ਟੁੱਟੀ Calgary water line, ‘ਤੇ ਕੰਮ ਕਰਦੇ ਦੋ ਵਿਅਕਤੀ ਜ਼ਖਮੀ, ਰੁੱਕਿਆ ਕੰਮ

ਕੈਲਗਰੀ ਦੀ ਮੇਅਰ ਜੋਤੀ ਗੋਂਡੇਕ ਨੇ ਜਾਣਕਾਰੀ ਦਿੱਤੀ ਕਿ ਉੱਤਰ-ਪੱਛਮੀ ਕੈਲਗਰੀ ਵਿੱਚ ਪਿਛਲੇ ਹਫਤੇ ਟੁੱਟੀ ਪਾਣੀ ਦੀ ਪਾਈਪ ਦੀ ਮੁਰੰਮਤ ਕਰਨ ਲਈ ਕੰਮ ਕਰ ਰਹੇ ਦੋ ਲੋਕ ਬੁੱਧਵਾਰ ਰਾਤ ਨੂੰ ਜ਼ਖਮੀ ਹੋ ਗਏ। ਜਿਸ ਕਰਕੇ ਕੰਮ ਹੁਣ ਰੁੱਕ ਗਿਆ ਹੈ। ਉਨ੍ਹਾਂ ਨੇ ਜਾਣਕਾਰੀ ਦਿੰਦੇ ਹੋਏ ਅੱਗੇ ਕਿਹਾ ਕਿ ਮੇਰੇ ਕੋਲ ਅੱਜ ਸਵੇਰੇ ਤੁਹਾਡੇ ਨਾਲ ਸਾਂਝੀ ਕਰਨ ਲਈ ਮੁਸ਼ਕਲ ਖ਼ਬਰ ਹੈ। “ਦੋ ਲੋਕ ਰਾਤੋ ਰਾਤ ਮੌਕੇ ‘ਤੇ ਜ਼ਖਮੀ ਹੋ ਗਏ। ਦੋਵਾਂ ਨੂੰ ਹਸਪਤਾਲ ਲਿਜਾਇਆ ਗਿਆ ਅਤੇ ਦੋਵਾਂ ਦੀ ਹਾਲਤ ਗੰਭੀਰ ਨਹੀਂ ਹੈ। ਮੇਅਰ ਦਾ ਕਹਿਣਾ ਹੈ ਕਿ ਅਮਲੇ ਨੇ ਤੁਰੰਤ ਸੁਰੱਖਿਆ ਸਟਾਪ ਸ਼ੁਰੂ ਕਰ ਦਿੱਤਾ ਹੈ ਅਤੇ ਮੁਰੰਮਤ ਦਾ ਕੰਮ ਅਜੇ ਮੁੜ ਸ਼ੁਰੂ ਹੋਣਾ ਹੈ। ਮਜ਼ਦੂਰਾਂ ਦੇ ਜ਼ਖਮੀ ਹੋਣ ਬਾਰੇ ਕੋਈ ਹੋਰ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ। ਗੋਂਡੇਕ ਨੇ ਕਿਹਾ, “ਸਾਡੇ ਕੋਲ ਇਸ ਸਮੇਂ ਉਸ ਖੇਤਰ ਵਿੱਚ ਅਲਬਰਟਾ ਆਕੂਪੇਸ਼ਨਲ ਹੈਲਥ ਐਂਡ ਸੇਫਟੀ ਨਾਲ ਕੰਮ ਕਰਨ ਵਾਲੀ ਇੱਕ ਟੀਮ ਹੈ ਅਤੇ ਅਸੀਂ ਉਮੀਦ ਕਰਦੇ ਹਾਂ ਕਿ ਫੀਡਰ ਮੇਨ ‘ਤੇ ਮੁਰੰਮਤ ਦਾ ਕੰਮ ਅੱਜ ਦੁਪਹਿਰ ਤੋਂ ਪਹਿਲਾਂ ਮੁੜ ਸ਼ੁਰੂ ਨਹੀਂ ਹੋਵੇਗਾ।