ਲੇਥਬ੍ਰਿਜ ਵਿੱਚ 3 ਬੱਚਿਆਂ ਨੂੰ ਇੱਕ ਵਾਹਨ ਨੇ ਮਾਰੀ ਟੱਕਰ

ਲੇਥਬ੍ਰਿਜ ਦੇ ਉੱਤਰੀ ਹਿੱਸੇ ਵਿੱਚ 20 ਜਨਵਰੀ, 2025 ਨੂੰ ਤਿੰਨ ਬੱਚਿਆਂ ਨੂੰ ਇੱਕ ਵਾਹਨ ਨੇ ਟੱਕਰ ਮਾਰੀ। ਇਹ ਬੱਚੇ ਲੇਥਬ੍ਰਿਜ ਦੀ ਹਾਲੀ ਸਪਿਰਿਟ ਕੈਥੋਲਿਕ ਸਕੂਲ ਡਿਵੀਜ਼ਨ ਦੇ ਵਿਦਿਆਰਥੀ ਹਨ। ਪੁਲਿਸ ਦਾ ਕਹਿਣਾ ਹੈ ਕਿ ਡ੍ਰਾਈਵਰ ਦੇ ਖਿਲਾਫ਼ ਅਪਰਾਧੀ ਕਾਰਵਾਈ ਦੀ ਜਾਂਚ ਜਾਰੀ ਹੈ।ਜਾਣਕਾਰੀ ਮੁਤਾਬਿਕ, ਇਹ ਤਿੰਨ ਬੱਚੇ ਜਿਨ੍ਹਾਂ ਦੀ ਉਮਰ 14 ਸਾਲ, ਇੱਕ 7 ਸਾਲ ਦੀ ਲੜਕੀ ਅਤੇ 5 ਸਾਲ ਦਾ ਬੱਚਾ – 13 ਐਵੇਨਿਊ ਅਤੇ 23 ਸਟਰੀਟ ਨੋਰਥ ਦੇ ਕ੍ਰਾਸਵਾਕ ‘ਤੇ ਜਾ ਰਹੇ ਸਨ ਜਦੋਂ ਉਹਨਾਂ ਨੂੰ ਇੱਕ ਵਾਹਨ ਨੇ ਟੱਕਰ ਮਾਰੀ। ਤਿੰਨੋਂ ਬੱਚਿਆਂ ਨੂੰ ਤੁਰੰਤ ਚਿਨੂਕ ਰੀਜਨਲ ਹਸਪਤਾਲ ਲਿਆਂਦਾ ਗਿਆ, ਅਤੇ ਬਾਅਦ ਵਿੱਚ ਉਨ੍ਹਾਂ ਨੂੰ ਕੈਲਗਰੀ ਵਿੱਚ ਹੋਰ ਇਲਾਜ ਲਈ ਭੇਜਿਆ ਗਿਆ। ਡ੍ਰਾਈਵਰ ਸਥਾਨ ‘ਤੇ ਹੀ ਰੁਕਿਆ ਰਿਹਾ। ਹੋਲੀ ਸਪਿਰਿਟ ਕੈਥੋਲਿਕ ਸਕੂਲ ਡਿਵੀਜ਼ਨ ਨੇ ਇੱਕ ਬਿਆਨ ਵਿੱਚ ਕਿਹਾ, “ਇਹ ਬੱਚੇ ਆਪਣੀ ਸਕੂਲ ਬੱਸ ਦੀ ਵੈਟ ਕਰਨ ਜਾ ਰਹੇ ਸਨ ਜਦੋਂ ਇਹ ਹਾਦਸਾ ਵਾਪਰਿਆ।” ਬਿਆਨ ਵਿੱਚ ਇਹ ਵੀ ਕਿਹਾ ਗਿਆ ਕਿ “ਹਾਦਸੇ ਦੇ ਸਮੇਂ ਇੱਕ ਸਾਊਥਲੈਂਡ ਬੱਸ ਜੋ ਹੋਲੀ ਸਪਿਰਿਟ ਸਕੂਲ ਦੇ ਵਿਦਿਆਰਥੀਆਂ ਨੂੰ ਲੈ ਕੇ ਜਾ ਰਹੀ ਸੀ, ਉਹ ਸਥਾਨ ‘ਤੇ ਮੌਜੂਦ ਸੀ, ਅਤੇ ਬੱਸ ਵਿੱਚ ਸਵਾਰ ਵਿਦਿਆਰਥੀ ਸ਼ਾਇਦ ਇਸ ਹਾਦਸੇ ਦੇ ਗਵਾਹ ਹੋ ਸਕਦੇ ਹਨ।” ਪੁਲਿਸ ਨੇ ਕਿਹਾ ਹੈ ਕਿ ਡ੍ਰਾਈਵਰ ਦੇ ਖਿਲਾਫ ਅਪਰਾਧੀ ਕਾਰਵਾਈ ਜਾਰੀ ਹੈ। ਅਤੇ ਜੇਕਰ ਕਿਸੇ ਨੂੰ ਇਸ ਹਾਦਸੇ ਨਾਲ ਸੰਬੰਧਿਤ ਕੋਈ ਸਵਾਲ ਜਾਂ ਚਿੰਤਾ ਹੋਵੇ ਤਾਂ ਉਹ ਸਕੂਲ ਦੇ ਪ੍ਰਿੰਸੀਪਲ ਨਾਲ ਸੰਪਰਕ ਕਰ ਸਕਦੇ ਹਨ।