ਬਚਾਅ ਕਰਤਾ ਡਾਰ ਏਸ ਸਲਾਮ ਬਿਲਡਿੰਗ ਦੇ ਢਹਿਣ ਤੋਂ ਬਾਅਦ ਜਾਨਾਂ ਬਚਾਉਣ ਦੀ ਕੋਸ਼ਿਸ਼

ਬਚਾਅ ਕਰਤਾ ਡਾਰ ਏਸ ਸਲਾਮ ਬਿਲਡਿੰਗ ਦੇ ਢਹਿਣ ਤੋਂ ਬਾਅਦ ਜਾਨਾਂ ਬਚਾਉਣ ਦੀ ਕੋਸ਼ਿਸ਼ ਵਿੱਚ। ਟੈਨਜ਼ੈਨੀਆ ਦੇ ਡਾਰ ਏਸ ਸਲਾਮ ਵਿੱਚ, ਵਿਅਸਤ ਕਰਿਆਕੂ ਬਾਜ਼ਾਰ ਖੇਤਰ ਵਿੱਚ ਇੱਕ ਚਾਰ ਮੰਜ਼ਿਲਾ ਇਮਾਰਤ ਦੇ ਢਹਿ ਜਾਣ ਤੋਂ ਬਾਅਦ ਫਸੇ ਲੋਕਾਂ ਤੱਕ ਪਹੁੰਚਣ ਲਈ ਬਚਾਅ ਕਰਮਚਾਰੀ ਕੰਮ ਕਰ ਰਹੇ ਹਨ।ਇਸ ਦੌਰਾਨ ਬਚਾਅ ਕਰਮਚਾਰੀ ਬਚੇ ਹੋਏ ਲੋਕਾਂ ਨੂੰ ਪਾਣੀ, ਗਲੂਕੋਜ਼ ਅਤੇ ਆਕਸੀਜਨ ਨੂੰ ਛੋਟੇ ਗੈਪ ਰਾਹੀਂ ਭੇਜਣ ਵਿੱਚ ਕਾਮਯਾਬ ਰਹੇ, ਜਿਥੋਂ ਟੈਪ ਕਰਨ ਦੀਆਂ ਆਵਾਜ਼ਾਂ ਨਾਲ ਇਹ ਸੰਕੇਤ ਮਿਲਦਾ ਹੈ ਕਿ ਹੋਰ ਲੋਕ ਅਜੇ ਵੀ ਜ਼ਿੰਦਾ ਹੋ ਸਕਦੇ ਹਨ।ਜਾਣਕਾਰੀ ਮੁਤਾਬਕ ਹੁਣ ਤੱਕ 84 ਲੋਕਾਂ ਨੂੰ ਬਚਾਇਆ ਜਾ ਚੁੱਕਾ ਹੈ, ਜਦਕਿ 13 ਦੀ ਮੌਤ ਦੀ ਪੁਸ਼ਟੀ ਹੋਈ ਹੈ।ਇਸ ਦੌਰਾਨ ਰਾਸ਼ਟਰਪਤੀ ਸਾਮੀਆ ਸੁਲੁਹੂ ਹਸਨ ਨੇ ਐਲਾਨ ਕੀਤਾ ਕਿ ਪ੍ਰਧਾਨ ਮੰਤਰੀ ਨੇੜਲੇ ਇਮਾਰਤਾਂ ਦੇ ਨਿਰੀਖਣ ਦੀ ਅਗਵਾਈ ਕਰਨਗੇ, ਅਤੇ ਪੁਲਿਸ ਇਮਾਰਤ ਦੇ ਮਾਲਕ ਤੋਂ ਇਸ ਦੇ ਢਹਿ-ਢੇਰੀ ਹੋ ਜਾਣ ਬਾਰੇ ਵੇਰਵੇ ਇਕੱਠੇ ਕਰ ਰਹੀ ਹੈ। ਦੱਸਦਈਏ ਕਿ ਸ਼ੁਰੂਆਤ ਵਿੱਚ ਸੈਂਕੜੇ ਪਹਿਲੇ ਜਵਾਬ ਦੇਣ ਵਾਲਿਆਂ ਨੇ ਮਲਬੇ ਨੂੰ ਸਾਫ਼ ਕਰਨ ਲਈ ਹੱਥਾਂ ਨਾਲ ਕੰਮ ਕੀਤਾ, ਬਾਅਦ ਵਿੱਚ ਮਦਦ ਲਈ ਕ੍ਰੇਨਾਂ ਲਿਆਂਦੀਆਂ ਗਈਆਂ।ਕਿਹਾ ਜਾ ਰਿਹਾ ਹੈ ਕਿ ਇਮਾਰਤ ਦੇ ਢਹਿ-ਢੇਰੀ ਹੋਣ ਤੋਂ ਪਹਿਲਾਂ ਉਥੇ ਲੋਕ ਕਾਫੀ ਘੱਟ ਸੀ ਜਿਸ ਕਰਕੇ ਸੰਭਾਵਤ ਤੌਰ ਤੇ ਜਾਨੀ ਨੁਕਸਾਨ ਦਾ ਖਦਸ਼ਾ ਘੱਟ ਗਿਆ ਹੈ।