Canadian businessman Frank Stronach ‘ਤੇ ਇਤਿਹਾਸਕ ਜਿਨਸੀ ਸ਼ੋਸ਼ਣ ਦੀ ਜਾਂਚ ਦੇ ਸਬੰਧ ਵਿੱਚ ਲੱਗੇ ਨਵੇਂ ਦੋਸ਼!

ਕੈਨੇਡੀਅਨ ਕਾਰੋਬਾਰੀ ਫਰੈਂਕ ਸਟ੍ਰੋਨੇਕ ਨੂੰ ਅੱਠ ਨਵੇਂ ਦੋਸ਼ਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਜਿਸ ਨੂੰ ਲੈ ਕੇ ਪੁਲਿਸ ਦਾ ਕਹਿਣਾ ਹੈ ਕਿ ਦਹਾਕਿਆਂ ਪੁਰਾਣੀ ਇਤਿਹਾਸਕ ਜਿਨਸੀ ਸ਼ੋਸ਼ਣ ਦੀ ਜਾਂਚ ਦੇ ਹਿੱਸੇ ਵਜੋਂ ਹੋਰ ਪੀੜਤਾਂ ਦੀ ਪਛਾਣ ਕੀਤੀ ਗਈ ਹੈ। ਟੋਰੋਂਟੋ ਦੀ ਪੀਲ ਰੀਜਨਲ ਪੁਲਿਸ ਨੇ ਇੱਕ ਬਿਆਨ ਵਿੱਚ ਸਟ੍ਰੋਨੇਕ ਦੇ ਖਿਲਾਫ ਨਵੇਂ ਦੋਸ਼ਾਂ ਦੀ ਪੁਸ਼ਟੀ ਕੀਤੀ ਹੈ। ਇਨ੍ਹਾਂ ਵਿੱਚ ਜਿਨਸੀ ਹਮਲੇ ਦੇ ਛੇ ਦੋਸ਼ ਅਤੇ ਬਲਾਤਕਾਰ ਦੀ ਕੋਸ਼ਿਸ਼ ਅਤੇ ਅਸ਼ਲੀਲ ਹਮਲੇ ਦੇ ਦੋ ਇਤਿਹਾਸਕ ਦੋਸ਼ ਸ਼ਾਮਲ ਹਨ। ਇਹਨਾਂ ਨਵੇਂ ਦੋਸ਼ਾਂ ਦੇ ਨਾਲ, 91 ਸਾਲਾ ਸਟ੍ਰੋਨੇਕ ਨੂੰ ਕੁੱਲ 13 ਦੋਸ਼ਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਦੱਸਦਈਏ ਕਿ ਉਸ ਨੂੰ ਪਹਿਲੀ ਵਾਰ ਇਸ ਮਾਮਲੇ ਵਿੱਚ 7 ਜੂਨ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ। ਹਾਲਾਂਕਿ ਪੁਲਿਸ ਨੇ ਸ਼ੁਰੂਆਤੀ ਤੌਰ ‘ਤੇ ਮਾਮਲੇ ਵਿੱਚ ਦੋਸ਼ਾਂ ਦੇ ਪਹਿਲੇ ਸੈੱਟ ਬਾਰੇ ਕੁਝ ਵੇਰਵੇ ਜਾਰੀ ਕੀਤੇ, ਜਿਸ ਵਿੱਚ ਉਨ੍ਹਾਂ ਨੇ ਸਿਰਫ ਇਹ ਕਿਹਾ ਕਿ ਉਹ 1980 ਅਤੇ 2023 ਦੇ ਵਿਚਕਾਰ ਦੀਆਂ ਘਟਨਾਵਾਂ ਤੋਂ ਪੈਦਾ ਹੋਏ ਸਨ, ਅਦਾਲਤੀ ਦਸਤਾਵੇਜ਼ਾਂ ਨੇ ਬਾਅਦ ਵਿੱਚ ਖੁਲਾਸਾ ਕੀਤਾ ਕਿ ਤਿੰਨ ਵੱਖ-ਵੱਖ ਸ਼ਿਕਾਇਤਾਂ ਕਰਕੇ ਇਸ ਮਾਮਲੇ ਵਿੱਚ ਪੁਲਿਸ ਜਾਂਚ ਸ਼ੁਰੂ ਕੀਤੀ ਗਈ ਜਿਸ ਵਿੱਚ ਪਹਿਲੀ ਕਾਰਵਾਈ ਇੱਕ ਜੁਲਾਈ 1980 ਵਿੱਚ ਹੋਈ ਉਸ ਤੋਂ ਬਾਅਦ ਇੱਕ ਫਰਵਰੀ 1986 ਵਿੱਚ, ਅਤੇ ਦੂਜੀ ਅਪ੍ਰੈਲ 2023 ਵਿੱਚ।  ਇਸ ਸਮੇਂ ਇਹ ਅਸਪਸ਼ਟ ਹੈ ਕਿ ਨਵੇਂ ਦੋਸ਼ਾਂ ਵਿੱਚ ਕਿੰਨੇ ਵਾਧੂ ਪੀੜਤ ਸ਼ਾਮਲ ਹਨ ਜਾਂ ਉਹ ਘਟਨਾਵਾਂ ਕਦੋਂ ਵਾਪਰੀਆਂ ਹਨ।  ਰਿਪੋਰਟ ਮੁਤਾਬਕ ਸਟ੍ਰੋਨੇਕ, ਉਸਦੀ ਗ੍ਰਿਫਤਾਰੀ ਤੋਂ ਬਾਅਦ ਜ਼ਮਾਨਤ ‘ਤੇ ਰਿਹਾਅ ਹੋ ਗਿਆ ਹੈ, ਜਿਸ ਨੂੰ ਦਸਤਾਵੇਜ਼ਾਂ ਦੇ ਅਨੁਸਾਰ, ਆਪਣਾ ਪਾਸਪੋਰਟ ਸੌਂਪਣ, ਪਤੇ ਵਿੱਚ ਕਿਸੇ ਵੀ ਤਬਦੀਲੀ ਬਾਰੇ ਪੁਲਿਸ ਨੂੰ ਸੂਚਿਤ ਕਰਨ, ਅਤੇ ਤਿੰਨ ਸ਼ਿਕਾਇਤ ਕਰਤਾਵਾਂ ਵਿੱਚੋਂ ਕਿਸੇ ਨਾਲ ਵੀ ਗੱਲਬਾਤ ਕਰਨ ਦੀ ਇਜਾਜ਼ਤ ਨਹੀਂ ਦਿੱਤੀ ਗਈ ਹੈ। ਉਹ 8 ਜੁਲਾਈ ਨੂੰ ਬਰੈਂਪਟਨ ਦੀ ਅਦਾਲਤ ਵਿਚ ਦੋਸ਼ਾਂ ਦੇ ਪਹਿਲੇ ਸੈੱਟ ‘ਤੇ ਆਪਣੀ ਅਗਲੀ ਅਦਾਲਤ ਵਿਚ ਪੇਸ਼ ਹੋਣ ਵਾਲਾ ਹੈ।