ਕੈਨੇਡਾ ਵਿੱਚ ਇਹ ਸ਼ੈਂਪੂ ਅਤੇ ਕੰਡੀਸ਼ਨਰ ਦੀਆਂ ਬੋਤਲਾਂ ਕੀਤੀਆਂ ਗਈਆਂ ਰੀਕਾਲ

ਕੈਨੇਡਾ ਵਿੱਚ 95,000 ਤੋਂ ਵੱਧ ਸ਼ੈਂਪੂ ਅਤੇ ਕੰਡੀਸ਼ਨਰ ਦੀਆਂ ਬੋਤਲਾਂ ਮਾਈਕ੍ਰੋਬਿਅਲ ਖਤਰੇ ਕਾਰਨ ਰੋਕ ਦਿੱਤੀਆਂ ਗਈਆਂ ਹਨ। ਹੈਲਥ ਕੈਨੇਡਾ ਨੇ ਸ਼ੁੱਕਰਵਾਰ ਨੂੰ ਇੱਕ ਐਲਾਨ ਜਾਰੀ ਕਰਦੇ ਹੋਏ ਦੱਸਿਆ ਕਿ ਅਮੀਕਾ ਬ੍ਰਾਂਡ ਦੇ ਪ੍ਰੋਡਕਟਸ ਵਿੱਚ ਬੈਕਟੀਰੀਆ ਹੋ ਸਕਦਾ ਹੈ, ਜੋ ਕਿ ਕਮਜ਼ੋਰ ਇਮਿਊਨ ਸਿਸਟਮ ਵਾਲੇ ਲੋਕਾਂ ਲਈ ਖਤਰਨਾਕ ਹੋ ਸਕਦਾ ਹੈ।
ਰਿਕਾਲ ਕੀਤੇ ਗਏ ਪ੍ਰੋਡਕਟਸ ਵਿੱਚ ਅਮੀਕਾ ਮਿਰਰਬਾਲ ਹਾਈ ਸ਼ਾਈਨ ਪ੍ਰੋਟੈਕਟ ਸ਼ੈਂਪੂ ਅਤੇ ਕੰਡੀਸ਼ਨਰ ਸ਼ਾਮਲ ਹਨ, ਜੋ ਕਿ ਮਈ 2023 ਤੋਂ ਨਵੰਬਰ 2024 ਦਰਮਿਆਨ ਵੇਚੇ ਗਏ ਸਨ। ਇਸ ਵਿੱਚ 20 mL ਦਾ ਡੂਓ ਸੈੱਟ, 60 mL, 1 L, 275 mL, ਅਤੇ 500 mL ਦੀਆਂ ਬੋਤਲਾਂ ਸ਼ਾਮਲ ਹਨ।
ਹੈਲਥ ਕੈਨੇਡਾ ਨੇ ਦੱਸਿਆ ਕਿ ਕੰਪਨੀ ਨੂੰ 27 ਜਨਵਰੀ ਤੋਂ ਕੈਨੇਡਾ ਵਿੱਚ 48 ਬਦਬੂ ਦੀਆਂ ਸ਼ਿਕਾਇਤਾਂ ਅਤੇ ਦੋ ਚਮੜੀ ਦੀ ਖੁਜਲੀ ਜਾਂ ਐਲਰਜੀ ਦੀਆਂ ਸ਼ਿਕਾਇਤਾਂ ਮਿਲੀਆਂ ਹਨ। ਇਹ ਪ੍ਰੋਡਕਟਸ ਕੈਨੇਡਾ ਵਿੱਚ ਸੇਫੋਰਾ, ਵਾਲਮਾਰਟ, ਐਮਾਜ਼ਾਨ, WELL.CA, ਐਵੋਲਿਊਸ਼ਨ ਬਿਊਟੀ, ਅਤੇ ਹੋਰ ਕਈ ਜਗ੍ਹਾਂ ‘ਤੇ ਵੇਚੇ ਗਏ ਸਨ। ਲਗਭਗ 95,000 ਯੂਨਿਟਸ ਕੈਨੇਡਾ ਵਿੱਚ ਵੇਚੀਆਂ ਗਈਆਂ ਹਨ।
ਹੈਲਥ ਕੈਨੇਡਾ ਨੇ ਗਾਹਕਾਂ ਨੂੰ ਸਲਾਹ ਦਿੱਤੀ ਹੈ ਕਿ ਉਹ ਇਨ੍ਹਾਂ ਪ੍ਰੋਡਕਟਸ ਦੀ ਵਰਤੋਂ ਤੁਰੰਤ ਬੰਦ ਕਰ ਦੇਣ ਅਤੇ ਉਨ੍ਹਾਂ ਨੂੰ ਖਰੀਦਦਾਰੀ ਦੀ ਜਗ੍ਹਾ ‘ਤੇ ਵਾਪਸ ਕਰ ਦੇਣ, ਜਿੱਥੇ ਉਨ੍ਹਾਂ ਨੂੰ ਪ੍ਰੂਫ਼ ਆਫ਼ ਪਰਚੇਸ ਦੇ ਨਾਲ ਰਿਫੰਡ ਮਿਲ ਸਕੇਗਾ।