Alberta ‘ਚ ਕੈਂਸਰ ਦੇ ਇਲਾਜ ਲਈ ਲੰਬਾ ਇੰਤਜ਼ਾਰ

ਸੋਸ਼ਲ ਮੀਡੀਆ ‘ਤੇ ਐਡਮਿੰਟਨ ਦੀ ਇਕ ਨੌਜਵਾਨ ਔਰਤ ਦੀ ਦਿਲ ਦਹਿਲਾਉਣ ਵਾਲੀ ਵੀਡੀਓ ਵਾਇਰਲ ਹੋ ਰਹੀ ਹੈ, ਜਿਸ ਦੇ ਪਤੀ ਨੂੰ 2 ਮਈ ਨੂੰ ਢਿੱਡ ਦੇ ਕੈਂਸਰ ਦਾ ਪਤਾ ਲੱਗਾ ਸੀ, ਪਰ ਦੋ ਮਹੀਨਿਆਂ ਬਾਅਦ ਓਨਕੋਲੋਜਿਸਟ ਨੂੰ ਮਿਲਣ ਲਈ ਕੋਈ appointment ਨਹੀਂ ਮਿਲੀ। ਜਿਸ ਦੇ ਚਲਦੇ ਔਰਤ ਦੇ ਪਤੀ ਨੂੰ ਹੋਰ ਗੰਭੀਰ ਸੰਬੰਧਿਤ ਸਮੱਸਿਆਵਾਂ ਪੈਦਾ ਹੋਈਆਂ ਅਤੇ ਉਹ ਹੁਣ ਹਸਪਤਾਲ ਵਿੱਚ ਦਾਖਲ ਹੈ। ਇਹਨਾਂ ਗੰਭੀਰ ਸਮੱਸਿਆਵਾਂ ਵਿੱਚ ਗੈਸਟਰਿਕ ਖੂਨ ਵਹਿਣ ਲੱਗ ਗਿਆ, ਇੱਕ ਫੇਫੜਾ ਖਰਾਬ ਹੋ ਗਿਆ, ਪਰ ਅੰਡਰਲਾਈੰਗ ਕੈਂਸਰ ਦਾ ਹਸਪਤਾਲ ਵਿੱਚ ਇਲਾਜ ਨਹੀਂ ਕੀਤਾ ਜਾ ਸਕਦਾ ਕਿਉਂਕਿ ਸਿਰਫ ਓਨਕੋਲੋਜਿਸਟ ਹੀ ਇਸ ਦਾ ਇਲਾਜ ਕਰ ਸਕਦੇ ਹਨ। ਰਿਪੋਰਟ ਮੁਤਾਬਕ ਤਸ਼ਖ਼ੀਸ ਤੋਂ ਬਾਅਦ ਇਹਨਾਂ ਲੰਬੀਆਂ ਉਡੀਕਾਂ ਦੌਰਾਨ ਕੈਂਸਰ ਹੋਰ ਫੈਲਦਾ ਹੈ ਤੇ ਕਈ ਵਾਰ ਲੋਕ ਮਰ ਜਾਂਦੇ ਹਨ। ਉਥੇ ਹੀ ਰੇਡੀਏਸ਼ਨ ਔਨਕੋਲੋਜਿਸਟ ਡਾ. ਸ਼ੌਨ ਲੋਵੇਨ, ਜੋ ਕੈਲਗਰੀ ਵਿੱਚ ਪ੍ਰੈਕਟਿਸ ਕਰਦੇ ਹਨ, ਕਹਿੰਦੇ ਹਨ, “ਮੇਰੇ ਲਈ ਟੌਮ ਬੇਕਰ ਕੈਂਸਰ ਸੈਂਟਰ ਵਿੱਚ ਆਉਣ ਲਈ ਤਿੰਨ ਜਾਂ ਚਾਰ ਮਹੀਨੇ ਉਡੀਕਣ ਵਾਲੇ ਮਰੀਜ਼ ਨੂੰ ਦੇਖਣਾ ਆਮ ਗੱਲ ਨਹੀਂ ਹੈ। ਅਤੇ ਕਈ ਵਾਰ ਸਰਜਰੀ ਤੋਂ ਬਾਅਦ ਕੈਂਸਰ ਦੇ ਮਰੀਜ਼ਾਂ ਨੂੰ ਉਡੀਕ ਕਰਨੀ ਪੈਂਦੀ ਹੈ। ਰਿਪੋਰਟ ਮੁਤਾਬਕ ਸੂਬੇ ਵਿੱਚ ਕੋਰ ਕੈਂਸਰ ਦੀ ਸਮੱਸਿਆ ਮੈਡੀਕਲ ਅਤੇ ਰੇਡੀਏਸ਼ਨ ਓਨਕੋਲੋਜਿਸਟ ਦੋਵਾਂ ਦੀ ਘਾਟ ਹੈ। ਜਿਸ ਨੂੰ ਲੈ ਕੇ ਅਲਬਰਟਾ ਮੈਡੀਕਲ ਐਸੋਸੀਏਸ਼ਨ ਦੇ ਪ੍ਰਧਾਨ ਡਾ. ਪਾਲ ਪਾਰਕਸ ਦਾ ਕਹਿਣਾ ਹੈ ਕਿ ਸਮੱਸਿਆ ਨੂੰ ਹੱਲ ਕਰਨ ਲਈ ਪ੍ਰੋਵਿੰਸ ਨੂੰ ਅੱਧੀ ਰਾਸ਼ਟਰੀ ਗ੍ਰੈਜੂਏਟ ਜਮਾਤ ਦੀ ਭਰਤੀ ਕਰਨੀ ਪਵੇਗੀ। ਪਾਰਕਸ ਦਾ ਕਹਿਣਾ ਹੈ ਕਿ ਮੁਆਵਜ਼ੇ ਅਤੇ 2020 ਵਿੱਚ ਡਾਕਟਰਾਂ ਦੇ ਦਸਤਖਤ ਕੀਤੇ ਤਨਖਾਹ ਸਮਝੌਤੇ ਨੂੰ ਤੋੜਨ ਵਾਲੀ UCP ਦੀ ਲੰਮੀ ਯਾਦ ਦੇ ਕਾਰਨ ਅਲਬਰਟਾ ਇਹਨਾਂ ਡਾਕਟਰਾਂ ਲਈ ਇੱਕ ਆਕਰਸ਼ਕ ਮੰਜ਼ਿਲ ਨਹੀਂ ਹੈ।