ਕਰਨ ਔਜਲਾ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਦੇ ਸਭ ਤੋਂ ਮਸ਼ਹੂਰ ਗਾਇਕਾਂ ਵਿੱਚੋਂ ਇੱਕ ਹੈ। ਅਤੇ ਹਰ ਵਾਰ ਦੀ ਤਰ੍ਹਾਂ ਇਸ ਵਾਰ ਵੀ ਪੰਜਾਬੀ ਮਿਊਜ਼ਿਕ ਦੇ ਸਨਸਨੀ ਕਲਾਕਾਰ ਆਪਣੇ ਬੋਲ, ਆਵਾਜ਼ ਅਤੇ ਬੋਲਾਂ ਦੇ ਨਾਲ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ‘ਚ ਧੂਮ ਮਚਾ ਰਹੇ ਹਨ। ਜਿਨ੍ਹਾਂ ਨੂੰ ਨਹੀਂ ਪਤਾ ਉਨ੍ਹਾਂ ਨੂੰ ਦੱਸਦਈਏ ਕਿ ਕਰਨ ਔਜਲਾ ਦਾ ਜਨਮ 18 ਜਨਵਰੀ, 1997 ਨੂੰ ਘੁਰਾਲਾ, ਪੰਜਾਬ ਵਿੱਚ ਹੋਇਆ ਸੀ ਅਤੇ ਉਹ ਪੰਜਾਬੀ ਸੰਗੀਤ ਜਗਤ ਵਿੱਚ ਇੱਕ ਘਰੇਲੂ ਨਾਮ ਬਣ ਕੇ ਤੇਜ਼ੀ ਨਾਲ ਪ੍ਰਮੁੱਖਤਾ ਵੱਲ ਵਧਿਆ ਹੈ। ਆਪਣੇ ਗਤੀਸ਼ੀਲ ਪ੍ਰਦਰਸ਼ਨ ਅਤੇ ਬਹੁਤ ਸਾਰੇ ਚਾਰਟ-ਟੌਪਿੰਗ ਹਿੱਟਾਂ ਲਈ ਜਾਣੇ ਜਾਂਦੇ ਕਰਨ ਔਜਲਾ ਨੇ ਰਵਾਇਤੀ ਪੰਜਾਬੀ ਤਾਲਾਂ ਅਤੇ contemporary ਬੀਟਸ ਦੇ ਵਿਲੱਖਣ ਮਿਸ਼ਰਣ ਨਾਲ ਦੁਨੀਆ ਭਰ ਦੇ ਦਰਸ਼ਕਾਂ ਨੂੰ ਪ੍ਰਭਾਵਿਤ ਕੀਤਾ ਹੈ। ਤੇ ਹੁਣ ਰੇਹਾਨ ਰਿਕਾਰਡਜ਼ ਦੇ ਦੀਪ ਰੇਹਾਨ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ ‘ਤੇ ਇਕ ਤਸਵੀਰ ਸਾਂਝੀ ਕੀਤੀ ਜਿਸ ਨੇ ਕਰਨ ਔਜਲਾ ਦੇ ਕਰਨ ਜੌਹਰ ਨਾਲ ਧਰਮਾ ਫਿਲਮ ਲਈ ਕੰਮ ਕਰਨ ‘ਤੇ ਕਈ ਸਵਾਲ ਖੜ੍ਹੇ ਕਰ ਦਿੱਤੇ ਹਨ। ਦੀਪ ਰੇਹਾਨ ਨੇ ਆਪਣੇ ਇੰਸਟਾਗ੍ਰਾਮ ਸਟੋਰੀਜ਼ ‘ਤੇ ਵੈਨਿਟੀ ਵੈਨ ਦੀ ਇੱਕ ਤਸਵੀਰ ਸਾਂਝੀ ਕੀਤੀ ਜਿਸ ‘ਤੇ ਕਰਨ ਔਜਲਾ ਦਾ ਨਾਮ ਧਰਮਾ ਪ੍ਰੋਡਕਸ਼ਨ ਦੇ ਨਾਮ ਦੀ ਤਖ਼ਤੀ ਦੇ ਹੇਠਾਂ ਲਿਖਿਆ ਹੋਇਆ ਸੀ। ਅਤੇ ਇਸ ਦੀ ਲੋਕੇਸ਼ਨ ਵੀ ਮੁੰਬਈ ਪਾਈ ਗਈ ਸੀ। ਇੰਸਟਾਗ੍ਰਾਮ ਤੇ ਪਾਈ ਇਸ ਸਟੋਰੀ ਨੂੰ ਦੇਖਣ ਤੋਂ ਬਾਅਦ ਲੱਗਦਾ ਹੈ ਕਿ ਕਰਨ ਔਜਲਾ ਧਰਮਾ ਪ੍ਰੋਡਕਸ਼ਨ ਦੇ ਲੇਬਲ ਹੇਠ ਬਾਲੀਵੁੱਡ ਦੇ ਸੁਪਰਹਿੱਟ ਨਿਰਦੇਸ਼ਕ ਅਤੇ ਨਿਰਮਾਤਾ ਕਰਨ ਜੌਹਰ ਨਾਲ ਕੁਝ ਸ਼ੂਟ ਕਰ ਰਹੇ ਹਨ। ਹਾਲਾਂਕਿ ਗਾਇਕ ਜਾਂ ਨਿਰਦੇਸ਼ਕ ਦੁਆਰਾ ਕੁਝ ਵੀ ਪੁਸ਼ਟੀ ਨਹੀਂ ਕੀਤੀ ਗਈ ਹੈ ਪਰ ਅਜਿਹਾ ਲਗਦਾ ਹੈ ਕਿ ਕੁਝ ਮੇਗਾ ਹਿੱਟ ਹੋਣ ਵਾਲਾ ਹੈ ਜਿਸ ਵਿੱਚ ਪੰਜਾਬੀ ਸਨਸਨੀ ਕਲਾਕਾਰ ਕਰਨ ਔਜਲਾ ਅਤੇ ਬਾਲੀਵੁੱਡ ਸਟਾਰ ਮੇਕਰ ਕਰਨ ਜੌਹਰ ਸ਼ਾਮਲ ਹਨ।Karan
Karan Aujla ਤੇ Karan Johar ਇਕੱਠੇ ਕਰ ਰਹੇ ਨੇ ਕੰਮ
