ਦਿੱਲੀ ਵਿੱਚ ਸਹੁੰ ਚੁੱਕ ਸਮਾਗਮ ਤੋਂ ਬਾਅਦ ਸਰਕਾਰ ਵਿੱਚ ਮੰਤਰੀਆਂ ਵਿੱਚ ਵਿਭਾਗਾਂ ਦੀ ਵੰਡ ਹੋ ਗਈ ਹੈ। ਸ਼ਨੀਵਾਰ ਨੂੰ ਆਤਿਸ਼ੀ ਅਤੇ ਪੰਜ ਹੋਰ ਵਿਧਾਇਕਾਂ ਨੇ ਮੰਤਰੀ ਵਜੋਂ ਸਹੁੰ ਚੁੱਕੀ। ਜਿਸ ਤੋਂ ਬਾਅਦ ਦੇਰ ਸ਼ਾਮ ਵਿਭਾਗਾਂ ਦੀ ਵੰਡ ਦੀ ਸੂਚੀ ਵੀ ਸਾਹਮਣੇ ਆਈ। ਆਤਿਸ਼ੀ ਨੇ 13 ਵਿਭਾਗ ਆਪਣੇ ਕੋਲ ਰੱਖੇ ਹਨ ਜਦਕਿ ਸੌਰਭ ਭਾਰਦਵਾਜ ਨੂੰ 8 ਵਿਭਾਗ ਮਿਲੇ ਹਨ।
ਮੁੱਖ ਮੰਤਰੀ ਆਤਿਸ਼ੀ ਸਿੱਖਿਆ ਅਤੇ ਵਿੱਤ ਸਮੇਤ 13 ਵਿਭਾਗਾਂ ਦਾ ਚਾਰਜ ਸੰਭਾਲਣਗੇ। ਦਿੱਲੀ ਕੈਬਨਿਟ ਵਿੱਚ ਮੌਜੂਦਾ ਮੰਤਰੀਆਂ ਵਿੱਚ ਪਹਿਲੀ ਵਾਰ ਵਿਧਾਇਕ ਬਣੇ ਮੁਕੇਸ਼ ਅਹਲਾਵਤ ਸਮੇਤ ਪੰਜ ਮੈਂਬਰ (ਮੁੱਖ ਮੰਤਰੀ ਤੋਂ ਇਲਾਵਾ) ਹਨ।
