ਹੈਲੀਫੈਕਸ ਵਾਲਮਾਰਟ ਕਰਮਚਾਰੀ ਦੀ ਮੌਤ ਤੋਂ ਬਾਅਦ ਅਜੇ ਵੀ ਬੰਦ

ਹੈਲੀਫੈਕਸ ਦੇ ਮਮਫੋਰਡ ਰੋਡ ‘ਤੇ ਇੱਕ ਵਾਲਮਾਰਟ ਸਟੋਰ, ਜਿੱਥੇ 19 ਅਕਤੂਬਰ ਨੂੰ 19 ਸਾਲਾ ਕਰਮਚਾਰੀ ਗੁਰਸਿਮਰਨ ਕੌਰ ਵਾਕ-ਇਨ ਓਵਨ ਵਿੱਚ ਮ੍ਰਿਤਕ ਪਾਈ ਗਈ ਸੀ, ਮੁਰੰਮਤ ਲਈ ਅਜੇ ਵੀ ਬੰਦ ਹੈ। ਜ਼ਿਕਰਯੋਗ ਹੈ ਕਿ ਹੈਲੀਫੈਕਸ ਖੇਤਰੀ ਪੁਲਿਸ ਨੇ ਇੱਕ ਮਹੀਨੇ ਦੀ ਲੰਮੀ ਜਾਂਚ ਤੋਂ ਬਾਅਦ ਪਿਛਲੇ ਹਫ਼ਤੇ ਐਲਾਨ ਕੀਤਾ ਸੀ ਕਿ ਮੌਤ ਸ਼ੱਕੀ ਨਹੀਂ ਸੀ ਅਤੇ ਇਸ ਘਟਨਾ ਵਿੱਚ ਕੋਈ ਗਲਤ ਖੇਡ ਸ਼ਾਮਲ ਨਹੀਂ ਸੀ।ਦੱਸਦਈਏ ਕਿ ਘਟਨਾ ਦੀ ਸਥਾਨਕ ਜਾਂਚ ਕਿਰਤ, ਹੁਨਰ ਅਤੇ ਇਮੀਗ੍ਰੇਸ਼ਨ ਵਿਭਾਗ ਦੁਆਰਾ ਕੀਤੀ ਜਾ ਰਹੀ ਹੈ।ਇਸ ਦੌਰਾਨ ਵਾਲਮਾਰਟ ਨੇ ਕਿਹਾ ਕਿ ਸਟੋਰ ਵਿੱਚ ਕਰਮਚਾਰੀ ਦੀ ਮੌਤ ਤੋਂ ਪਹਿਲਾਂ ਸ਼ੁਰੂ ਹੋਏ ਨਵੀਨੀਕਰਨ ਜਾਰੀ ਹਨ, ਜਿਸ ਕਰਕੇ ਸਟੋਰ ਕਈ ਹਫ਼ਤਿਆਂ ਤੱਕ ਨਹੀਂ ਖੁੱਲ੍ਹੇਗਾ।ਵਾਲਮਾਰਟ ਦੀ ਬੁਲਾਰਾ ਅਮੈਂਡਾ ਮੌਸ ਨੇ ਕਿਹਾ ਕਿ ਸਟੋਰ ਜਲਦੀ ਹੀ ਨਵੇਂ ਮੁਰੰਮਤ ਕੀਤੇ ਸਥਾਨ ‘ਤੇ ਗਾਹਕਾਂ ਦਾ ਸਵਾਗਤ ਕਰੇਗਾ। ਇਸ ਦੌਰਾਨ, ਸਟੋਰ ਮਰੀਜ਼ਾਂ ਲਈ ਕਰਬਸਾਈਡ ਫਾਰਮੇਸੀ ਸੇਵਾਵਾਂ ਪ੍ਰਦਾਨ ਕਰ ਰਿਹਾ ਹੈ।