ਅਮਰੀਕਾ ਦੇ ਵਕੀਲਾਂ ਨੇ ਸਿਫ਼ਾਰਸ਼ ਕੀਤੀ ਹੈ ਕਿ ਨਿਆਂ ਵਿਭਾਗ (ਡੀਓਜੇ) ਬੋਇੰਗ ਵਿਰੁੱਧ ਅਪਰਾਧਿਕ ਦੋਸ਼ ਲਾਵੇ। ਪ੍ਰੋਸਿਕਿਊਟਰਸ ਦੀ ਇਹ ਸਿਫਾਰਿਸ਼ ਡੀਓਜੇ ਦੇ ਦਾਅਵੇ ਤੋਂ ਬਾਅਦ ਆਈ ਹੈ ਕਿ ਜਹਾਜ਼ ਨਿਰਮਾਤਾ ਨੇ ਆਪਣੇ 737 ਮੈਕਸ ਜਹਾਜ਼ ਦੇ ਦੋ ਘਾਤਕ ਦੁਰਘਟਨਾਵਾਂ ਨਾਲ ਸਬੰਧਤ ਸਮਝੌਤੇ ਦੀ ਉਲੰਘਣਾ ਕੀਤੀ ਸੀ ਜਿਸ ਵਿੱਚ 346 ਲੋਕ ਮਾਰੇ ਗਏ ਸਨ। ਇਸ ਮੁੱਦੇ ਤੇ ਸੰਪਰਕ ਕਰਨ ‘ਤੇ ਬੋਇੰਗ ਨੇ ਟਿੱਪਣੀ ਕਰਨ ਤੋਂ ਇਨਕਾਰ ਕਰ ਦਿੱਤਾ ਪਰ ਪਹਿਲਾਂ ਇਸ ਨੇ ਮੁਲਤਵੀ ਮੁਕੱਦਮੇ ਸਮਝੌਤੇ ਦੀ ਉਲੰਘਣਾ ਕਰਨ ਤੋਂ ਇਨਕਾਰ ਕੀਤਾ ਹੈ। ਕੰਪਨੀ ਦੇ ਖਿਲਾਫ ਮੁਕੱਦਮਾ ਚਲਾਉਣ ਜਾਂ ਨਹੀਂ ਇਸ ਬਾਰੇ ਅੰਤਿਮ ਫੈਸਲਾ ਲੈਣ ਲਈ ਨਿਆ ਵਿਭਾਗ ਕੋਲ 7 ਜੁਲਾਈ ਤੱਕ ਦਾ ਸਮਾਂ ਹੈ। ਹਾਲਾਂਕਿ ਡਿਪਾਰਟਮੈਂਟ ਆਫ ਜਸਟਿਸ DoJ ਨੇ ਵੀ ਇਸ ਤੇ ਟਿੱਪਣੀ ਕਰਨ ਤੋਂ ਇਨਕਾਰ ਕਰ ਦਿੱਤਾ ਹੈ। ਕਈ ਮੀਡੀਆ ਰਿਪੋਰਟਾਂ ਮੁਤਾਬਕ ਪ੍ਰੋਸਿਕਿਊਟਰਸ ਦੀ ਇਹ ਸਿਫ਼ਾਰਸ਼ ਇੱਕ ਅੰਤਮ ਫੈਸਲਾ ਨਹੀਂ ਹੈ ਅਤੇ ਕਿਸੇ ਸੰਭਾਵੀ ਅਪਰਾਧਿਕ ਕਾਰਵਾਈ ਦੇ ਵੇਰਵੇ ਵੀ ਸਾਹਮਣੇ ਨਹੀਂ ਆਏ ਹਨ। ਜ਼ਿਕਰਯੋਗ ਹੈ ਕਿ ਬੋਇੰਗ ਦੇ ਦੋਵੇਂ ਜਹਾਜ਼ ਕਰੈਸ਼ 737 ਮੈਕਸ ਜਹਾਜ਼ ਨੂੰ ਸ਼ਾਮਲ ਕਰਦੇ ਹਨ ਜੋ ਇੱਕ ਦੂਜੇ ਦੇ ਛੇ ਮਹੀਨਿਆਂ ਦੇ ਅੰਦਰ ਵਾਪਰੇ। ਦੱਸਦਈਏ ਕਿ ਇੰਡੋਨੇਸ਼ੀਆ ਦੀ ਲਾਇਨ ਏਅਰ ਨਾਲ ਸਬੰਧਤ ਹਾਦਸਾ ਅਕਤੂਬਰ 2018 ਵਿੱਚ ਹੋਇਆ ਸੀ, ਅਤੇ ਉਸ ਤੋਂ ਬਾਅਦ ਮਾਰਚ 2019 ਵਿੱਚ ਇਥੋਪੀਆਈ ਏਅਰਲਾਈਨਜ਼ ਦੀ ਉਡਾਣ ਤੋਂ ਬਾਅਦ। ਅਤੇ ਪਿਛਲੇ ਹਫ਼ਤੇ, ਪੀੜਤਾਂ ਦੇ ਰਿਸ਼ਤੇਦਾਰਾਂ ਨੇ ਵਕੀਲਾਂ ਨੂੰ 25 ਮਿਲੀਅਨ ਡਾਲਰ ਦੇ ਬੋਇੰਗ ਵਿਰੁੱਧ ਜੁਰਮਾਨਾ ਮੰਗਣ ਅਤੇ ਅਪਰਾਧਿਕ ਮੁਕੱਦਮਾ ਚਲਾਉਣ ਦੀ ਅਪੀਲ ਕੀਤੀ।
U.S. ਵਕੀਲਾਂ ਨੇ Boeing ਖਿਲਾਫ ਕਾਰਵਾਈ ਦੀ ਕੀਤੀ ਮੰਗ, ਪੀੜਤ ਪਰਿਵਾਰਾਂ ਨੇ ਕੀਤੀ ਅਪੀਲ!
