ਪੰਜਾਬ ਦੇ ਜਲੰਧਰ ਦੀ ਇੱਕ ਮਹਿਲਾ ਕਾਰੋਬਾਰੀ ਨੇ ਮਹਾਕੁੰਭ ਵਿੱਚ ਪਹੁੰਚਣ ਤੋਂ ਬਾਅਦ ਇੱਕ ਵੱਡਾ ਐਲਾਨ ਕੀਤਾ ਹੈ। ਪ੍ਰਯਾਗਰਾਜ ਦੇ ਮਹਾਂਕੁੰਭ ਵਿੱਚ ਇਸ਼ਨਾਨ ਕਰਨ ਗਈ ਜਲੰਧਰ ਦੀ ਇੱਕ ਔਰਤ ਨੇ ਸਭ ਕੁਝ ਛੱਡਣ ਦਾ ਫੈਸਲਾ ਕੀਤਾ ਹੈ। ਜ਼ਿਕਰਯੋਗ ਹੈ ਕਿ ਔਰਤ ਦਾ ਜਲੰਧਰ ਵਿੱਚ ਪਰਫਿਊਮ ਦਾ ਕਾਰੋਬਾਰ ਹੈ, ਜਿਸਨੂੰ ਉਸਨੇ ਆਪਣੇ ਪੁੱਤਰ ਨੂੰ ਸੌਂਪ ਦਿੱਤਾ ਹੈ। ਇਸ ਦੇ ਨਾਲ ਹੀ ਔਰਤ ਨੇ ਘਰ ਦੀ ਸਾਰੀ ਜ਼ਿੰਮੇਵਾਰੀ ਵੀ ਆਪਣੇ ਪੁੱਤਰ ਨੂੰ ਸੌਂਪ ਦਿੱਤੀ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਕਾਰੋਬਾਰੀ ਔਰਤ ਪ੍ਰਯਾਗਰਾਜ ਗਈ ਅਤੇ ਪੂਰੀ ਤਰ੍ਹਾਂ ਅਧਿਆਤਮਿਕਤਾ ਵਿੱਚ ਡੁੱਬ ਗਈ ਅਤੇ ਉਸਨੂੰ ਸ਼੍ਰੀ 1008 ਮਹਾਮੰਡਲੇਸ਼ਵਰ ਸਵਾਮੀ ਚਰਨਾਸ਼੍ਰਿਤ ਗਿਰੀ ਜੀ ਮਹਾਰਾਜ ਦੀ ਸੰਗਤ ਮਿਲੀ। ਹੁਣ ਉਹ ਮਹਾਂਕੁੰਭ ਵਿੱਚ ਲੋਕਾਂ ਨੂੰ ਸਵਰ ਯੋਗ ਸਾਧਨਾ ਸਿਖਾ ਰਹੀ ਹੈ। ਔਰਤ ਦੀ ਪਛਾਣ ਸ਼ਵੇਤਾ ਚੋਪੜਾ (ਉਮਰ 50) ਵਜੋਂ ਹੋਈ ਹੈ, ਜੋ ਕਿ ਸਿਲਵਰ ਹਾਈਟਸ ਕਲੋਨੀ, ਜਲੰਧਰ ਦੀ ਰਹਿਣ ਵਾਲੀ ਹੈ, ਜੋ ਹੁਣ ਅਨੰਤ ਗਿਰੀ ਬਣ ਗਈ ਹੈ। ਔਰਤ ਦਾ ਵਿਆਹ 1996 ਵਿੱਚ ਇੱਕ ਪਰਫਿਊਮ ਕਾਰੋਬਾਰੀ ਨਾਲ ਹੋਇਆ ਸੀ ਅਤੇ ਉਨ੍ਹਾਂ ਦਾ ਇੱਕ ਪੁੱਤਰ ਹੈ। ਜਾਣਕਾਰੀ ਅਨੁਸਾਰ ਔਰਤ ਦੇ ਪਤੀ ਦੀ ਮੌਤ ਸਾਲ 2012 ਵਿੱਚ ਨਸ਼ੇ ਦੀ ਲਤ ਕਾਰਨ ਹੋਈ ਸੀ।
ਇਸ ਦੁਖਦਾਈ ਪਲ ਤੋਂ ਬਾਅਦ, ਉਸਨੇ ਆਪਣੇ ਪਰਿਵਾਰਕ ਕਾਰੋਬਾਰ ਦੀ ਦੇਖਭਾਲ ਕੀਤੀ ਅਤੇ ਆਪਣੇ ਇਕਲੌਤੇ ਪੁੱਤਰ ਸੰਚਿਤ ਅਰੋੜਾ ਦੀ ਪਰਵਰਿਸ਼ ਵੀ ਕੀਤੀ। ਪਰ ਉਹ ਸ਼ਾਂਤੀ ਦੀ ਭਾਲ ਵਿੱਚ ਭਟਕ ਰਹੀ ਸੀ ਜੋ ਉਸਨੂੰ ਮਹਾਂਕੁੰਭ ਜਾਣ ਤੋਂ ਬਾਅਦ ਮਿਲੀ ਅਤੇ ਉਸਨੇ ਸਾਧਵੀ ਬਣਨ ਦਾ ਐਲਾਨ ਕਰ ਦਿੱਤਾ।
