ਕਉਟਸ, ਅਲਟਾ ਵਿਖੇ 2022 ਦੀ ਸਰਹੱਦੀ ਨਾਕਾਬੰਦੀ ‘ਤੇ ਕਤਲ ਦੀ ਸਾਜ਼ਿਸ਼ ਰਚਣ ਦੇ ਦੋਸ਼ ਹੇਠ ਦੋ ਵਿਅਕਤੀਆਂ ਦੇ ਮੁਕੱਦਮੇ ‘ਤੇ ਸਬੂਤ ਸੁਣਨ ਲਈ ਇੱਕ ਜਿਊਰੀ ਅੱਜ ਵਾਪਸ ਆਉਣ ਵਾਲੀ ਹੈ। ਰਿਪੋਰਟ ਮੁਤਾਬਕ ਜਿਊਰੀ ਨੇ ਵੀਰਵਾਰ ਨੂੰ ਆਰ.ਸੀ.ਐਮ.ਪੀ. ਦੀਆਂ ਮੁਢਲੀਆਂ ਦਲੀਲਾਂ ਅਤੇ ਗਵਾਹਾਂ ਦੀਆਂ ਗਵਾਹੀਆਂ ਸੁਣੀਆਂ। ਜਿਸ ਤੋਂ ਬਾਅਦ ਅਗਲੇ ਕੁਝ ਦਿਨਾਂ ਤੱਕ ਇਹ ਕੇਸ ਬਹਿਸਾਂ ਵਿੱਚ ਉਲਝਿਆ ਰਿਹਾ ਜਿਸ ਦੇ ਪ੍ਰਕਾਸ਼ਨ ‘ਤੇ ਪਾਬੰਦੀ ਲਗਾ ਦਿੱਤੀ ਗਈ ਸੀ। ਰਿਪੋਰਟ ਮੁਤਾਬਕ ਇਸ ਮਾਮਲੇ ਵਿੱਚ ਐਂਥਨੀ ਓਲੀਨਿਕ ਅਤੇ ਕ੍ਰਿਸ ਕਾਰਬਰ ਨੂੰ ਆਰਸੀਐਮਪੀ ਨੂੰ ਟਰੇਲਰਾਂ ਵਿੱਚ ਬੰਦੂਕਾਂ, ਬਾਡੀ ਆਰਮਰ ਅਤੇ ਗੋਲਾ ਬਾਰੂਦ ਦਾ ਭੰਡਾਰ ਮਿਲਣ ਤੋਂ ਬਾਅਦ ਗ੍ਰਿਫਤਾਰ ਕੀਤਾ ਗਿਆ ਸੀ। ਦੋਵਾਂ ‘ਤੇ ਸ਼ਰਾਰਤ ਕਰਨ ਅਤੇ ਖਤਰਨਾਕ ਮਕਸਦ ਲਈ ਹਥਿਆਰ ਰੱਖਣ ਦਾ ਵੀ ਦੋਸ਼ ਲਗਾਇਆ ਗਿਆ ਹੈ ਅਤੇ ਓਲੀਨਿਕ ‘ਤੇ ਪਾਈਪ ਬੰਬ ਰੱਖਣ ਦਾ ਵੀ ਦੋਸ਼ ਹੈ। ਜ਼ਿਕਰਯੋਗ ਹੈ ਕਿ ਜਦੋਂ ਇਹ ਘਟਨਾ ਵਾਪਰੀ ਸੀ ਉਦੋਂ ਦੋ ਹਫ਼ਤਿਆਂ ਤੱਕ ਵਿਅਸਤ ਕੈਨੇਡਾ-ਅਮਰੀਕਾ ਸਰਹੱਦ ‘ਤੇ ਨਾਕਾਬੰਦੀ ਕਾਰਨ ਆਵਾਜਾਈ ਵਿੱਚ ਵਿਘਨ ਪਿਆ ਸੀ।
Coutts blockade ‘ਚ ਕਤਲ ਦੀ ਸਾਜ਼ਿਸ਼ ਦੇ ਦੋਸ਼ੀ ਲੋਕਾਂ ਦਾ Jury trial ਮੁੜ ਤੋਂ ਹੋਵੇਗਾ ਸ਼ੁਰੂ!
