ਬੀਤੀ ਮੰਗਲਵਾਰ ਦੀ ਸਵੇਰ, ਨੋਰਥ ਈਸਟ ਕੈਲਗਰੀ ਦੇ ਸੈਡਲ-ਲੇਕ ਗ੍ਰੀਨ ਖੇਤਰ ਵਿੱਚ ਗੋਲੀਬਾਰੀ ਤੋਂ ਬਾਅਦ ਦੋ ਲੋਕਾਂ ਨੂੰ ਗੰਭੀਰ ਸੱਟਾਂ ਨਾਲ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ। ਪੁਲਿਸ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਉਨ੍ਹਾਂ ਨੂੰ ਸਵੇਰੇ ਪੌਣੇ ਛੇ ਦੇ ਕਰੀਬ ਘਟਨਾ ਸਥਾਨ ‘ਤੇ ਬੁਲਾਇਆ ਗਿਆ, ਜਿੱਥੇ ਉਨ੍ਹਾਂ ਨੂੰ ਗੋਲੀਬਾਰੀ ਦੇ ਸਬੂਤ ਮਿਲੇ, ਜਿਸ ਵਿੱਚ ਇੱਕ ਨਜ਼ਦੀਕੀ ਪਾਰਕ ਕੀਤੇ ਪਿਕਅੱਪ ਟਰੱਕ ਵਿੱਚ ਗੋਲੀਆਂ ਦੇ ਛੇਕ ਵੀ ਸ਼ਾਮਲ ਸਨ।
ਅਧਿਕਾਰੀਆਂ ਨੇ ਦੱਸਿਆ ਕਿ ਮੌਕੇ ਤੇ ਪਹੁੰਚੀ ਕੈਲਗਰੀ ਪੁਲਿਸ ਅਤੇ ਈਐਮਐਸ ਨੇ ਘਟਨਾ ਦੀ ਜਾਂਚ ਦੇ ਤੌਰ ‘ਤੇ ਖੇਤਰ ਨੂੰ ਟੇਪ ਕਰ ਦਿੱਤਾ ਸੀ। ਜਿਥੇ ਪੁਲਿਸ ਦੇ ਪਹੁੰਚਣ ਤੋਂ ਪਹਿਲਾਂ ਗੁਆਂਢੀਆਂ ਨੂੰ ਕਈ ਗੋਲੀਆਂ ਅਤੇ ਚੀਕਾਂ ਦੀ ਆਵਾਜ਼ ਸੁਣਾਈ ਦਿੱਤੀ।
