ਦੱਖਣੀ ਬੋਸਟਨ ਦੇ ਇੱਕ ਅਪਾਰਟਮੈਂਟ ਵਿੱਚ ਫ੍ਰੀਜ਼ਰ ਵਿੱਚ ਚਾਰ ਨਵਜੰਮੇ ਬੱਚੇ ਪਾਏ ਜਾਣ ਤੋਂ ਦੋ ਸਾਲ ਬਾਅਦ, ਇੱਕ ਨਵੀਂ ਅਪਡੇਟ ਆਈ ਹੈ ਜਿਸ ਵਿੱਚ ਕਿਹਾ ਗਿਆ ਹੈ ਕਿ ਹੁਣ ਮੈਸੇਚਿਉਸੇਟਸ ਵਿੱਚ ਇੱਕ ਸਰਕਾਰੀ ਵਕੀਲ ਕਿਸੇ ਦੇ ਵਿਰੁੱਧ ਅਪਰਾਧਿਕ ਦੋਸ਼ਾਂ ਦੀ ਮੰਗ ਨਹੀਂ ਕਰੇਗਾ। ਦੱਸਦਈਏ ਕਿ ਦੋ ਮੁੰਡਿਆਂ ਅਤੇ ਦੋ ਕੁੜੀਆਂ ਦੀਆਂ ਲਾਸ਼ਾਂ, ਜਿਨ੍ਹਾਂ ਦਾ ਜਨਮ ਸੰਭਾਵਤ ਤੌਰ ‘ਤੇ ਕਈ ਸਾਲ ਪਹਿਲਾਂ ਹੋਇਆ ਸੀ, ਨਵੰਬਰ 2022 ਵਿੱਚ ਟੀਨਫੋਇਲ ਵਿੱਚ ਲਪੇਟੀਆਂ ਜੁੱਤੀਆਂ ਦੇ ਬਕਸੇ ਵਿੱਚ ਮਿਲੀਆਂ ਸਨ। ਇਸ ਮਾਮਲੇ ਵਿੱਚ ਚੱਲੀ ਲੰਮੀ ਜਾਂਚ ਇਹ ਸਿੱਟਾ ਨਹੀਂ ਕੱਢ ਸਕੀ ਕਿ, ਕੀ ਬੱਚੇ ਜ਼ਿੰਦਾ ਪੈਦਾ ਹੋਏ ਸਨ। ਰਿਪੋਰਟ ਮੁਤਾਬਕ ਮਾਮਲੇ ਵਿੱਚ ਕਾਰਵਾਈ ਕਰਦੇ ਹੋਏ ਇਹਨਾਂ ਬੱਚਿਆਂ ਦੇ ਮਾਪਿਆਂ ਦੀ ਪਛਾਣ ਹੋ ਗਈ ਸੀ, ਪਰ ਪਿਤਾ ਦੀ ਮੌਤ ਹੋ ਗਈ ਸੀ ਅਤੇ ਮਾਂ, ਜੋ ਹੁਣ 69 ਸਾਲ ਦੀ ਹੈ, ਸੰਭਾਵਤ ਤੌਰ ‘ਤੇ ਬੋਧਾਤਮਕ ਮੁੱਦਿਆਂ ਕਾਰਨ ਮੁਕੱਦਮੇ ਦਾ ਸਾਹਮਣਾ ਕਰਨ ਦੇ ਯੋਗ ਨਹੀਂ ਹੈ। ਸਫੇਕ ਜ਼ਿਲ੍ਹਾ ਅਟਾਰਨੀ ਕੇਵਿਨ ਹੇਡਨ ਨੇ ਮੰਗਲਵਾਰ ਨੂੰ ਜਾਰੀ ਕੀਤੇ ਇੱਕ ਬਿਆਨ ਵਿੱਚ ਕਿਹਾ ਕਿ ਇਹ ਜਾਂਚ, ਜੋ ਕਿ ਸਭ ਤੋਂ ਗੁੰਝਲਦਾਰ, ਅਸਾਧਾਰਨ ਅਤੇ ਪਰੇਸ਼ਾਨ ਕਰਨ ਵਾਲੀ ਹੈ ਜਿਸਦਾ ਇਸ ਦਫਤਰ ਨੇ ਕਦੇ ਸਾਹਮਣਾ ਕੀਤਾ ਹੈ, ਹੁਣ ਪੂਰੀ ਹੋ ਗਈ ਹੈ। ਹਾਲਾਂਕਿ ਸਾਡੇ ਕੋਲ ਕੁਝ ਜਵਾਬ ਹਨ, ਪਰ ਇਸ ਕੇਸ ਦੇ ਬਹੁਤ ਸਾਰੇ ਤੱਤ ਹਨ ਜਿਨ੍ਹਾਂ ਦਾ ਜਵਾਬ ਕਦੇ ਨਹੀਂ ਦਿੱਤਾ ਜਾ ਸਕਦਾ। ਹੇਡਨ ਨੇ ਕਿਹਾ ਕਿ ਜਿਹੜੇ ਸਵਾਲ ਬਿਨ੍ਹਾਂ ਜਵਾਬ ਤੋਂ ਰਹਿ ਗਏ ਹਨ ਉਨ੍ਹਾਂ ਵਿੱਚ ਇਹ ਸ਼ਾਮਲ ਸੀ ਕਿ ਬੱਚੇ ਕਦੋਂ ਜਾਂ ਕਿੱਥੇ ਪੈਦਾ ਹੋਈ ਸੀ, ਕੀ ਉਹ ਜ਼ਿੰਦਾ ਪੈਦਾ ਹੋਏ ਸੀ ਅਤੇ ਉਨ੍ਹਾਂ ਨਾਲ ਅਸਲ ਵਿੱਚ ਹੋਇਆ ਕੀ ਸੀ, ਅਤੇ ਇਹਨਾਂ ਬੱਚਿਆਂ ਦੀ ਮਾਂ ਆਪਣੀ ਗਰਭ-ਅਵਸਥਾ ਨੂੰ ਕਿਵੇਂ ਅਤੇ ਕਿਉਂ ਛੁਪਾਉਣ ਦੇ ਯੋਗ ਸੀ। ਰਿਪੋਰਟ ਮੁਤਾਬਕ ਔਰਤ ਦੇ ਵਕੀਲ, ਜੋ ਕਿ ਇੱਕ ਰਿਹਾਇਸ਼ੀ ਸਿਹਤ-ਸੰਭਾਲ ਸਹੂਲਤ ਵਿੱਚ ਰਹਿੰਦੀ ਹੈ, ਨੇ ਟਿੱਪਣੀ ਲਈ ਇਸ ਬੇਨਤੀ ਦਾ ਜਵਾਬ ਨਹੀਂ ਦਿੱਤਾ। ਅਤੇ ਜਿਹੜੇ ਜਾਂਚਕਰਤਾਵਾਂ ਨੇ ਮਾਂ ਦੀ ਇੰਟਰਵਿਊ ਲਈ ਸੀ ਉਨ੍ਹਾਂ ਨੇ ਕਿਹਾ ਕਿ ਉਹ ਉਲਝਣ ਵਿੱਚ ਦਿਖਾਈ ਦਿੱਤੀ ਅਤੇ ਸਮਝ ਨਹੀਂ ਪਾ ਰਹੀ ਸੀ ਕਿ ਉਹ ਕਿੱਥੇ ਸੀ ਜਾਂ ਉਹ ਕਿਸ ਨਾਲ ਗੱਲ ਕਰ ਰਹੀ ਸੀ। ਜਿਸ ਕਰਕੇ ਉਹ ਔਰਤ ਜਾਂਚਕਰਤਾਵਾਂ ਨੂੰ ਕੋਈ ਵੀ ਸੰਬੰਧਿਤ ਜਾਣਕਾਰੀ ਪ੍ਰਦਾਨ ਕਰਨ ਦੇ ਯੋਗ ਨਹੀਂ ਸੀ। ਦੱਸਦਈਏ ਕਿ ਬੱਚਿਆਂ ਦਾ ਪਤਾ ਉਦੋਂ ਲੱਗਾ ਜਦੋਂ ਔਰਤ ਦਾ ਪਰਿਵਾਰ ਆਪਣੇ ਅਪਾਰਟਮੈਂਟ ਦੀ ਸਫਾਈ ਕਰ ਰਿਹਾ ਸੀ। ਡੀਐਨਏ ਟੈਸਟ ਤੋਂ ਪਤਾ ਚੱਲਿਆ ਕਿ ਚਾਰੋਂ ਭੈਣ-ਭਰਾ ਸੀ। ਇੱਕ ਜਾਂਚ ਵਿੱਚ ਇਹ ਸਿੱਟਾ ਕੱਢਿਆ ਗਿਆ ਕਿ ਉਹ 37 ਤੋਂ 40 ਹਫ਼ਤਿਆਂ ਦੇ ਸੀ, ਅਤੇ ਉਹਨਾਂ ਦੀਆਂ ਨਾਭੀ ਨਾਲੀਆਂ ਅਜੇ ਵੀ ਜੁੜੀਆਂ ਹੋਈਆਂ ਸੀ। ਪੋਸਟਮਾਰਟਮ ਵਿੱਚ ਸਪੱਸ਼ਟ ਸੱਟਾਂ ਦੇ ਕੋਈ ਸੰਕੇਤ ਨਹੀਂ ਮਿਲੇ। ਉਹ ਇਹ ਨਿਰਧਾਰਤ ਕਰਨ ਦੇ ਯੋਗ ਸੀ ਕਿ ਮਾਂ ਦੇ ਨਾਲ ਇੱਕ ਹੋਰ ਬੱਚਾ ਵੀ ਸੀ, ਜਿਸ ਦੇ ਪਿਤਾ ਦੀ 2011 ਵਿੱਚ ਮੌਤ ਹੋ ਗਈ ਸੀ। ਅਤੇ ਉਸ ਬੱਚੇ ਨੂੰ ਬਾਅਦ ਵਿੱਚ ਗੋਦ ਲੈਣ ਲਈ ਛੱਡ ਦਿੱਤਾ ਗਿਆ ਸੀ।
Freezer ਵਿੱਚੋਂ 4 ਨਵਜੰਮੇ ਬੱਚਿਆਂ ਦੀਆਂ ਲਾਸ਼ਾਂ ਮਿਲਣ ਦੇ ਮਾਮਲੇ ਵਿੱਚ ਨਵਾਂ ਅਪਡੇਟ
