ਜ਼ਿਆਦਾਤਰ ਕੈਨੇਡੀਅਨ ਰਿਹਾਇਸ਼ੀ ਸਕੂਲ ਵਿਰਾਸਤ ‘ਤੇ ਚਾਹੁੰਦੇ ਹਨ ਹੋਰ ਕਾਰਵਾਈ

ਜ਼ਿਆਦਾਤਰ ਕੈਨੇਡੀਅਨ ਰਿਹਾਇਸ਼ੀ ਸਕੂਲ ਵਿਰਾਸਤ ‘ਤੇ ਚਾਹੁੰਦੇ ਹਨ ਹੋਰ ਕਾਰਵਾਈ। ਇੱਕ ਨਵਾਂ ਪੋਲ ਦਰਸਾਉਂਦਾ ਹੈ ਕਿ 75% ਕੈਨੇਡੀਅਨ ਸੋਚਦੇ ਹਨ ਕਿ ਸਰਕਾਰ ਨੂੰ ਰਿਹਾਇਸ਼ੀ ਸਕੂਲਾਂ ਦੀ ਵਿਰਾਸਤ ਨੂੰ ਹੱਲ ਕਰਨ ਲਈ ਹੋਰ ਵੀ ਬਹੁਤ ਕੁਝ ਕਰਨਾ ਚਾਹੀਦਾ ਹੈ, ਜਿਸ ਵਿੱਚ ਪਰਿਵਾਰਾਂ ਅਤੇ ਬਚੇ ਲੋਕਾਂ ਦੀ ਮਦਦ ਕਰਨਾ ਵੀ ਸ਼ਾਮਲ ਹੈ। ਇਸ ਪੋਲ ਮੁਤਬਾਕ ਲਗਭਗ 70% ਇਹ ਵੀ ਮੰਨਦੇ ਹਨ ਕਿ ਵਿਅਕਤੀਆਂ ਅਤੇ ਮਾਲਕਾਂ ਨੂੰ ਕਾਰਵਾਈ ਕਰਨ ਦੀ ਲੋੜ ਹੈ। ਜਿਥੇ ਬਹੁਤ ਸਾਰੇ ਕੈਨੇਡੀਅਨ ਬਚੇ ਹੋਏ ਲੋਕਾਂ ਦਾ ਸਨਮਾਨ ਕਰਨ ਅਤੇ ਮਰਨ ਵਾਲਿਆਂ ਨੂੰ ਯਾਦ ਕਰਨ ਲਈ “ਆਰੇਂਜ ਸ਼ਰਟ ਡੇ” ਵਰਗੇ ਯਤਨਾਂ ਦਾ ਸਮਰਥਨ ਕਰਦੇ ਹਨ। ਹੋਰ ਕਾਰਵਾਈ ਦੀ ਇੱਛਾ ਦੇ ਬਾਵਜੂਦ, ਸਿਰਫ਼ 22% ਕੈਨੇਡੀਅਨ ਕਹਿੰਦੇ ਹਨ ਕਿ ਉਹ ਸਵਦੇਸ਼ੀ ਇਤਿਹਾਸ ਬਾਰੇ ਹੋਰ ਸਿੱਖਣਗੇ। ਕੁਝ ਸੂਬਿਆਂ ਵਿੱਚ ਇਸ ਦਿਨ ਨੂੰ ਕਾਨੂੰਨੀ ਛੁੱਟੀ ਵਜੋਂ ਮਾਨਤਾ ਦਿੱਤੀ ਗਈ ਹੈ, ਪਰ ਦੂਸਰੇ, ਜਿਵੇਂ ਕਿ ਓਨਟਾਰੀਓ ਅਤੇ ਅਲਬਰਟਾ, ਵਰਕਰਾਂ ਨੂੰ ਛੁੱਟੀ ਨਹੀਂ ਹੁੰਦੀ ਹੈ। ਫਿਰ ਵੀ, 70% ਕੈਨੇਡੀਅਨ ਮੰਨਦੇ ਹਨ ਕਿ ਇਹ ਰਾਸ਼ਟਰੀ ਛੁੱਟੀ ਹੋਣੀ ਚਾਹੀਦੀ ਹੈ। ਅੱਧੇ ਤੋਂ ਵੱਧ ਕੈਨੇਡੀਅਨ, 59%, ਆਪਣੇ ਜੀਵਨ ਕਾਲ ਵਿੱਚ ਆਦਿਵਾਸੀ ਅਤੇ ਗੈਰ-ਆਵਾਸੀ ਲੋਕਾਂ ਵਿਚਕਾਰ ਅਰਥਪੂਰਨ ਸੁਲ੍ਹਾ-ਸਫਾਈ ਲਈ ਆਸਵੰਦ ਹਨ। ਇਸ ਦੌਰਾਨ ਇਸ ਪੋਲ ਨੇ ਰਿਹਾਇਸ਼ੀ ਸਕੂਲਾਂ ਦੇ ਦੁਖਦਾਈ ਇਤਿਹਾਸ ਨੂੰ ਵੀ ਉਜਾਗਰ ਕੀਤਾ, ਜਿਸ ਵਿੱਚ 150,000 ਤੋਂ ਵੱਧ ਬੱਚੇ ਹਾਜ਼ਰ ਹੋਣ ਲਈ ਮਜਬੂਰ ਹੋਏ ਸੀ, ਅਤੇ ਹਜ਼ਾਰਾਂ ਦੀ ਮੌਤ ਹੋ ਗਈ ਸੀ।