Police ਆਸਟ੍ਰੇਲੀਆਈ ਪੁਲਿਸ ਨੇ ਸੋਮਵਾਰ ਨੂੰ ਸਿਡਨੀ ਦੇ ਇੱਕ ਚਰਚ ਵਿੱਚ ਚਾਕੂ ਮਾਰਨ ਨੂੰ ਧਾਰਮਿਕ ਤੌਰ ‘ਤੇ ਪ੍ਰੇਰਿਤ “ਅੱਤਵਾਦੀ ਕਾਰਵਾਈ” ਕਰਾਰ ਦਿੱਤਾ ਹੈ। ਅੱਸੀਰੀਅਨ ਕ੍ਰਾਈਸਟ ਦ ਗੁੱਡ ਸ਼ੈਫਰਡ ਚਰਚ ਵਿੱਚ ਇੱਕ ਬਿਸ਼ਪ, ਇੱਕ ਪਾਦਰੀ ਅਤੇ ਚਰਚ ਜਾਣ ਵਾਲਿਆਂ ਉੱਤੇ ਹਮਲੇ ਦੇ ਬਾਅਦ ਇੱਕ 16 ਸਾਲ ਦੇ ਮੁੰਡੇ ਨੂੰ ਗ੍ਰਿਫਤਾਰ ਕੀਤਾ ਗਿਆ। ਪੁਲਿਸ ਦਾ ਕਹਿਣਾ ਹੈ ਕਿ ਘੱਟੋ-ਘੱਟ ਚਾਰ ਲੋਕਾਂ ਨੂੰ “ਗੈਰ-ਜਾਨਲੇਵਾ ” ਸੱਟਾਂ ਲੱਗੀਆਂ ਹਨ। ਅਤੇ ਹਮਲਾਵਰ ਵੀ ਜ਼ਖਮੀ ਹੋ ਗਿਆ ਸੀ। ਘਟਨਾ ਨੂੰ ਚਰਚ ਦੇ ਲਾਈਵਸਟ੍ਰੀਮ ‘ਤੇ ਕੈਪਚਰ ਕੀਤਾ ਗਿਆ ਅਤੇ ਤੇਜ਼ੀ ਨਾਲ ਵੈਕਲੀ ਦੇ ਉਪਨਗਰ ਵਿੱਚ ਅਸ਼ਾਂਤੀ ਫੈਲ ਗਈ ਸੀ। ਜਿਸ ਤੋਂ ਬਾਅਦ ਆਸਟ੍ਰੇਲੀਅਨ ਪੁਲਿਸ ਨੇ ਅੱਤਵਾਦੀ ਅਪਰਾਧਾਂ ਨੂੰ ਵਿਚਾਰਧਾਰਕ ਤੌਰ ‘ਤੇ ਪ੍ਰੇਰਿਤ ਵਜੋਂ ਪਰਿਭਾਸ਼ਿਤ ਕੀਤਾ ਹੈ। ਅਤੇ ਇਸ ਮਾਮਲੇ ਵਿੱਚ ਜਾਂਚ ਅਜੇ ਵੀ ਜਾਰੀ ਹੈ, ਪਰ ਉਨ੍ਹਾਂ ਦਾ ਕਹਿਣਾ ਹੈ ਕਿ ਉਹ ਇਸ ਗੱਲ ਤੋਂ ਸੰਤੁਸ਼ਟ ਹਨ ਕਿ ਇਹ ਧਾਰਮਿਕ ਕੱਟੜਵਾਦ ਦਾ ਮਾਮਲਾ ਹੈ। ਹਾਲਾਂਕਿ ਇਸ ਦੌਰਾਨ ਅਧਿਕਾਰੀਆਂ ਨੇ ਕਥਿਤ ਹਮਲਾਵਰ ਦਾ ਧਰਮ ਦੱਸਣ ਤੋਂ ਵਾਰ-ਵਾਰ ਇਨਕਾਰ ਕੀਤਾ ਹੈ।
