ਜਰਮਨੀ (Germany) ‘ਚ ਸ਼ੁੱਕਰਵਾਰ ਨੂੰ ਚਾਕੂ ਨਾਲ ਹਮਲੇ (searching for attacker) ‘ਚ ਤਿੰਨ ਲੋਕਾਂ ਦੀ ਮੌਤ ਹੋ ਗਈ ਹੈ। ਸੋਲਿੰਗੇਨ ਸ਼ਹਿਰ ਵਿੱਚ ਕਿਸੇ ਅਣਪਛਾਤੇ ਵਿਅਕਤੀ ਨੇ ਇਸ ਘਟਨਾ ਨੂੰ ਅੰਜਾਮ ਦਿੱਤਾ ਹੈ। ਇਸ ਘਟਨਾ ‘ਚ ਚਾਰ ਲੋਕ ਗੰਭੀਰ ਜ਼ਖਮੀ ਵੀ ਹੋਏ ਹਨ। ਸੋਲਿੰਗੇਨ ਸ਼ਹਿਰ (Solingen city) ਦਾ ਸਥਾਪਨਾ ਦਿਵਸ ਸ਼ੁੱਕਰਵਾਰ ਨੂੰ ਮਨਾਇਆ ਜਾ ਰਿਹਾ ਸੀ। ਇਹ ਘਟਨਾ ਸਥਾਪਨਾ ਦਿਵਸ ਦੀ 650ਵੀਂ ਵਰ੍ਹੇਗੰਢ ‘ਤੇ ਆਯੋਜਿਤ ਸਮਾਰੋਹ ਵਾਲੀ ਥਾਂ ‘ਤੇ ਵਾਪਰੀ।
ਅੱਤਵਾਦੀ ਹਮਲੇ ਬਾਰੇ ਪੁਲਿਸ ਨੇ ਕੀ ਕਿਹਾ
ਜਦੋਂ ਪੱਤਰਕਾਰਾਂ ਨੇ ਪੁਲਿਸ ਨੂੰ ਪੁੱਛਿਆ ਕਿ ਕੀ ਇਹ ਅੱਤਵਾਦੀ ਹਮਲਾ ਹੈ ਤਾਂ ਪੁਲਿਸ ਨੇ ਇਸ ਬਾਰੇ ਕੁਝ ਵੀ ਕਹਿਣ ਤੋਂ ਇਨਕਾਰ ਕਰ ਦਿੱਤਾ।
ਮੇਅਰ ਨੇ ਹਮਲੇ ‘ਤੇ ਦੁੱਖ ਪ੍ਰਗਟਾਇਆ
ਸ਼ਹਿਰ ਦੇ ਮੇਅਰ ਟਿਮ ਕੁਰਜ਼ਬਾਕ ਨੇ ਸੋਲਿੰਗੇਨ ਦੇ ਫੇਸਬੁੱਕ ਪੇਜ ‘ਤੇ ਲਿਖਿਆ, “ਅੱਜ ਸ਼ਾਮ, ਸੋਲਿੰਗੇਨ ਵਿੱਚ ਅਸੀਂ ਸਾਰੇ ਸਦਮੇ, ਡਰ ਅਤੇ ਬਹੁਤ ਉਦਾਸੀ ਦਾ ਸਾਹਮਣਾ ਕਰ ਰਹੇ ਹਾਂ,” ਅਸੀਂ ਸਾਰੇ ਆਪਣੇ ਸ਼ਹਿਰ ਦੀ ਵਰ੍ਹੇਗੰਢ ਨੂੰ ਇਕੱਠੇ ਮਨਾਉਣਾ ਚਾਹੁੰਦੇ ਸੀ ਪਰ ਹੁਣ ਸਾਨੂੰ ਮ੍ਰਿਤਕਾਂ ਨੂੰ ਯਾਦ ਕਰਨਾ ਹੈ ਅਤੇ ਸੋਗ ਕਰਨਾ ਹੈ ਜ਼ਖਮੀ।”
