ਇੱਕ ਬੋਇੰਗ ਕਾਰਗੋ ਜਹਾਜ਼ ਨੂੰ ਇਸਤਾਂਬੁਲ ਹਵਾਈ ਅੱਡੇ ‘ਤੇ ਇਸਦੇ ਅਗਲੇ ਲੈਂਡਿੰਗ ਗੀਅਰ ਤੋਂ ਬਿਨਾਂ ਉਤਰਨ ਲਈ ਮਜਬੂਰ ਹੋਣਾ ਪਿਆ, ਜਿਸ ਨਾਲ ਜਹਾਜ਼ ਦੇ ਨਿਰਮਾਤਾ ਲਈ ਇਹ ਇੱਕ ਹੋਰ ਤਾਜ਼ਾ ਝਟਕਾ ਹੈ। ਤੁਰਕੀ ਦੇ ਟਰਾਂਸਪੋਰਟ ਮੰਤਰਾਲੇ ਦੇ ਅਨੁਸਾਰ, ਡਿਲੀਵਰੀ ਕੰਪਨੀ ਫੇਡਐਕਸ ਦੁਆਰਾ ਸੰਚਾਲਿਤ ਇੱਕ ਫਲਾਈਟ ਵਿੱਚ ਇਸ ਘਟਨਾ ਵਿੱਚ ਕਿਸੇ ਨੂੰ ਸੱਟ ਨਹੀਂ ਲੱਗੀ। ਮੰਤਰਾਲੇ ਨੇ ਕਿਹਾ ਕਿ ਪੈਰਿਸ ਚਾਰਲਸ ਡੀ ਗੌਲ ਹਵਾਈ ਅੱਡੇ ਤੋਂ ਉਡਾਣ ਭਰਨ ਵਾਲੇ ਬੋਇੰਗ 767 ਜਹਾਜ਼ ਨੇ ਇਸਤਾਂਬੁਲ ਹਵਾਈ ਅੱਡੇ ‘ਤੇ ਟ੍ਰੈਫਿਕ ਕੰਟਰੋਲ ਟਾਵਰ ਨੂੰ ਸੂਚਿਤ ਕੀਤਾ ਕਿ ਇਸ ਦਾ ਲੈਂਡਿੰਗ ਗੀਅਰ ਖੁੱਲ ਨਹੀਂ ਰਿਹਾ ਹੈ ਜਿਸ ਤੋਂ ਬਾਅਦ ਜਹਾਜ਼ ਦੀ ਟਾਵਰ ਦੇ ਮਾਰਗਦਰਸ਼ਨ ਨਾਲ ਐਮਰਜੈਂਸੀ ਲੈਂਡਿੰਗ ਕਰਵਾਈ ਗਈ। ਲੈਂਡਿੰਗ ਲਈ ਐਮਰਜੈਂਸੀ ਸੇਵਾਵਾਂ ਮੌਕੇ ਤੇ ਮੌਜੂਦ ਸਨ। ਹਾਲਾਂਕਿ ਮੰਤਰਾਲੇ ਨੇ ਲੈਂਡਿੰਗ ਗੀਅਰ ਦੇ ਫੇਲ੍ਹ ਹੋਣਦਾ ਕੋਈ ਕਾਰਨ ਨਹੀਂ ਦੱਸਿਆ ਅਤੇ ਕਿਹਾ ਕਿ ਉਸ ਦੀਆਂ ਟੀਮਾਂ ਜਾਂਚ ਦੇ ਹਿੱਸੇ ਵਜੋਂ ਘਟਨਾ ਸਥਾਨ ‘ਤੇ ਜਾਂਚ ਕਰ ਰਹੀਆਂ ਹਨ। ਇਸ ਘਟਨਾ ਦੀ ਵੀਡੀਓ ਵਿੱਚ ਦਿਖਾਇਆ ਗਿਆ ਹੈ ਕਿ ਜਹਾਜ਼ ਦੇ ਪਿਛਲੇ ਪਹੀਏ ਹੇਠਾਂ ਨੂੰ ਛੂਹਦੇ ਹਨ, ਇਸਦੇ ਬਾਅਦ ਇਸਦੇ ਫਿਊਜ਼ਲੇਜ, ਇਸਦੇ ਹੇਠਲੇ ਪਾਸੇ ਤੋਂ ਚੰਗਿਆੜੀਆਂ ਅਤੇ ਧੂੰਆਂ ਨਿਕਲਦਾ ਹੈ। ਜਹਾਜ਼ ਫਿਰ ਰਨਵੇ ‘ਤੇ ਰਹਿ ਕੇ ਰੁਕ ਜਾਂਦਾ ਹੈ। ਹਵਾਈ ਅੱਡੇ ਦੇ ਆਪਰੇਟਰ ਆਈਜੀਏ ਨੇ ਕਿਹਾ ਕਿ ਰਨਵੇਅ ਨੂੰ ਅਸਥਾਈ ਤੌਰ ‘ਤੇ ਹਵਾਈ ਆਵਾਜਾਈ ਲਈ ਬੰਦ ਕਰ ਦਿੱਤਾ ਗਿਆ ਹੈ, ਪਰ ਹਵਾਈ ਅੱਡੇ ਦੇ ਦੂਜੇ ਰਨਵੇਅ ‘ਤੇ ਆਵਾਜਾਈ ਬਿਨਾਂ ਕਿਸੇ ਰੁਕਾਵਟ ਦੇ ਜਾਰੀ ਹੈ। ਦੱਸਦਈਏ ਕਿ ਇਹ ਘਟਨਾ ਅਜਿਹੇ ਸਮੇਂ ਚ ਸਾਹਮਣੇ ਆਈ ਹੈ ਜਦੋਂ ਬੋਇੰਗ ਦਾ ਸੁਰੱਖਿਆ ਰਿਕਾਰਡ ਕਈ ਸੰਕਟਾਂ ਅਤੇ ਸੁਰੱਖਿਆ ਮੁੱਦਿਆਂ ਦੇ ਬਾਅਦ, ਗਹਿਰੀ ਜਾਂਚ ਦੇ ਅਧੀਨ ਹੈ।
ਹਵਾਈ ਜਹਾਜ਼ ਦਾ Gear ਹੋਇਆ Fail! ਕਰਨੀ ਪਈ Emergency Landing!
