ਸੰਭਾਵੀ ਅੱਗ ਨੇ ਬਰਨਬੀ ਅਪਾਰਟਮੈਂਟ ਵਿੱਚ ਲੱਗੀ ਅੱਗ, 100 ਨਿਵਾਸੀਆਂ ਨੂੰ ਕੱਢਿਆ ਗਿਆ ਬਾਹਰ

ਸੰਭਾਵੀ ਅੱਗ ਨੇ ਬਰਨਬੀ ਅਪਾਰਟਮੈਂਟ ਵਿੱਚ ਲੱਗੀ ਅੱਗ, 100 ਨਿਵਾਸੀਆਂ ਨੂੰ ਕੱਢਿਆ ਗਿਆ ਬਾਹਰ।ਬੀਤੇ ਦਿਨ ਬਰਨਬੀ, ਬੀਸੀ ਵਿੱਚ ਇੱਕ ਅਪਾਰਟਮੈਂਟ ਬਿਲਡਿੰਗ ਵਿੱਚ ਭਿਆਨਕ ਅੱਗ ਲੱਗ ਗਈ। ਜਿਸ ਤੋਂ ਬਾਅਦ ਲਗਭਗ 100 ਲੋਕਾਂ ਨੂੰ ਆਪਣੇ ਘਰ ਛੱਡਣ ਲਈ ਮਜਬੂਰ ਹੋਣਾ ਪਿਆ।ਦੱਸਦਈਏ ਕਿ ਕਿੰਗਸਵੇਅ ਅਤੇ ਜਰਸੀ ਐਵੇਨਿਊ ਦੇ ਨੇੜੇ ਇੱਕ ਨੀਵੀਂ ਇਮਾਰਤ ਵਿੱਚ ਰਾਤ ਕਰੀਬ 12:30 ਵਜੇ ਅੱਗ ਲੱਗ ਗਈ, ਜਿਸ ਨਾਲ ਬਹੁਤ ਜ਼ਿਆਦਾ ਨੁਕਸਾਨ ਹੋਇਆ ਅਤੇ ਕਈ ਮੰਜ਼ਿਲਾਂ ਢਹਿ ਗਈਆਂ।ਸੂਚਨਾ ਮਿਲਣ ਤੇ ਬਰਨਬੀ ਫਾਇਰ ਡਿਪਾਰਟਮੈਂਟ ਨੇ ਸਵੇਰੇ 6 ਵਜੇ ਦੇ ਕਰੀਬ ਇਸ ਭਿਆਨਕ ਅੱਗ ਤੇ ਕਾਬੂ ਪਾਇਆ। ਜਿਥੇ ਅੱਗ ਦਾ ਧੂਆਂ ਪੈਦਾ ਹੋਣ ਕਾਰਨ ਕੁਝ ਵਸਨੀਕਾਂ ਨੂੰ ਹਸਪਤਾਲ ਲਿਜਾਇਆ ਗਿਆ, ਪਰ ਇਸ ਦੌਰਾਨ ਜਾਨੀ ਨੁਕਸਾਨ ਤੋਂ ਬਚਾਅ ਰਿਹਾ ਅਤੇ ਕਿਸੇ ਦੇ ਵੀ ਗੰਭੀਰ ਜ਼ਖਮੀ ਹੋਣ ਦੀ ਸੂਚਨਾ ਸਾਹਮਣੇ ਨਹੀਂ ਆਈ।ਇਸ ਦੌਰਾਨ RCMP ਅਪਾਰਟਮੈਂਟ ਵਿੱਚ ਅੱਗ ਲੱਗਣ ਦੇ ਕਾਰਨਾਂ ਦੀ ਜਾਂਚ ਕਰ ਰਹੀ ਹੈ। ਅਤੇ ਇਸ ਮਾਮਲੇ ਨਾਲ ਸਬੰਧੀ ਜਾਣਕਾਰੀ ਵਾਲੇ ਕਿਸੇ ਵੀ ਵਿਅਕਤੀ ਨੂੰ ਬਰਨਬੀ ਡਿਟੈਚਮੈਂਟ ਟੀਮ ਨਾਲ ਸੰਪਰਕ ਕਰਨ ਲਈ ਕਿਹਾ ਗਿਆ ਹੈ।