18 ਅਪ੍ਰੈਲ 2024: ਤ੍ਰਿਪੁਰਾ ਦੇ ਸਿਪਾਹੀਜਾਲਾ ਜ਼ੂਲੋਜੀਕਲ ਪਾਰਕ ਤੋਂ ਲਿਆਂਦੇ ਗਏ ਸ਼ੇਰ ਅਕਬਰ ਅਤੇ ਸ਼ੇਰਨੀ ਸੀਤਾ ਦੇ ਨਾਂ ਬਦਲੇ ਜਾਣਗੇ, ਇਸ ਦੇ ਲਈ ਬੰਗਾਲ ਸਰਕਾਰ ਨੇ ਸੂਰਜ ਅਤੇ ਤਨਾਇਆ ਨੂੰ ਨਵਾਂ ਨਾਮ ਦੇਣ ਲਈ ਕੇਂਦਰੀ ਚਿੜੀਆਘਰ ਅਥਾਰਟੀ (ਸੀਜੇਡਏ) ਨੂੰ ਪ੍ਰਸਤਾਵ ਭੇਜਿਆ ਹੈ। ਕਲਕੱਤਾ ਹਾਈ ਕੋਰਟ ਦੇ ਜਲਪਾਈਗੁੜੀ ਸਰਕਟ ਬੈਂਚ ਦੀਆਂ ਟਿੱਪਣੀਆਂ ਤੋਂ ਬਾਅਦ ਚਿੜੀਆਘਰ ਅਥਾਰਟੀ ਨੇ ਇਨ੍ਹਾਂ ਸ਼ੇਰਾਂ ਦੇ ਨਾਂ ਬਦਲਣ ਦੀ ਤਜਵੀਜ਼ CZA ਨੂੰ ਭੇਜ ਦਿੱਤੀ ਸੀ।
ਵਿਸ਼ਵ ਹਿੰਦੂ ਪ੍ਰੀਸ਼ਦ (ਵੀਐਚਪੀ) ਦੀ ਬੰਗਾਲ ਇਕਾਈ ਨੇ ਸ਼ੇਰਾਂ ਦੇ ਵਿਵਾਦਿਤ ਨਾਵਾਂ ਨੂੰ ਹਿੰਦੂ ਧਰਮ ਦਾ ਅਪਮਾਨ ਕਰਾਰ ਦਿੱਤਾ ਸੀ ਅਤੇ 16 ਫਰਵਰੀ ਨੂੰ ਕਲਕੱਤਾ ਹਾਈ ਕੋਰਟ ਵਿੱਚ ਇਸ ਵਿਰੁੱਧ ਪਟੀਸ਼ਨ ਦਾਇਰ ਕੀਤੀ ਸੀ।
