ਨੋਰਥ ਕੋਰੀਆ ਲੀਡਰ ਨੇ ਅਮਰੀਕਾ ਦੀਆਂ ਧਮਕੀਆਂ ਦੇ ਵਿਚਕਾਰ ਅਸੀਮਤ ਪ੍ਰਮਾਣੂ ਵਿਸਤਾਰ ਦੀ ਕੀਤੀ ਮੰਗ

ਨੋਰਥ ਕੋਰੀਆ ਲੀਡਰ ਨੇ ਅਮਰੀਕਾ ਦੀਆਂ ਧਮਕੀਆਂ ਦੇ ਵਿਚਕਾਰ ਅਸੀਮਤ ਪ੍ਰਮਾਣੂ ਵਿਸਤਾਰ ਦੀ ਕੀਤੀ ਮੰਗਨੋਰਥ ਕੋਰੀਆ ਦੇ ਲੀਡਰ ਕਿਮ ਜੋਂਗ ਉਨ ਨੇ ਅਮਰੀਕੀ ਅਗਵਾਈ ਵਾਲੇ ਖਤਰਿਆਂ ਦਾ ਮੁਕਾਬਲਾ ਕਰਨ ਲਈ ਆਪਣੇ ਪ੍ਰਮਾਣੂ ਪ੍ਰੋਗਰਾਮ ਦੇ “ਅਸੀਮਤ” ਵਿਸਤਾਰ ਦੀਆਂ ਯੋਜਨਾਵਾਂ ਦਾ ਐਲਾਨ ਕੀਤਾ ਹੈ। ਇਸ ਦੌਰਾਨ ਫੌਜੀ ਅਧਿਕਾਰੀਆਂ ਨਾਲ ਗੱਲ ਕਰਦੇ ਹੋਏ, ਕਿਮ ਨੇ ਦੱਖਣੀ ਕੋਰੀਆ ਨਾਲ ਪ੍ਰਮਾਣੂ ਰੋਕੂ ਰਣਨੀਤੀਆਂ ਨੂੰ ਮਜ਼ਬੂਤ ਕਰਨ ਅਤੇ ਜਾਪਾਨ ਨਾਲ ਫੌਜੀ ਸਹਿਯੋਗ ਬਣਾਉਣ ਲਈ ਸੰਯੁਕਤ ਰਾਜ ਦੀ ਆਲੋਚਨਾ ਕੀਤੀ। ਜਿਸਦਾ ਉਹ ਦਾਅਵਾ ਕਰਦਾ ਹੈ ਕਿ “ਏਸ਼ੀਅਨ ਨੈਟੋ” ਵਰਗਾ ਹੈ ਅਤੇ ਇਹ ਖੇਤਰੀ ਤਣਾਅ ਵਧਾਉਂਦਾ ਹੈ।ਦੱਸਦਈਏ ਕਿ ਕਿਮ ਨੇ ਯੂਕਰੇਨ ਲਈ ਅਮਰੀਕਾ ਦੇ ਸਮਰਥਨ ਦੀ ਵੀ ਨਿੰਦਾ ਕੀਤੀ ਹੈ, ਅਤੇ ਨਾਲ ਹੀ ਪੱਛਮੀ ਸਹਿਯੋਗੀਆਂ ‘ਤੇ ਯੂਕਰੇਨ ਦੀ ਵਰਤੋਂ ਰੂਸ ਵਿਰੁੱਧ ਧੱਕਣ ਅਤੇ ਆਪਣਾ ਪ੍ਰਭਾਵ ਵਧਾਉਣ ਲਈ ਕਰਨ ਦਾ ਦੋਸ਼ ਲਗਾਇਆ।ਜ਼ਿਕਰਯੋਗ ਹੈ ਕਿ ਕਿਮ ਨੇ ਹਾਲ ਹੀ ਵਿੱਚ ਰੂਸ ਨਾਲ ਸਬੰਧਾਂ ਨੂੰ ਮਜ਼ਬੂਤ ਕੀਤਾ ਹੈ, ਜਿਥੇ ਨੋਰਥ ਕੋਰੀਆ ਨੂੰ ਰੂਸ-ਯੂਕਰੇਨ ਸੰਘਰਸ਼ ਦੇ ਵਿੱਚ ਇੱਕ “ਨਵੇਂ ਸ਼ੀਤ ਯੁੱਧ” ਗਠਜੋੜ ਦੇ ਹਿੱਸੇ ਵਜੋਂ ਸਥਿਤੀ ਵਿੱਚ ਰੱਖਿਆ ਹੈ।ਜਦੋਂ ਕਿ ਉਹ ਸਾਉਥ ਕੋਰੀਆ ਅਤੇ ਅਮਰੀਕਾ ਨੂੰ ਨਿਸ਼ਾਨਾ ਬਣਾਉਣ ਵਾਲੇ ਹਥਿਆਰਾਂ ਨਾਲ ਪ੍ਰਮਾਣੂ ਹਥਿਆਰਬੰਦ ਫੌਜ ਦਾ ਵਿਕਾਸ ਕਰਨਾ ਜਾਰੀ ਰੱਖ ਰਿਹਾ ਹੈ, ਕਿਮ ਨੇ ਰੂਸ ਲਈ ਨੋਰਥ ਕੋਰੀਆ ਦੇ ਫੌਜੀ ਸਮਰਥਨ ਦੀ ਜਨਤਕ ਤੌਰ ‘ਤੇ ਪੁਸ਼ਟੀ ਨਹੀਂ ਕੀਤੀ ਹੈ।ਉਥੇ ਹੀ ਮਾਹਰ ਚਿੰਤਾ ਕਰ ਰਹੇ ਹਨ ਕਿ ਕਿਮ ਨੂੰ ਬਦਲੇ ਵਿੱਚ ਰੂਸੀ ਤਕਨਾਲੋਜੀ ਪ੍ਰਾਪਤ ਹੋ ਸਕਦੀ ਹੈ, ਜੋ ਕੀ ਨੋਰਥ ਕੋਰੀਆ ਦੀਆਂ ਹਥਿਆਰਾਂ ਦੀ ਸਮਰੱਥਾ ਨੂੰ ਹੋਰ ਅੱਗੇ ਵਧਾ ਸਕਦਾ ਹੈ।ਕਾਬਿਲੇਗੌਰ ਹੈ ਕਿ ਟਰੰਪ ਦੀ ਹਾਲੀਆ ਚੋਣ ਜਿੱਤ ਤੋਂ ਬਾਅਦ ਅਮਰੀਕਾ ਨਾਲ ਨਵੇਂ ਸਿਰੇ ਤੋਂ ਕੂਟਨੀਤੀ ਦੀ ਸੰਭਾਵਨਾ ਨੂੰ ਲੈ ਕੇ ਕਿਆਸ ਅਰਾਈਆਂ ਖੜ੍ਹੀਆਂ ਹੋ ਗਈਆਂ ਹਨ।