ਵਿਨੀਪੈਗ ਦੇ ਪੂਰਬੀ ਪਾਸੇ ਦਾ ਇੱਕ ਗੁਆਂਢ, ਇੱਕ ਘਰੇਲੂ ਧਮਾਕੇ ਨਾਲ ਹਿਲਾ ਗਿਆ ਹੈ ਜਿਸ ਨਾਲ ਘੱਟੋ-ਘੱਟ ਇੱਕ ਘਰ ਤਬਾਹ ਹੋ ਗਿਆ ਹੈ ਅਤੇ ਹੋਰ ਢਾਂਚਿਆਂ ਨੂੰ ਕਾਫ਼ੀ ਨੁਕਸਾਨ ਪਹੁੰਚਿਆ। ਰਿਪੋਰਟ ਮੁਤਾਬਕ ਇਹ ਧਮਾਕਾ ਕੋਲਡਸਟ੍ਰੀਮ ਐਵੇਨਿਊ ਦੇ ਨੇੜੇ ਕੈਮਰੋਜ਼ ਬੇਅ ‘ਤੇ ਸਥਿਤ ਇਕ ਘਰ, ਵਿਨੀਪੈਗ ਦੇ ਸ਼ਹਿਰ ਟ੍ਰਾਂਸਕੋਨਾ ਵਿਚ ਬੁੱਧਵਾਰ ਸਵੇਰੇ 11:15 ਵਜੇ ਦੇ ਕਰੀਬ ਹੋਇਆ। ਵਿਨੀਪੈਗ ਫਾਇਰ ਪੈਰਾਮੈਡਿਕ ਸਰਵਿਸ ਦੇ ਫਾਇਰ ਬਚਾਅ ਕਾਰਜਾਂ ਦੇ ਡਿਪਟੀ ਚੀਫ਼ ਸਕਾਟ ਵਿਲਕਿਨਸਨ ਨੇ ਘਟਨਾ ਸਥਾਨ ਦੇ ਨੇੜੇ ਪੱਤਰਕਾਰਾਂ ਨੂੰ ਦੱਸਿਆ, “ਸਾਡੇ ਕੋਲ ਇੱਕ ਰਿਹਾਇਸ਼ ਦਾ ਇੱਕ ਮਹੱਤਵਪੂਰਨ ਵਿਨਾਸ਼ਕਾਰੀ ਧਮਾਕਾ ਦੀ ਰਿਪੋਰਟ ਆਈ ਹੈ ਜਿਸ ਕਰਕੇ ਨਾਲ ਲੱਗਦੇ ਘਰਾਂ ਅਤੇ ਢਾਂਚਿਆਂ ਨੂੰ ਵੀ ਨੁਕਸਾਨ ਹੋਇਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਅੱਗ ਬੁਝਾਊ ਵਿਭਾਗ ਦੇ ਮੈਂਬਰ ਅਤੇ ਵਿਨੀਪੈਗ ਪੁਲਿਸ ਅਜੇ ਵੀ ਉਨ੍ਹਾਂ ਲੋਕਾਂ ਦਾ ਪਤਾ ਲਗਾਉਣ ਲਈ ਕੰਮ ਕਰ ਰਹੀ ਹੈ ਜੋ ਤਬਾਹ ਹੋਏ ਘਰ ਵਿੱਚ ਰਹਿੰਦੇ ਹਨ। ਉਨ੍ਹਾਂ ਨੂੰ ਨਹੀਂ ਪਤਾ ਕਿ ਉਸ ਸਮੇਂ ਘਰ ਵਿੱਚ ਕੋਈ ਮੌਜੂਦ ਸੀ ਜਾਂ ਨਹੀਂ। ਅਧਿਕਾਰੀਆਂ ਮੁਤਾਬਕ ਫਟਣ ਵਾਲੇ ਘਰ ਦਾ ਜੋ ਕੁਝ ਬਚਿਆ ਹੈ ਉਹ ਸਿਰਫ ਉਸ ਘਰ ਦੀ ਠੋਸ ਨੀਂਹ ਸੀਜਿਸ ਵਿੱਚ ਫਾਇਰਫਾਈਟਰਾਂ ਨੇ ਪਾਣੀ ਡੋਲ੍ਹਿਆ ਕਿਉਂਕਿ ਮੋਰੀ ਵਿੱਚੋਂ ਧੂੰਆਂ ਨਿਕਲ ਰਿਹਾ ਸੀ। ਰਿਪੋਰਟ ਮੁਤਾਬਕ ਨੁਕਸਾਨੀਆਂ ਗਈਆਂ ਬਣਤਰਾਂ ਵਿੱਚ ਧਮਾਕੇ ਦੇ ਨਾਲ-ਨਾਲ ਪਿਛਲੇ ਅਤੇ ਦੋਵਾਂ ਪਾਸਿਆਂ ਤੋਂ ਕੁਝ ਗਲੀ ਦੇ ਪਾਰ ਵੀ ਸ਼ਾਮਲ ਹਨ। ਸਥਾਨਕ ਮੀਡੀਆ ਰਿਪੋਰਟਾਂ ਮੁਤਾਬਕ ਧਮਾਕਾ ਇਨ੍ਹਾਂ ਵੱਡਾ ਸੀ ਕੀ ਇਸ ਕਰਕੇ ਘਰ ਦਾ ਮਲਬਾ ਆਸ-ਪਾਸ ਦੇ ਘਰਾਂ ਦੀਆਂ ਛੱਤਾਂ ‘ਤੇ ਵੀ ਫੈਲਿਆ ਹੋਇਆ ਹੈ। ਇਸ ਦੌਰਾਨ ਡਿਪਟੀ ਚੀਫ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਕੁਝ ਘਰਾਂ ਨੂੰ ਖਾਲੀ ਕਰਵਾਉਣਾ ਪਿਆ, ਜਿਥੇ ਜ਼ਿਆਦਾਤਰ ਲੋਕ ਜਗ੍ਹਾ-ਜਗ੍ਹਾ ਪਨਾਹ ਲੈਣ ਤੇ ਮਜਬੂਰ ਹੋ ਗਏ। ਉਨ੍ਹਾਂ ਨੇ ਕਿਹਾ ਕਿ ਧਮਾਕੇ ਦੇ ਕਾਰਨਾਂ ਬਾਰੇ ਅੰਦਾਜ਼ਾ ਲਗਾਉਣਾ ਬਹੁਤ ਜਲਦਬਾਜ਼ੀ ਹੈ, ਕਿਉਂਕਿ ਟੀਮ ਨੂੰ ਇਸ ਖੇਤਰ ਵਿੱਚ ਕਿਸੇ ਵੀ ਉਸਾਰੀ ਬਾਰੇ ਅਜੇ ਜਾਣਕਾਰੀ ਨਹੀਂ ਹੈ। ਨਾਲ ਹੀ ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਇਸ ਖੇਤਰ ਤੋਂ ਦੂਰ ਰਹਿਣ ਤਾਂ ਜੋ ਐਮਰਜੈਂਸੀ ਅਮਲੇ ਨੂੰ ਸੀਨ ਨੂੰ ਸੁਰੱਖਿਅਤ ਢੰਗ ਨਾਲ ਪ੍ਰਬੰਧਿਤ ਕਰਨ ਦੀ ਇਜਾਜ਼ਤ ਦਿੱਤੀ ਜਾ ਸਕੇ।
