ਏਲਜ਼ਹਾਈਮਰ ਰੋਗ ਨਾਲ ਪੀੜਤ ਇੱਕ 80 ਸਾਲਾ ਕੈਨੇਡੀਅਨ ਔਰਤ ਦਾ ਪਰਿਵਾਰ ਬਹਾਮਾਸ ਵਿੱਚ ਛੁੱਟੀਆਂ ਮਨਾਉਣ ਗਿਆ ਸੀ ਜਿਥੇ ਉਨ੍ਹਾਂ ਦੀਆਂ ਛੁੱਟੀਆਂ ਚ ਇੱਕ ਭਿਆਨਕ ਮੋੜ ਸਾਹਮਣੇ ਆਇਆ। ਪਰਿਵਾਰ ਨੇ ਦੋਸ਼ ਲਗਾਉਂਦੇ ਹੋਏ ਕਿਹਾ ਕਿ ਜਿਸ ਰਿਜ਼ੋਰਟ ਵਿੱਚ ਉਹ ਠਹਿਰੇ ਹੋਏ ਸਨ, ਇੱਕ ਮਹਿਮਾਨ ਦੁਆਰਾ ਉਥੇ ਉਸ ਔਰਤ ਦਾ ਜਿਨਸੀ ਸ਼ੋਸ਼ਣ ਕੀਤਾ ਗਿਆ ਸੀ, ਤੇ ਉਨ੍ਹਾਂ ਦਾ ਕਹਿਣਾ ਹੈ ਕਿ ਜਿਸ ਵਿਅਕਤੀ ਨੇ ਇਹ ਸਭ ਕੁੱਝ ਕੀਤਾ ਉਹ ਨੋਵਾ ਸਕੋਸ਼ਾ ਤੋਂ ਹੈ। ਔਰਤ ਦੇ ਮੁੰਡੇ ਡੇਵਿਡ ਏਅਰੰਸ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦਾ ਪਰਿਵਾਰ ਜੋ ਕੁਝ ਵੀ ਹੋਇਆ ਉਸ ਤੋਂ ਸਦਮੇ ਵਿੱਚ ਚਲਾ ਗਿਆ ਹੈ। ਏਅਰੰਸ ਦਾ ਕਹਿਣਾ ਹੈ ਕਿ ਉਹ ਕਮਜ਼ੋਰ ਅਜ਼ੀਜ਼ਾਂ ਨਾਲ ਯਾਤਰਾ ਕਰਦੇ ਸਮੇਂ ਸੰਭਾਵੀ ਖ਼ਤਰਿਆਂ ਬਾਰੇ ਦੂਜਿਆਂ ਨੂੰ ਚੇਤਾਵਨੀ ਦੇਣ ਲਈ ਇਹ ਜਾਣਕਾਰੀ ਹੋਰਾਂ ਨਾਲ ਸਾਂਝੀ ਕਰ ਰਿਹਾ ਹੈ। ਏਅਰੰਸ ਨੇ ਕਿਹਾ ਕਿ ਉਸਦੀ ਮਾਂ, ਪਿਛਲੇ ਮਹੀਨੇ ਨਾਸਾ ਦੇ ਪੈਰਾਡਾਈਜ਼ ਆਈਲੈਂਡ ‘ਤੇ ਵੌਰਇਕ ਹੋਟਲ ਅਤੇ ਰਿਜ਼ੋਰਟ ਵਿਖੇ ਪਰਿਵਾਰ ਦੇ ਹੋਰ ਮੈਂਬਰਾਂ ਨਾਲ ਛੁੱਟੀਆਂ ‘ਤੇ ਸੀ।
ਏਅਰੰਸ ਦੇ ਅਨੁਸਾਰ, ਇੱਕ ਕੈਨੇਡੀਅਨ ਵਿਅਕਤੀ ਜਿਸ ਨੂੰ ਸਮੂਹ ਨਹੀਂ ਜਾਣਦਾ ਸੀ, ਨੇ 28 ਜਨਵਰੀ ਨੂੰ ਗਰੁੱਪ ਵਿੱਚ ਆਪਣੀ ਜਾਣ-ਪਛਾਣ ਕਰਵਾਈ, ਅਤੇ ਰਾਤ ਦੇ ਖਾਣੇ ਵਿੱਚ ਸ਼ਾਮਲ ਹੋ ਗਿਆ। ਫਿਰ ਉਹ ਉਸੇ ਹੋਟਲ ਦੀ ਐਲੀਵੇਟਰ ਵਿੱਚ ਦਾਖਲ ਹੋਇਆ ਜਿਸ ਵਿੱਚ ਏਅਰੰਸ ਦੀ ਮਾਂ ਅਤੇ ਭੈਣ ਰਾਤ ਦੇ ਅੰਤ ਵਿੱਚ ਸਨ। ਉਨ੍ਹੇਂ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਮੇਰੀ ਭੈਣ ਬਾਹਰ ਨਿਕਲ ਗਈ ਅਤੇ ਅਸਲ ਵਿੱਚ ਉਸੇ ਸਮੇਂ ਮੇਰੀ ਮਾਂ ਨੂੰ ਲੈਣ ਲਈ ਮੁੜ ਰਹੀ ਸੀ, ਅਤੇ ਦਰਵਾਜ਼ੇ ਪਹਿਲਾਂ ਹੀ ਬੰਦ ਹੋ ਰਹੇ ਸਨ … ਅਤੇ ਉਸ ਸਮੇਂ, ਮੇਰੀ ਮਾਂ ਗਾਇਬ ਹੋ ਗਈ। ਜਿਸ ਤੋਂ ਬਾਅਦ ਪਰਿਵਾਰ ਨੇ 45 ਮਿੰਟਾਂ ਤੱਕ ਔਰਤ ਦੀ ਭਾਲ ਕੀਤੀ ਅਤੇ ਹੋਟਲ ਸਟਾਫ ਨੇ ਆਖਰਕਾਰ ਸਥਾਨਕ ਪੁਲਿਸ ਨੂੰ ਬੁਲਾਇਆ। ਏਅਰੰਸ ਦਾ ਕਹਿਣਾ ਹੈ ਕਿ ਸਪੈਸ਼ਲ ਏਜੰਟ ਟੌਮ ਜਸਟਿਸ ਨੇ ਸੀਨੀਅਰ ਨੂੰ ਦੋਸ਼ੀ ਨਾਲ ਪਾਇਆ ਜਦੋਂ ਲਿਫਟ ਦੇ ਦਰਵਾਜ਼ੇ ਕਿਸੇ ਹੋਰ ਮੰਜ਼ਿਲ ‘ਤੇ ਖੁੱਲ੍ਹੇ। ਏਅਰੰਸ ਦਾ ਕਹਿਣਾ ਹੈ ਕਿ ਜਸਟਿਸ ਨੇ ਦੇਖਿਆ ਕਿ ਔਰਤ ਨੇ ਆਪਣੇ ਅੰਡਰਵੀਅਰ ਨੂੰ ਆਪਣੇ ਹੱਥਾਂ ਵਿੱਚ ਫੜਿਆ ਹੋਇਆ ਸੀ। ਏਅਰੰਸ ਦਾ ਪਰਿਵਾਰ ਹੁਣ ਓਨਟੈਰੀਓ ਵਿੱਚ ਆਪਣੇ ਘਰ ਵਾਪਸ ਆ ਗਿਆ ਹੈ ਅਤੇ ਡੇਵਿਡ ਏਅਰੰਸ ਦਾ ਕਹਿਣਾ ਹੈ ਕਿ ਉਸਦੀ ਮਾਂ ਨੂੰ ਉਹ ਸਹਾਇਤਾ ਮਿਲ ਰਹੀ ਹੈ ਜਿਸਦੀ ਉਸਨੂੰ ਲੋੜ ਹੈ। ਰਾਇਲ ਬਹਾਮਾਸ ਪੁਲਿਸ ਦੇ ਲੋਕ ਸੰਪਰਕ ਵਿਭਾਗ ਨੇ ਪੁਸ਼ਟੀ ਕੀਤੀ ਹੈ ਕਿ 61 ਸਾਲਾ ਦੀ ਉਮਰ ਦੇ ਗੋਰਡਨ ਵਿਲਕੀ ਵਜੋਂ ਪਛਾਣੇ ਗਏ ਇੱਕ ਕੈਨੇਡੀਅਨ ਵਿਅਕਤੀ ਨੂੰ 2 ਫਰਵਰੀ ਨੂੰ ਪੇਸ਼ ਕੀਤਾ ਗਿਆ ਸੀ ਅਤੇ ਬਲਾਤਕਾਰ ਦੇ ਜੁਰਮ ਦਾ ਦੋਸ਼ ਲਗਾਇਆ ਗਿਆ ਸੀ। ਇਸ ਤੋਂ ਬਾਅਦ ਉਸ ਨੂੰ ਰਿਮਾਂਡ ‘ਤੇ ਭੇਜ ਦਿੱਤਾ ਗਿਆ। ਇਸ ਦੌਰਾਨ, ਉਸ ਦੇਸ਼ ਵਿੱਚ ਪਬਲਿਕ ਪ੍ਰੋਸੀਕਿਊਸ਼ਨਜ਼ ਦਾ ਦਫ਼ਤਰ ਪੁਸ਼ਟੀ ਕਰਦਾ ਹੈ ਕਿ ਵਿਲਕੀ ਨੂੰ $30,000 ਦੀ ਨਕਦ ਜ਼ਮਾਨਤ ‘ਤੇ ਰਿਹਾਅ ਕਰ ਦਿੱਤਾ ਗਿਆ ਅਤੇ ਉਸਦੀ ਰਿਹਾਈ ‘ਤੇ ਕੋਈ ਸ਼ਰਤਾਂ ਵੀ ਨਹੀਂ ਰੱਖੀਆਂ ਗਈਆਂ ਹਨ।
