ਏਅਰ ਕੈਨੇਡਾ ਪਾਇਲਟ ਕੰਟਰੈਕਟ ਗੱਲਬਾਤ ਦੌਰਾਨ flexible ਟਿਕਟ ਰੀਬੁਕਿੰਗ ਦੀ ਕਰੇਗਾ ਪੇਸ਼ਕਸ਼

ਏਅਰ ਕੈਨੇਡਾ ਮੰਗਲਵਾਰ ਤੋਂ ਸ਼ੁਰੂ ਹੋਣ ਵਾਲੇ 21 ਦਿਨਾਂ ਦੀ ਕੂਲਿੰਗ-ਆਫ ਮਿਆਦ ਦੇ ਅੰਤ ‘ਤੇ ਸੰਭਾਵਿਤ ਪਾਇਲਟਾਂ ਦੀ ਹੜਤਾਲ ‘ਤੇ ਅਨਿਸ਼ਚਿਤਤਾ ਦੇ ਕਾਰਨ ਟਿਕਟਾਂ ਲਈ ਫਲੈਕਸੀਬਲ ਰੀਬੁਕਿੰਗ ਪ੍ਰਦਾਨ ਕਰੇਗਾ। ਦੱਸਦਈਏ ਕਿ ਇਹ ਨੀਤੀ 17 ਸਤੰਬਰ ਨੂੰ ਖਤਮ ਹੋਣ ਵਾਲੇ ਕੂਲਿੰਗ-ਆਫ ਪੀਰੀਅਡ ਤੋਂ ਠੀਕ ਪਹਿਲਾਂ ਅਤੇ ਬਾਅਦ ਵਿੱਚ ਨਿਰਧਾਰਤ ਉਡਾਣਾਂ ‘ਤੇ ਲਾਗੂ ਹੋਵੇਗੀ। ਜ਼ਿਕਰਯੋਗ ਹੈ ਕਿ ਇਹ ਕਦਮ ਏਅਰ ਲਾਈਨ ਪਾਇਲਟ ਐਸੋਸੀਏਸ਼ਨ (ALPA), ਜੋ ਕਿ ਏਅਰ ਕੈਨੇਡਾ ਦੇ 5,000 ਤੋਂ ਵੱਧ ਪਾਇਲਟਾਂ ਦੀ ਨੁਮਾਇੰਦਗੀ ਕਰਦੀ ਹੈ, ਨਾਲ ਇਕਰਾਰਨਾਮੇ ਦੀ ਗੱਲਬਾਤ ਵਿੱਚ ਫੈਡਰਲ ਸਮਝੌਤਾ ਦੇ ਅੰਤ ਤੋਂ ਬਾਅਦ ਕੀਤਾ ਗਿਆ ਹੈ। ਜਿਸ ਵਿੱਚ ਪਿਛਲੇ ਹਫ਼ਤੇ, 98% ਪਾਇਲਟਾਂ ਨੇ ਹੜਤਾਲ ਨੂੰ ਅਧਿਕਾਰਤ ਕਰਨ ਲਈ ਵੋਟ ਦਿੱਤੀ ਸੀ।