ਸਿੰਘ ਨੇ ਲਿਬਰਲਾਂ ਨਾਲ ਡੀਲ ਖਤਮ ਕਰਨ ਤੋਂ ਬਾਅਦ ਪ੍ਰਾਪਤੀਆਂ ਨੂੰ ਕੀਤਾ ਉਜਾਗਰ ਅਤੇ ਟਰੂਡੋ ਦੀ ਕੀਤੀ ਆਲੋਚਨਾ

ਸਿੰਘ ਨੇ ਲਿਬਰਲਾਂ ਨਾਲ ਡੀਲ ਖਤਮ ਕਰਨ ਤੋਂ ਬਾਅਦ ਪ੍ਰਾਪਤੀਆਂ ਨੂੰ ਕੀਤਾ ਉਜਾਗਰ ਅਤੇ ਟਰੂਡੋ ਦੀ ਕੀਤੀ ਆਲੋਚਨਾ। ਜਿਵੇਂ ਕਿ ਐਨਡੀਪੀ ਲੀਡਰ ਜਗਮੀਤ ਸਿੰਘ ਨੇ ਲਿਬਰਲ-ਐਨਡੀਪੀ ਸਮਝੌਤੇ ਦੇ ਅੰਤ ਦਾ ਬੀਤੇ ਦਿਨ ਐਲਾਨ ਕੀਤਾ ਸੀ। ਅੱਜ ਇਸਦੀਆਂ ਸਫਲਤਾਵਾਂ ਨੂੰ ਉਜਾਗਰ ਕਰਦੇ ਹੋਏ, ਜਿਵੇਂ ਕਿ ਘੱਟ ਆਮਦਨੀ ਵਾਲੇ ਕੈਨੇਡੀਅਨਾਂ ਲਈ ਦੰਦਾਂ ਦੀ ਦੇਖਭਾਲ ਅਤੇ ਰਾਸ਼ਟਰੀ ਫਾਰਮਾਕੇਅਰ ‘ਤੇ ਤਰੱਕੀ ਨੂੰ ਲੈ ਕੇ ਜਗਮੀਤ ਸਿੰਘ ਨੇ ਕਿਹਾ ਕਿ ਇਸ ਸੌਦੇ ਨੇ “ਬਹੁਤ ਕੁਝ ਪੂਰਾ ਕੀਤਾ,” ਪਰ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਸਰਕਾਰ ਦੀ ਅਰਥਪੂਰਨ ਤਬਦੀਲੀ ਲਿਆਉਣ ਲਈ ਕਾਰਪੋਰੇਟ ਹਿੱਤਾਂ ਤੋਂ ਬਹੁਤ ਪ੍ਰਭਾਵਿਤ ਹੋਣ ਲਈ ਆਲੋਚਨਾ ਵੀ ਕੀਤੀ। ਜ਼ਿਕਰਯੋਗ ਹੈ ਕਿ ਇਹ ਸਮਝੌਤਾ 2025 ਤੱਕ ਚੱਲਣਾ ਸੀ, ਸਿੰਘ ਨੇ ਸਮਝਾਇਆ ਕਿ ਲਿਬਰਲਾਂ ਨੇ “ਲੋਕਾਂ ਨੂੰ ਨਿਰਾਸ਼” ਕਰ ਦਿੱਤਾ ਹੈ ਅਤੇ ਉਹ ਹੁਣ ਸਮਰਥਨ ਦੇ ਹੱਕਦਾਰ ਨਹੀਂ ਹਨ। ਜ਼ਿਕਰਯੋਗ ਹੈ ਕਿ ਉਨ੍ਹਾਂ ਨੇ ਐਨਡੀਪੀ ਨੂੰ ਅਗਲੀਆਂ ਚੋਣਾਂ ਵਿੱਚ ਕੰਜ਼ਰਵੇਟਿਵਾਂ ਨੂੰ ਰੋਕਣ ਦੇ ਸਮਰੱਥ ਪਾਰਟੀ ਵਜੋਂ ਸਥਿਤੀ ਵਿੱਚ ਰੱਖਿਆ ਹੈ। ਸਿੰਘ ਨੇ ਵੀਡਿਓ ਵਿੱਚ ਕਿਹਾ ਕਿ ਉਨ੍ਹਾਂ ਦੀ ਪਾਰਟੀ ਹੁਣ ਲਿਬਰਲਾਂ ਦੇ ਸਮਰਥਨ ਦਾ ਮੁਲਾਂਕਣ ਵੋਟ-ਦਰ-ਵੋਟ ਦੇ ਆਧਾਰ ‘ਤੇ ਕਰੇਗੀ। ਇਸ ਦੌਰਾਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਜਵਾਬ ਦਿੱਤਾ, ਅਤੇ ਕਾਨੂੰਨ ‘ਤੇ ਐਨਡੀਪੀ ਨਾਲ ਨਿਰੰਤਰ ਸਹਿਯੋਗ ਦੀ ਉਮੀਦ ਜ਼ਾਹਰ ਕੀਤੀ, ਹਾਲਾਂਕਿ ਪ੍ਰਧਾਨ ਮੰਤਰੀ ਨੇ ਇਹ ਪੁਸ਼ਟੀ ਕਰਨ ਤੋਂ ਬਚਦੇ ਹੋਏ ਨਜ਼ਰ ਆਏ ਕਿ, ਕੀ ਚੋਣ ਨੇੜੇ ਹੈ। ਦੱਸਦਈਏ ਕਿ ਕੈਨੇਡੀਅਨ ਕਾਨੂੰਨ ਦੇ ਤਹਿਤ, ਅਗਲੀਆਂ ਫੈਡਰਲ ਚੋਣਾਂ ਅਕਤੂਬਰ 2025 ਤੱਕ ਹੋਣੀਆਂ ਚਾਹੀਦੀਆਂ ਹਨ, ਹਾਲਾਂਕਿ ਸਿੰਘ ਨੇ ਸੰਕੇਤ ਦਿੱਤਾ ਕਿ ਹੁਣ ਜਲਦੀ ਚੋਣਾਂ ਦੀ ਸੰਭਾਵਨਾ ਜ਼ਿਆਦਾ ਹੈ।