ਫੰਡਿੰਗ ਵਿਵਾਦ ਦੇ ਵਿਚਕਾਰ ਕੈਲਗਰੀ ਗ੍ਰੀਨ ਲਾਈਨ ਪ੍ਰੋਜੈਕਟ ਦੇ ਸਮਰਥਨ ਲਈ ਰੈਲੀ ਦਾ ਕੀਤਾ ਗਿਆ ਆਯੋਜਨ।
ਗ੍ਰੀਨ ਲਾਈਨ ਐਲਆਰਟੀ ਪ੍ਰੋਜੈਕਟ ਦੇ ਸਮਰਥਨ ਲਈ ਬੀਤੇ ਦਿਨ ਕੈਲਗਰੀ ਦੇ ਸਿਟੀ ਹਾਲ ਦੇ ਬਾਹਰ ਇੱਕ ਰੈਲੀ ਕੀਤੀ ਗਈ। ਕੈਲਗਰੀ ਅਲਾਇੰਸ ਫਾਰ ਦਿ ਕਾਮਨ ਗੁੱਡ, ਵਰਗੇ ਆਯੋਜਕ ਅਤੇ ਸਮੂਹ ਚਾਹੁੰਦੇ ਹਨ, ਕਿ ਸਿਆਸਤਦਾਨ ਪ੍ਰੋਜੈਕਟ ਨੂੰ ਅੱਗੇ ਵਧਾਉਣ ਲਈ ਮਿਲ ਕੇ ਕੰਮ ਕਰਨ। ਕਾਬਿਲੇਗੌਰ ਹੈ ਕਿ ਇਹ ਰੈਲੀ ਉਦੋਂ ਆਉਂਦੀ ਹੈ ਜਦੋਂ ਸਿਟੀ ਕਾਉਂਸਿਲ ਫੰਡਿੰਗ ਮੁੱਦਿਆਂ ਦੇ ਕਾਰਨ ਪ੍ਰੋਜੈਕਟ ਨੂੰ ਸੰਭਾਵੀ ਤੌਰ ‘ਤੇ ਛੱਡਣ ਬਾਰੇ ਚਰਚਾ ਕਰਨ ਲਈ ਮੀਟਿੰਗ ਕਰ ਰਹੀ ਹੈ। ਜ਼ਿਕਰਯੋਗ ਹੈ ਕਿ ਪ੍ਰੋਵਿੰਸ ਨੇ ਪ੍ਰੋਜੈਕਟ ਦੀ ਅਲਾਈਨਮੈਂਟ ‘ਤੇ ਅਸਹਿਮਤੀ ਦੇ ਕਾਰਨ ਆਪਣੇ $1.53 ਬਿਲੀਅਨ ਫੰਡਿੰਗ ਨੂੰ ਖਿੱਚ ਲਿਆ ਹੈ, ਜਿਸ ਨਾਲ ਸ਼ਹਿਰ ਆਪਣੇ ਆਪ $6.2 ਬਿਲੀਅਨ ਪ੍ਰੋਜੈਕਟ ਨੂੰ ਬਰਦਾਸ਼ਤ ਕਰਨ ਵਿੱਚ ਅਸਮਰੱਥ ਹੈ। ਕੈਲਗਰੀ ਸਿਟੀ ਕਾਉਂਸਿਲ ਨੇ ਪਹਿਲਾਂ ਹੀ ਯੋਜਨਾ ਵਿੱਚ ਬਦਲਾਅ ਕੀਤੇ ਹਨ, ਜਿਸ ਵਿੱਚ ਪ੍ਰੋਜੈਕਟ ਦੇ ਬਜਟ ਅਤੇ ਦਾਇਰੇ ਨੂੰ ਘਟਾਉਣਾ ਸ਼ਾਮਲ ਹੈ। ਇਸ ਦੌਰਾਨ ਕੈਲਗਰੀ ਦੀ ਮੇਅਰ ਜੋਤੀ ਗੋਂਡੇਕ ਨੇ ਪ੍ਰੋਵਿੰਸ ਦੀ ਇਸ ਪ੍ਰੋਜੈਕਟ ਨੂੰ ਸੰਭਾਲਣ ਲਈ ਆਲੋਚਨਾ ਕੀਤੀ, ਦਾਅਵਾ ਕੀਤਾ ਕਿ ਉਨ੍ਹਾਂ ਦੇ ਪ੍ਰਸਤਾਵਿਤ ਹੱਲ ਅਸੰਭਵ ਹਨ ਅਤੇ ਉਹ ਗ੍ਰੀਨ ਲਾਈਨ ਨੂੰ ਪਟੜੀ ਤੋਂ ਉਤਾਰਨ ਲਈ ਆਪਣੀ ਸ਼ਕਤੀ ਦੀ ਵਰਤੋਂ ਕਰ ਰਹੇ ਹਨ। ਉਥੇ ਹੀ ਇਸ ਮਾਮਲੇ ਵਿੱਚ ਸ਼ਹਿਰ ਦਾ ਗ੍ਰੀਨ ਲਾਈਨ ਬੋਰਡ ਵੀ ਸਥਿਤੀ ਨੂੰ ਹੱਲ ਕਰਨ ਅਤੇ ਵਿਕਲਪਾਂ ਦੀ ਪੜਚੋਲ ਕਰਨ ਲਈ ਮੀਟਿੰਗ ਕਰ ਰਿਹਾ ਹੈ।
