ਼ਕਿਲਾਂ ਨੂੰ ਵੀ ਪਾਰ ਕਰ ਕੇ ਆਪਣੀ ਮੰਜ਼ਿਲ ‘ਤੇ ਪਹੁੰਚ ਜਾਓਗੇ। ਅਜਿਹੀ ਹੀ ਇੱਕ ਕਹਾਣੀ ਦੇਸ਼ ਦੇ ਸਭ ਤੋਂ ਖੂਬਸੂਰਤ ਸੂਬੇ ਜੰਮੂ-ਕਸ਼ਮੀਰ ਤੋਂ ਸਾਹਮਣੇ ਆਈ ਹੈ। ਜੰਮੂ-ਕਸ਼ਮੀਰ ਦੇ ਰਹਿਣ ਵਾਲੇ ਆਮਿਰ ਹੁਸੈਨ ਨੇ ਅਜਿਹਾ ਕੁਝ ਕੀਤਾ ਹੈ ਜਿਸ ਨੂੰ ਦੇਖ ਕੇ ਹਰ ਕੋਈ ਉਸ ਨੂੰ ਸਲਾਮ ਕਰ ਰਿਹਾ ਹੈ।ਉਨ੍ਹਾਂ ਦੇ ਦੋਵੇਂ ਹੱਥ ਨਾ ਹੋਣ ਦੇ ਬਾਵਜੂਦ ਵੀ ਆਮਿਰ ਕ੍ਰਿਕਟ ਖੇਡ ਰਹੇ ਹਨ। ਖਾਸ ਗੱਲ ਇਹ ਹੈ ਕਿ ਉਹ ਆਪਣੀ ਟੀਮ ਦੇ ਕਪਤਾਨ ਵੀ ਹਨ।