Ontario School Boards ਨੇ 4 Social Media Platforms ‘ਤੇ Billion Dollars ਦਾ ਕੀਤਾ ਮੁਕੱਦਮਾ

ਓਨਟਾਰੀਓ ਦੇ ਚਾਰ ਸਕੂਲ ਬੋਰਡਾਂ ਨੇ “ਵਿਦਿਆਰਥੀਆਂ ਦੀ ਪੜ੍ਹਾਈ ਅਤੇ ਸਿੱਖਿਆ ਪ੍ਰਣਾਲੀ ਵਿੱਚ ਵਿਘਨ ਪਾਉਣ” ਲਈ ਸੋਸ਼ਲ ਮੀਡੀਆ ਦਿੱਗਜ TikTok, Meta Inc. ਅਤੇ Snapchat ਦੇ ਖਿਲਾਫ ਕਾਨੂੰਨੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਟੋਰਾਂਟੋ ਡਿਸਟ੍ਰਿਕਟ ਸਕੂਲ ਬੋਰਡ (TDSB), ਪੀਲ ਡਿਸਟ੍ਰਿਕਟ ਸਕੂਲ ਬੋਰਡ (PDSB), ਟੋਰਾਂਟੋ ਕੈਥੋਲਿਕ ਡਿਸਟ੍ਰਿਕਟ ਸਕੂਲ ਬੋਰਡ (TCDSB), ਅਤੇ ਓਟਾਵਾ-ਕਾਰਲਟਨ ਡਿਸਟ੍ਰਿਕਟ ਸਕੂਲ ਬੋਰਡ (OCDSB) ਨੇ ਪ੍ਰਸਿੱਧ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਦੇ ਖਿਲਾਫ 4.5 ਬਿਲੀਅਨ ਡਾਲਰ ਦੇ ਸਾਂਝੇ ਮੁਕੱਦਮੇ ਦਾ ਐਲਾਨ ਕੀਤਾ ਹੈ। ਮੁਕੱਦਮੇ ਦਾ ਦਾਅਵਾ ਹੈ ਕਿ ਸੋਸ਼ਲ ਮੀਡੀਆ ਉਤਪਾਦ, ਲਾਪਰਵਾਹੀ ਨਾਲ, ਜਬਰਦਸਤੀ ਵਰਤੋਂ, ਲਈ ਤਿਆਰ ਕੀਤੇ ਗਏ ਹਨ, ਜਿਸ ਨੇ “ਬੱਚਿਆਂ ਦੇ ਸੋਚਣ, ਵਿਹਾਰ ਕਰਨ ਅਤੇ ਸਿੱਖਣ ਦੇ ਤਰੀਕੇ ਨੂੰ ਬਦਲ ਦਿੱਤਾ ਹੈ, ਜਿਸ ਦਾ ਸਿੱਖਿਆਕਾਰਾਂ ਅਤੇ ਸਕੂਲਾਂ ਨੂੰ ਨਤੀਜੇ ਦਾ ਪ੍ਰਬੰਧਨ ਕਰਨ ਲਈ ਛੱਡ ਦਿੱਤਾ ਗਿਆ ਹੈ। ਇੱਕ ਬਿਆਨ ਵਿੱਚ, TDSB ਦੇ ਸਿੱਖਿਆ ਨਿਰਦੇਸ਼ਕ, ਕੋਲੀਨ ਰਸਲ-ਰੌਲਿਨਸ ਨੇ ਕਿਹਾ ਕਿ ਸਕੂਲ ਵਿੱਚ ਅੱਜ ਦੇ ਨੌਜਵਾਨਾਂ ਉੱਤੇ ਸੋਸ਼ਲ ਮੀਡੀਆ ਦੇ ਪ੍ਰਭਾਵ ਤੋਂ ਇਨਕਾਰ ਨਹੀਂ ਕੀਤਾ ਜਾ ਸਕਦਾ। ਓਨਟੈਰੀਓ ਦੇ ਚਾਰ ਸਕੂਲ ਬੋਰਡਾਂ ਦਾ ਕਹਿਣਾ ਹੈ ਕਿ ਸੋਸ਼ਲ ਮੀਡੀਆ ਪ੍ਰੋਡਕਟਸ ਦੀ ਭਰਪੂਰ ਅਤੇ ਜਬਰਦਸਤੀ ਵਰਤੋਂ ਦੇ ਸਿੱਧੇ ਨਤੀਜੇ ਇਹ ਹਨ ਕਿ ਵਿਦਿਆਰਥੀਆਂ ਨੂੰ ਸਿੱਖਣ ਵਿੱਚ ਸੰਘਰਸ਼ ਅਤੇ ਮਾਨਸਿਕ ਸਿਹਤ ਸੰਕਟਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਇਹਨਾਂ ਚਾਰਾ ਸਕੂਲ ਬੋਰਡਾਂ ਦਾ ਕਹਿਣਾ ਹੈ ਕਿ ਵਿਦਿਆਰਥੀਆਂ ਵਿਚਾਲੇ ਸੋਸ਼ਲ ਮੀਡੀਆ ਦੀ ਜਬਰਦਸਤੀ ਦੀ ਵਰਤੋਂ ਬੋਰਡਾਂ ਦੇ ਸੀਮਤ ਸਰੋਤਾਂ ਤੇ ਭਾਰੀ ਦਬਾਅ ਪੈਦਾ ਕਰ ਰਹੀ ਹੈ। ਜਿਸ ਕਰਕੇ ਓਨਟੈਰੀਓ ਸਕੂਲ ਦੇ ਅਧਿਕਾਰੀ ਟਿਕਟੋਕ, ਇੰਸਟਾਗ੍ਰਾਮ, ਫੇਸਬੁੱਕ ਅਤੇ ਸਨੈਪਚੈਟ ਨੂੰ ਵਿਦਿਆਰਥੀਆਂ ਦੀ ਸੁਰੱਖਿਆ ਲਈ ਉਨ੍ਹਾਂ ਦੇ ਪ੍ਰੋਡਕਟਸ ਨੂੰ ਮੁੜ ਡਿਜ਼ਾਈਨ ਕਰਨ ਲਈ ਕਹਿ ਰਹੀ ਹੈ ਅਤੇ ਨਾਲ ਹੀ ਸਿੱਖਿਆ ਪ੍ਰਣਾਲੀ ਲਈ ਇਹਨਾਂ ਭਾਰੀ ਖਰਚਿਆਂ ਨੂੰ ਠੀਕ, ਕਰਨ ਲਈ ਕਹਿ ਰਹੀ ਹੈ।