Crowchild Trail ‘ਤੇ ਫਸੇ ਡਰਾਈਵਰ ਦੀ ਸਹਾਇਤਾ ਕਰਦੇ ਹੋਏ ਕੈਲਗਰੀ ਦੇ ਵਿਅਕਤੀ ਦੀ ਹੋਈ ਮੌਤ

ਨੋਰਥ-ਵੈਸਟ ਕੈਲਗਰੀ ਵਿੱਚ ਇੱਕ ਹੋਰ ਵਾਹਨ ਚਾਲਕ ਦੀ ਮਦਦ ਕਰਨ ਦੀ ਕੋਸ਼ਿਸ਼ ਕਰਦੇ ਹੋਏ ਇੱਕ ਵਿਅਕਤੀ ਦੀ ਇੱਕ ਵਾਹਨ ਦੇ ਹੇਠਾਂ ਆਉਣ ਕਰਕੇ ਮੌਤ ਹੋ ਗਈ। ਪੁਲਿਸ ਨੂੰ ਬੀਤੀ ਰਾਤ 8 ਵਜੇ ਤੋਂ ਠੀਕ ਪਹਿਲਾਂ ਕ੍ਰੋਚਾਈਲਡ ਟ੍ਰੇਲ ‘ਤੇ ਬੁਲਾਇਆ ਗਿਆ ਸੀ। ਜਿਸ ਬਾਰੇ ਪੁਲਿਸ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਉਨ੍ਹਾਂ ਨੂੰ ਪੰਜਵੇਂ ਐਵੇਨਿਊ ਤੋਂ ਬਿਲਕੁਲ ਪਰੇ, ਉੱਤਰ ਵੱਲ ਕ੍ਰੌਚਾਈਲਡ ‘ਤੇ ਇੱਕ ਵਾਹਨ ਦੇ ਹੇਠਾਂ ਫਸੇ ਹੋਣ ਵਾਲੇ ਇੱਕ ਵਿਅਕਤੀ ਬਾਰੇ ਕਈ ਕਾਲਾਂ ਆਈਆਂ ਸੀ। ਈਐਮਐਸ ਨੇ ਦੱਸਿਆ ਕਿ ਜਦੋਂ ਉਹ ਗੱਡੀ ਹੇਠਾਂ ਫਸੇ ਵਿਅਕਤੀ ਨੂੰ ਬਚਾਉਣ ਲਈ ਪਹੁੰਚੇ। ਉਦੋਂ ਤੱਕ ਉਸ ਦੀ ਮੌਤ ਹੋ ਚੁੱਕੀ ਸੀ। ਇਸ ਦੌਰਾਨ ਵਿਅਕਤੀ ਨੂੰ ਬਾਹਰ ਕੱਢਣ ਲਈ ਫਾਇਰ ਬ੍ਰਿਗੇਡ ਦੀ ਮਦਦ ਵੀ ਲਈ ਗਈ।ਪੁਲਿਸ ਦਾ ਕਹਿਣਾ ਹੈ ਕਿ ਪੀੜਤ ਇਕ ਹੋਰ ਡਰਾਈਵਰ ਦੀ ਮਦਦ ਕਰਨ ਲਈ ਅੱਗੇ ਵਧਿਆ ਸੀ ਜੋ ਸੜਕ ਤੇ ਮੋਟਰਸਾਈਕਲ ਫਸੇ ਹੋਣ ਕਾਰਨ ਰੁੱਕਿਆ ਹੋਇਆ ਸੀ, ਉਦੋਂ ਵਿਅਕਤੀ ਆਪਣੇ ਵਾਹਨ ਜੋ ਬਾਹਰ ਨਿਕਲਿਆ ਅਤੇ ਇਸ ਦੌਰਾਨ ਉਸ ਦੀ ਗੱਡੀ ਰੋਲ ਬੈਕ ਕਰਨ ਲੱਗ ਗਈ ਜਿਸ ਕਰਕੇ ਉਹ ਗੱਡੀ ਹੇਠਾਂ ਆ ਗਿਆ ਅਤੇ ਉਸ ਦੀ ਮੌਤ ਹੋ ਗਈ। ਇਸ ਘਟਨਾ ਦੇ ਵਾਪਰਨ ਤੋਂ ਬਾਅਧ ਕਈ ਰਾਹਗੀਰ ਵੀ ਮਦਦ ਲਈ ਪਹੁੰਚੇ ਸੀ। ਅਧਿਕਾਰੀਆਂ ਨੇ ਦੱਸਿਆ ਕਿ ਇਸ ਹਾਦਸੇ ਦਾ ਸ਼ਿਕਾਰ ਹੋਏ ਵਿਅਕਤੀ ਦੇ ਨਾਲ ਇੱਕ ਨੌਜਵਾਨ ਮੁੰਡਾ ਵੀ ਮੌਜੂਦ ਸੀ ਪਰ ਉਸ ਨੂੰ ਸਰੀਰਕ ਤੌਰ ਤੇ ਕੋਈ ਸੱਟਾਂ ਨਹੀਂ ਆਈਆਂ।