Pierre Poilievre ਨੇ Justin Trudeau ਨੂੰ ਕਿਹਾ ਸਨਕੀ House of Commons ਤੋਂ ਕੱਢਿਆ ਗਿਆ ਬਾਹਰ

ਹਾਊਸ ਆਫ ਕੋਮਨਜ਼ ਵਿੱਚ ਪ੍ਰਸ਼ਨ ਕਾਲ ਦੌਰਾਨ ਸਪੀਕਰ ਗ੍ਰੇਗ ਫਰਗਸ ਨੇ ਕੰਜ਼ਰਵੇਟਿਵ ਆਗੂ ਪੀਏਰ ਪੋਈਲੀਐਵ ਨੂੰ ਹਾਉਸ ਆਫ ਕੋਮਨਜ਼ ਵਿੱਚੋਂ ਬਾਹਰ ਕੱਢ ਦਿੱਤਾ। ਰਿਪੋਰਟ ਮੁਤਾਬਕ ਸਾਰੇ ਕੰਜ਼ਰਵੇਟਿਵ ਐਮਪੀਸ ਨੇ ਵਿਰੋਧ ਵਿੱਚ ਉਦੋਂ ਚੈਂਬਰ ਛੱਡ ਦਿੱਤਾ ਜਦੋਂ ਫਰਗਸ ਨੇ ਪੋਈਲੀਐਵ ਨੂੰ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੂੰ ਵੈਕੋ ਮਤਲਬ ਕੇ ਸਨਕੀ ਕਹਿਣ ਵਾਲੀ ਟਿਪੱਣੀਆਂ ਨੂੰ ਵਾਪਸ ਲੈਣ ਦੇ ਕਈ ਮੌਕੇ ਦਿੱਤੇ। ਇਸ ਦੌਰਾਨ ਪੋਈਲੀਐਵ ਨੇ ਕਿਹਾ ਕਿ ਉਹ ਸ਼ਬਦ ਨੂੰ “ਰੈਡੀਕਲ” ਮਤਲਬ ਕਿ ਕਿਸੇ ਚੀਜ਼ ਦੇ ਬੁਨਿਆਦੀ ਸੁਭਾਅ ਦੇ ਸਬੰਧ ਨਾਲ ਬਦਲ ਦੇਵੇਗਾ, ਫਿਰ ਉਹ “ਐਕਸਟ੍ਰਿਮਿਸਟ ਸ਼ਬਦ ਨਾਲ ਭਾਸ਼ਾ ਨੂੰ “ਬਸ ਵਾਪਸ ਲੈ ਲਵੇਗਾ ਅਤੇ ਬਦਲ ਦੇਵੇਗਾ”। ਜਿਸ ਤੋਂ ਬਾਅਦ ਸਪੀਕਰ ਗ੍ਰੇਗ ਫਰਗਸ ਨੇ ਕਿਹਾ ਕਿ ਕੰਜ਼ਰਵੇਟਿਵ ਆਗੂ ਕੁਰਸੀ ਦੇ ਅਧਿਕਾਰ ਦੀ ਅਣਦੇਖੀ ਕਰ ਰਿਹਾ ਸੀ। ਦੱਸਦਈਏ ਕਿ ਇਹ ਅਦਲਾ-ਬਦਲੀ ਉਦੋਂ ਹੋਈ ਜਦੋਂ ਕੰਜ਼ਰਵੇਟਿਵ ਐਮਪੀ ਰੇਚਲ ਠੋਮਸ ਨੂੰ ਸਪੀਕਰ ਦੀਆਂ ਹਦਾਇਤਾਂ ਦੀ ਅਣਦੇਖੀ ਕਰਨ ਲਈ ਚੈਂਬਰ ਤੋਂ ਬਾਹਰ ਕੱਢ ਦਿੱਤਾ ਗਿਆ ਸੀ, ਜਿਸ ਨੂੰ ਉਸਨੇ “ਅਪਮਾਨਜਨਕ” ਕਿਹਾ ਸੀ। ਜ਼ਿਕਰਯੋਗ ਹੈ ਕਿ ਇਹਨਾਂ ਸਮਾਗਮਾਂ ਤੋਂ ਤੁਰੰਤ ਪਹਿਲਾਂ, ਟਰੂਡੋ ਨੇ ਪੋਈਲੀਐਵ ‘ਤੇ ਸੱਜੇ-ਪੱਖੀ ਕੱਟੜਪੰਥੀਆਂ ਨਾਲ ਸਬੰਧ ਰੱਖਣ ਦਾ ਦੋਸ਼ ਲਗਾਇਆ ਸੀ ਅਤੇ ਕਿਹਾ ਸੀ ਕਿ ਅਜਿਹਾ ਕਰਨ ਵਾਲਾ ਵਿਅਕਤੀ ਪ੍ਰਧਾਨ ਮੰਤਰੀ ਬਣਨ ਦੇ ਯੋਗ ਨਹੀਂ ਹੈ।