Toronto Woodside Square ਸਿਨੇਮਾ ਦੋ ਵੱਖ-ਵੱਖ ਘਟਨਾਵਾਂ ਵਿੱਚ ਗੋਲੀਬਾਰੀ ਦਾ ਬਣਿਆ ਨਿਸ਼ਾਨਾ

Toronto Woodside Square ਸਿਨੇਮਾ ਦੋ ਵੱਖ-ਵੱਖ ਘਟਨਾਵਾਂ ਵਿੱਚ ਗੋਲੀਬਾਰੀ ਦਾ ਬਣਿਆ ਨਿਸ਼ਾਨਾ। ਟੋਰਾਂਟੋ ਪੁਲਿਸ ਨੇ ਦੱਸਿਆ ਕਿ ਟੋਰੋਂਟੋ ਦਾ ਵੁੱਡਸਾਈਡ ਸਕੁਏਅਰ ਸਿਨੇਮਾ ਹਫਤੇ ਦੇ ਅੰਤ ਵਿੱਚ ਦੋ ਗੋਲੀਬਾਰੀ ਦੀਆਂ ਵੱਖ-ਵੱਖ ਘਟਨਾਵਾਂ ਦਾ ਟਾਰਗੇਟ ਬਣਿਆ। ਜਿਥੇ ਪਹਿਲੀ ਘਟਨਾ ਸ਼ਨੀਵਾਰ ਰਾਤ ਕਰੀਬ 10:30 ਵਜੇ ਵਾਪਰੀ। ਜਦੋਂ ਇੱਕ ਸ਼ੱਕੀ ਨੇ ਥੀਏਟਰ ਦੀ entrance ‘ਤੇ ਗੋਲੀਬਾਰੀ ਕੀਤੀ ਜਦੋਂ ਸਰਪ੍ਰਸਤ ਅੰਦਰ ਮੌਜੂਦ ਸੀ। ਪੁਲਿਸ ਨੇ ਦੱਸਿਆ ਕਿ ਕੁਝ ਘੰਟੇ ਬਾਅਦ, ਸਵੇਰੇ 6 ਵਜੇ ਤੋਂ ਠੀਕ ਪਹਿਲਾਂ, ਪੁਲਿਸ ਨੂੰ ਉਸੇ ਸਥਾਨ ‘ਤੇ ਦੂਜੀ ਗੋਲੀਬਾਰੀ ਦੀ ਰਿਪੋਰਟ ਮਿਲੀ।ਹਾਲਾਂਕਿ ਇਹਨਾਂ ਦੋਵੇਂ ਗੋਲੀਬਾਰੀ ਦੀਆਂ ਘਟਨਾਵਾਂ ਦੇ ਦੌਰਾਨ ਜਾਨ-ਮਾਲ ਦੇ ਨੁਕਸਾਨ ਤੋਂ ਬਚਾਅ ਰਿਹਾ ਅਤੇ ਕਿਸੇ ਦੇ ਜ਼ਖਮੀ ਹੋਣ ਦੀ ਸੂਚਨਾ ਨਹੀਂ ਮਿਲੀ। ਘਟਨਾ ਵਾਲੀ ਥਾਂ ਦੀਆਂ ਫੋਟੋਆਂ ਇਮਾਰਤ ਦੀ entrance ਨੂੰ ਵਾਧੂ ਨੁਕਸਾਨ ਦੇ ਨਾਲ, glass doors ‘ਤੇ ਘੱਟੋ-ਘੱਟ ਸੱਤ ਗੋਲੀਆਂ ਦੇ ਨਿਸ਼ਾਨ ਦਿਖਾਉਂਦੀਆਂ ਹਨ।ਇਸ ਦੌਰਾਨ ਡਿਊਟੀ ਇੰਸਪੈਕਟਰ ਟੌਡ ਜੋਕੋ ਨੇ ਦੱਸਿਆ ਕਿ ਜਾਂਚ ਅਜੇ ਸ਼ੁਰੂਆਤੀ ਪੜਾਅ ਵਿੱਚ ਹੈ। ਅਧਿਕਾਰੀਆਂ ਨੇ ਅਜੇ ਇਹ ਨਿਰਧਾਰਤ ਨਹੀਂ ਕੀਤਾ ਕਿ, ਕੀ ਦੋਵੇਂ ਘਟਨਾਵਾਂ ਇੱਕ-ਦੂਜੇ ਨਾਲ ਸਬੰਧਤ ਹਨ। ਅਤੇ ਨਾ ਹੀ ਇਹਨਾਂ ਗੋਲੀਬਾਰੀ ਪਿੱਛੇ ਅਜੇ ਕਿਸੇ ਉਦੇਸ਼ ਦੀ ਪਛਾਣ ਕੀਤੀ ਗਈ ਹੈ। ਦੱਸਦਈਏ ਕਿ ਇਹ ਇਸ ਮਹੀਨੇ ਵੁੱਡਸਾਈਡ square ਸਿਨੇਮਾ ਵਿੱਚ ਵਾਪਰੀ ਦੂਜੀ ਘਟਨਾ ਹੈ।ਇਸ ਤੋਂ ਪਹਿਲਾਂ, ਥੀਏਟਰ ਨੂੰ ਦੋ ਅਣਪਛਾਤੇ ਸ਼ੱਕੀਆਂ ਦੁਆਰਾ ਇੱਕ ਕੀਓਸਕ ਨੂੰ ਅੱਗ ਲੱਗਾ ਦਿੱਤੀ ਗਈ ਸੀ ਜਿਸ ਤੋਂ ਬਾਅਦ ਥੀਏਟਰ ਨੂੰ ਖਾਲੀ ਕਰਵਾਇਆ ਗਿਆ ਸੀ। ਇਸ ਦੌਰਾਨ ਅਧਿਕਾਰੀ ਜੋਕੋ ਨੇ ਪ੍ਰਭਾਵਿਤ ਲੋਕਾਂ ਨੂੰ ਸੇਫਟੋ ਰਾਹੀਂ ਸਹਾਇਤਾ ਲੈਣ ਲਈ ਉਤਸ਼ਾਹਿਤ ਕੀਤਾ।