ਵਿਐਨਾ ਦੇ ਅਰਨਸਟ ਹੈਪਲ ਸਟੇਡੀਅਮ ਵਿੱਚ ਵੀਰਵਾਰ, ਸ਼ੁੱਕਰਵਾਰ ਅਤੇ ਸ਼ਨੀਵਾਰ ਨੂੰ ਹੋਣ ਵਾਲੇ ਤਿੰਨ ਆਉਣ ਵਾਲੇ ਟੇਲਰ ਸਵਿਫਟ ਕੰਸਰਟ ਨੂੰ ਸੰਭਾਵਿਤ ਸੁਰੱਖਿਆ ਖਤਰੇ ਦੇ ਕਾਰਨ ਰੱਦ ਕਰ ਦਿੱਤਾ ਗਿਆ ਹੈ। ਦੱਸਦਈਏ ਕਿ ਵਿਐਨਾ ਦੇ ਆਸ-ਪਾਸ ਵੱਡੇ ਸਮਾਗਮਾਂ ‘ਤੇ ਇਸਲਾਮਿਕ ਹਮਲਿਆਂ ਦੀ ਯੋਜਨਾ ਬਣਾਉਣ ਦੇ ਸ਼ੱਕ ‘ਚ ਦੋ ਵਿਅਕਤੀਆਂ ਨੂੰ ਗ੍ਰਿਫਤਾਰ ਕੀਤੇ ਜਾਣ ਤੋਂ ਬਾਅਦ ਇਹਨਾਂ ਕੰਸਰਟਸ ਨੂੰ ਰੱਦ ਕਰਨ ਦਾ ਐਲਾਨ ਕੀਤਾ ਗਿਆ। ਪ੍ਰਬੰਧਕਾਂ ਨੇ ਰੱਦ ਕਰਨ ਦੇ ਕਾਰਨ ਵਜੋਂ ਇੱਕ ਪੁਸ਼ਟੀ ਕੀਤੀ ਅੱਤਵਾਦੀ ਧਮਕੀ ਦਾ ਹਵਾਲਾ ਦਿੱਤਾ ਅਤੇ ਭਰੋਸਾ ਦਿਵਾਇਆ ਕਿ ਸਾਰੇ ਟਿਕਟ ਧਾਰਕਾਂ ਨੂੰ ਅਗਲੇ 10 ਕਾਰਜਕਾਰੀ ਦਿਨਾਂ ਦੇ ਅੰਦਰ ਆਟੋਮੈਟਿਕ ਰਿਫੰਡ ਮਿਲ ਜਾਵੇਗਾ। ਰਿਪੋਰਟ ਮੁਤਾਬਕ ਹਮਲੇ ਦੀ ਗ੍ਰਿਫਤਾਰੀਆਂ ਵਿੱਚ ਇੱਕ 19 ਸਾਲਾ ਆਸਟ੍ਰੀਅਨ ਸ਼ਾਮਲ ਸੀ, ਜਿਸ ਨੂੰ ਲੋਅਰ ਆਸਟ੍ਰੀਆ ਦੇ ਟਰਨਿਟਜ਼ ਵਿੱਚ ਨਜ਼ਰਬੰਦ ਕੀਤਾ ਗਿਆ ਅਤੇ ਇੱਕ ਹੋਰ ਸ਼ੱਕੀ ਨੂੰ ਵੀਏਨਾ ਵਿੱਚ ਗ੍ਰਿਫਤਾਰ ਕੀਤਾ ਗਿਆ। ਇਸ ਦੌਰਾਨ ਅਧਿਕਾਰੀਆਂ ਨੇ ਖੁਲਾਸਾ ਕੀਤਾ ਕਿ 19 ਸਾਲਾ ਨੌਜਵਾਨ ਨੇ ਇਸਲਾਮਿਕ ਸਟੇਟ ਪ੍ਰਤੀ ਵਫ਼ਾਦਾਰੀ ਦਾ ਵਾਅਦਾ ਕੀਤਾ ਸੀ ਅਤੇ ਉਸ ਦੇ ਘਰ ਦੀ ਤਲਾਸ਼ੀ ਦੌਰਾਨ ਰਸਾਇਣਕ ਪਦਾਰਥ ਮਿਲੇ। ਵੀਏਨਾ ਦੀ ਪੁਲਿਸ ਨੇ ਰੋਜ਼ਾਨਾ ਲਗਭਗ 65,000 ਲੋਕਾਂ ਦੀ ਇਸ ਸੰਗੀਤ ਸਮਾਰੋਹ ਵਿੱਚ ਆਉਣ ਦੀ ਉਮੀਦ ਕੀਤੀ ਸੀ, ਅਤੇ ਸਟੇਡੀਅਮ ਤੋਂ ਬਾਹਰ 22,000 ਵਾਧੂ ਲੋਕਾਂ ਦੇ ਹੋਣ ਦੀ ਉਮੀਦ ਸੀ। ਜਿਸ ਕਰਕੇ ਇਸ ਨੂੰ ਰੱਦ ਕਰ ਦਿੱਤਾ ਗਿਆ। ਹਾਲਾਂਕਿ ਪੁਲਿਸ ਵਲੋਂ ਅਜੇ ਵੀ ਧਮਕੀਆਂ ਬਾਰੇ ਅਤੇ ਸ਼ੱਕੀਆਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।
