ਵਿਸ਼ਵ ਸਿਹਤ ਸੰਗਠਨ (ਡਬਲਯੂਐਚਓ) ਨੇ ਦੋ ਸਾਲਾਂ ਵਿੱਚ ਦੂਜੀ ਵਾਰ ਐਮਪੌਕਸ ਨੂੰ ਇੱਕ ਗਲੋਬਲ ਪਬਲਿਕ ਹੈਲਥ ਐਮਰਜੈਂਸੀ ਐਲਾਨਿਆ ਹੈ। ਇਹ ਫੈਸਲਾ ਡੈਮੋਕਰੇਟਿਕ ਰੀਪਬਲਿਕ ਆਫ ਕੋਂਗੋ ਵਿੱਚ ਫੈਲਣ ਤੋਂ ਬਾਅਦ ਆਇਆ ਹੈ ਜਦੋਂ ਬੁਰੂੰਡੀ, ਕੀਨੀਆ, ਰਵਾਂਡਾ ਅਤੇ ਯੂਗਾਂਡਾ ਵਰਗੇ ਗੁਆਂਢੀ ਦੇਸ਼ਾਂ ਵਿੱਚ ਐਮਪੌਕਸ ਫੈਲ ਗਿਆ ਹੈ। ਇਥੇ ਜ਼ਿਕਰਯੋਗ ਹੈ ਕਿ WHO ਦੀ ਸਰਵਉੱਚ ਪੱਧਰ ਦੀ ਚੇਤਾਵਨੀ, ਜਿਸ ਨੂੰ ਪਬਲਿਕ ਹੈਲਥ ਐਮਰਜੈਂਸੀ ਆਫ਼ ਇੰਟਰਨੈਸ਼ਨਲ ਕੰਸਰਨ (PHEIC) ਵਜੋਂ ਜਾਣਿਆ ਜਾਂਦਾ ਹੈ, ਦਾ ਉਦੇਸ਼, ਬਿਮਾਰੀ ਨੂੰ ਕੰਟਰੋਲ ਕਰਨ ਲਈ ਵਿਸ਼ਵਵਿਆਪੀ ਯਤਨਾਂ ਨੂੰ ਹੁਲਾਰਾ ਦੇਣਾ ਹੈ। ਕਾਬਿਲੇਗੌਰ ਹੈ ਕਿ Mpox ਆਮ ਤੌਰ ‘ਤੇ ਪ੍ਰਭਾਵ ਹਲਕਾ ਹੁੰਦਾ ਹੈ ਪਰ ਦੁਰਲੱਭ ਮਾਮਲਿਆਂ ਵਿੱਚ ਘਾਤਕ ਸਾਬਤ ਹੋ ਸਕਦਾ ਹੈ। ਇਹ ਨਜ਼ਦੀਕੀ ਸੰਪਰਕ ਰਾਹੀਂ ਫੈਲਦਾ ਹੈ ਅਤੇ ਫਲੂ ਵਰਗੇ ਲੱਛਣਾਂ ਅਤੇ ਪਸ ਨਾਲ ਭਰੇ ਜ਼ਖਮਾਂ ਦਾ ਕਾਰਨ ਬਣਦਾ ਹੈ। ਮੌਜੂਦਾ ਪ੍ਰਕੋਪ ਵਿੱਚ ਵਾਇਰਸ ਦਾ ਇੱਕ ਨਵਾਂ ਰੂਪ, ਜੋ ਵਧੇਰੇ ਆਸਾਨੀ ਨਾਲ ਫੈਲਦਾ ਹੈ, ਦੀ ਪਛਾਣ ਕੀਤੀ ਗਈ ਹੈ। ਰਿਪੋਰਟ ਮੁਤਾਬਕ WHO ਨੇ ਐਮਰਜੈਂਸੀ ਫੰਡਾਂ ਵਿੱਚ $ 1.5 ਮਿਲੀਅਨ ਜਾਰੀ ਕੀਤੇ ਹਨ ਅਤੇ ਦਾਨੀਆਂ ਤੋਂ ਹੋਰ ਮੰਗਣ ਦੀ ਯੋਜਨਾ ਬਣਾਈ ਹੈ। ਕਿਉਂਕਿ WHO ਦਾ ਕਹਿਣਾ ਹੈ ਕਿ ਇਸ ਬਿਮਾਰੀ ਦੀ ਜਵਾਬ ਯੋਜਨਾ ਲਈ ਸ਼ੁਰੂਆਤੀ $15 ਮਿਲੀਅਨ ਦੀ ਲੋੜ ਹੈ। ਦੱਸਦਈਏ ਕਿ ਇਸ ਹਫਤੇ ਦੇ ਸ਼ੁਰੂ ਵਿਚ, ਅਫਰੀਕਾ ਦੀ ਚੋਟੀ ਦੀ ਸਿਹਤ ਸੰਸਥਾ ਨੇ ਵੀ ਵਾਇਰਸ ਦੇ ਤੇਜ਼ੀ ਨਾਲ ਫੈਲਣ ਕਾਰਨ ਐਮਰਜੈਂਸੀ ਐਲਾਨ ਕੀਤੀ ਸੀ, ਜਿਸ ਦੇ ਨਤੀਜੇ ਵਜੋਂ ਇਸ ਸਾਲ 17,000 ਤੋਂ ਵੱਧ ਸ਼ੱਕੀ ਕੇਸ ਅਤੇ 500 ਤੋਂ ਵੱਧ ਮੌਤਾਂ ਹੋ ਚੁੱਕੀਆਂ ਹਨ। ਵਰਤਮਾਨ ਵਿੱਚ, ਐਮਪੌਕਸ ਦੇ ਨਵੇਂ ਰੂਪ ਲਈ ਕੋਈ ਵੈਕਸੀਨ ਉਪਲਬਧ ਨਹੀਂ ਹੈ, ਪਰ ਉਹਨਾਂ ਨੂੰ ਵਿਕਸਤ ਕਰਨ ਲਈ ਯਤਨ ਜਾਰੀ ਹਨ। WHO ਵੈਕਸੀਨ ਦੇ ਭੰਡਾਰਾਂ ਵਾਲੇ ਦੇਸ਼ਾਂ ਨੂੰ ਉਨ੍ਹਾਂ ਨੂੰ ਦਾਨ ਕਰਨ ਲਈ ਬੁਲਾ ਰਿਹਾ ਹੈ ਅਤੇ ਇਹ ਸਮਝਣ ‘ਤੇ ਕੰਮ ਕਰ ਰਿਹਾ ਹੈ ਕਿ ਟੀਕਾਕਰਨ ਦੇ ਯਤਨਾਂ ਨੂੰ ਸਭ ਤੋਂ ਵਧੀਆ ਕਿਵੇਂ target ਕੀਤਾ ਜਾਵੇ।
WHO ਨੇ Mpox ਨੂੰ ਲੈ ਕੇ ਦੁਬਾਰਾ ਗਲੋਬਲ ਹੈਲਥ ਐਮਰਜੈਂਸੀ ਦਾ ਕੀਤਾ ਐਲਾਨ।
