ਹੁਣ ਫੈਡਰਲ ਸਰਕਾਰ ਬਾਈਡਿੰਗ ਆਰਬਿਟਰੇਸ਼ਨ ਲਗਾ ਕੇ ਚੱਲ ਰਹੇ ਰੇਲ ਬੰਦ ਵਿੱਚ ਦਖਲ ਦੇ ਰਹੀ ਹੈ, ਜਿਸ ਦਾ ਐਲਾਨ ਲੇਬਰ ਮੰਤਰੀ ਸਟੀਵ ਮੈਕਕਿਨਨ ਨੇ ਬੀਤੇ ਦਿਨ ਕੀਤਾ। ਦੱਸਦਈਏ ਕਿ ਇਸ ਕਦਮ ਦਾ ਉਦੇਸ਼ ਲੇਬਰ ਵਿਵਾਦ ਨੂੰ ਹੱਲ ਕਰਨਾ ਹੈ ਜਿਸ ਨੇ ਕੈਨੇਡਾ ਦੇ ਰੇਲ ਨੈੱਟਵਰਕ ਨੂੰ ਰੋਕ ਦਿੱਤਾ ਹੈ। ਕੈਨੇਡਾ ਲੇਬਰ ਕੋਡ ਦੇ ਤਹਿਤ, ਮੈਕਕਿਨਨ ਕੈਨੇਡੀਅਨ ਨੈਸ਼ਨਲ ਰੇਲਵੇ (CN), ਕੈਨੇਡੀਅਨ ਪੈਸੀਫਿਕ ਕੰਸਾਸ ਸਿਟੀ (CPKC), ਅਤੇ ਟੀਮਸਟਰਜ਼ ਕੈਨੇਡਾ ਰੇਲਵੇ ਕਾਨਫਰੰਸ (TCRC) ਯੂਨੀਅਨ ਵਿਚਕਾਰ ਗੱਲਬਾਤ ਦਾ ਨਿਪਟਾਰਾ ਕਰਨ ਲਈ ਅੰਤਮ ਸਾਲਸੀ ਲਾਗੂ ਕਰੇਗਾ। ਮੈਕਕਿਨਨ ਨੇ ਕੈਨੇਡਾ ਇੰਡਸਟਰੀਅਲ ਰਿਲੇਸ਼ਨਜ਼ ਬੋਰਡ ਨੂੰ ਮੌਜੂਦਾ ਸਮੂਹਿਕ ਸਮਝੌਤੇ ਨੂੰ ਉਦੋਂ ਤੱਕ ਵਧਾਉਣ ਲਈ ਵੀ ਨਿਰਦੇਸ਼ ਦਿੱਤਾ ਜਦੋਂ ਤੱਕ ਨਵਾਂ ਸੌਦਾ ਨਹੀਂ ਹੋ ਜਾਂਦਾ ਅਤੇ ਕੰਮ ‘ਤੇ ਵਾਪਸੀ ਦਾ ਆਦੇਸ਼ ਦਿੱਤਾ ਜਾਂਦਾ ਹੈ। ਜ਼ਿਕਰਯੋਗ ਹੈ ਕਿ ਬੰਦ ਨੇ ਗੰਭੀਰ ਆਰਥਿਕ ਨੁਕਸਾਨ ਅਤੇ ਸਪਲਾਈ ਚੇਨ ਵਿਘਨ ਦੇ ਡਰ ਦੇ ਨਾਲ ਵੱਖ-ਵੱਖ ਸੈਕਟਰਾਂ ਵਿੱਚ ਮਹੱਤਵਪੂਰਣ ਚਿੰਤਾਵਾਂ ਪੈਦਾ ਕੀਤੀਆਂ ਹਨ। ਕੈਨੇਡੀਅਨ ਨਿਰਮਾਤਾਵਾਂ ਅਤੇ ਨਿਰਯਾਤਕਾਂ ਨੇ ਫੈਡਰਲ ਸਰਕਾਰ ਦੇ ਦਖਲ ਦਾ ਸਵਾਗਤ ਕੀਤਾ ਹੈ ਅਤੇ ਰੇਲ ਸੇਵਾਵਾਂ ਨੂੰ ਤੇਜ਼ੀ ਨਾਲ ਮੁੜ ਸ਼ੁਰੂ ਕਰਨ ਦੀ ਅਪੀਲ ਕੀਤੀ ਹੈ। ਇਸ ਦੌਰਾਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਸਥਿਤੀ ਦੀ ਗੰਭੀਰਤਾ ‘ਤੇ ਜ਼ੋਰ ਦਿੱਤਾ ਅਤੇ ਵਾਅਦਾ ਕੀਤਾ ਕਿ ਸਰਕਾਰ ਜਲਦੀ ਹੱਲ ਲੱਭਣ ਲਈ ਕੰਮ ਕਰੇਗੀ। ਕਾਬਿਲੇਗੌਰ ਹੈ ਕਿ ਲਿਬਰਲ ਸਰਕਾਰ ਨੂੰ ਰੇਲ ਸ਼ੱਟਟਡਾਉਨ ਨੂੰ ਖਤਮ ਕਰਨ ਲਈ ਕਾਨੂੰਨ ਬਣਾਉਣ ਲਈ ਦੂਜੀਆਂ ਪਾਰਟੀਆਂ ਦੇ ਸਮਰਥਨ ਦੀ ਲੋੜ ਪਵੇਗੀ, ਜਿਥੇ ਐਨਡੀਪੀ ਵਰਤਮਾਨ ਵਿੱਚ ਬਾਈਡਿੰਗ ਆਰਬਿਟਰੇਸ਼ਨ ਉਪਾਵਾਂ ਦਾ ਵਿਰੋਧ ਕਰ ਰਹੀ ਹੈ। ਇਸ ਦੌਰਾਨ, CN ਅਤੇ CPKC ਨੇ TCRC, ਜੋ ਕਿ ਲਗਭਗ 9,300 ਕਰਮਚਾਰੀਆਂ ਦੀ ਨੁਮਾਇੰਦਗੀ ਕਰਦਾ ਹੈ, ਨਾਲ ਅਸਫਲ ਗੱਲਬਾਤ ਤੋਂ ਬਾਅਦ ਤਾਲਾਬੰਦੀ ਨੋਟਿਸਾਂ ਦੇ ਨਾਲ ਅੱਗੇ ਵਧਿਆ।
Ottawa ਨੇ ਬਾਈਡਿੰਗ ਆਰਬਿਟਰੇਸ਼ਨ ਦੇ ਨਾਲ ਰੇਲ ਸ਼ਟਡਾਊਨ ਨੂੰ ਖਤਮ ਕਰਨ ਲਈ ਚੁੱਕਿਆ ਕਦਮ।
