ਲੇਬਨਾਨ ਵਿੱਚ ਘਾਤਕ ਪੇਜਰ ਧਮਾਕਿਆਂ ਵਿੱਚ ਨੌਂ ਦੀ ਮੌਤ ਅਤੇ 2,700 ਤੋਂ ਵੱਧ ਜ਼ਖਮੀ

ਲੇਬਨਾਨ ਵਿੱਚ ਘਾਤਕ ਪੇਜਰ ਧਮਾਕਿਆਂ ਵਿੱਚ ਨੌਂ ਦੀ ਮੌਤ ਅਤੇ 2,700 ਤੋਂ ਵੱਧ ਜ਼ਖਮੀ।ਹੱਥਾਂ ਨਾਲ ਫੜੇ ਪੇਜਰਾਂ ਦੇ ਮਾਰੂ ਧਮਾਕਿਆਂ ਦੀ ਇੱਕ ਲੜੀ ਵਿੱਚ ਲੇਬਨਾਨ ਅਤੇ ਸੀਰੀਆ ਦੇ ਕੁਝ ਹਿੱਸਿਆਂ ਵਿੱਚ ਨੌਂ ਲੋਕਾਂ ਦੀ ਮੌਤ ਹੋ ਗਈ ਹੈ ਅਤੇ 2,700 ਤੋਂ ਵੱਧ ਲੋਕ ਜ਼ਖਮੀ ਦੱਸੇ ਜਾ ਰਹੇ ਹਨ। ਰਿਪੋਰਟ ਮੁਤਾਬਕ ਇਜ਼ਰਾਈਲ ਦੁਆਰਾ ਕੀਤੇ ਗਏ ਹਮਲੇ ਦੇ ਸ਼ੱਕ ਵਿੱਚ ਹੋਏ ਧਮਾਕਿਆਂ ਨੇ ਹਿਜ਼ਬੁੱਲਾ ਦੇ ਮੈਂਬਰਾਂ ਅਤੇ ਨਾਗਰਿਕਾਂ ਦੇ ਜ਼ਖਮੀ ਹੋਣ ਸਮੇਤ ਵਿਆਪਕ ਦਹਿਸ਼ਤ ਦਾ ਕਾਰਨ ਬਣਕੇ ਸਾਹਮਣੇ ਆਇਆ। ਇਸ ਦੌਰਾਨ ਹਿਜ਼ਬੁੱਲਾ ਨੇ ਦਾਅਵਾ ਕੀਤਾ ਕਿ ਇਹ ਸਭ ਤੋਂ ਵੱਡੀ ਸੁਰੱਖਿਆ ਉਲੰਘਣਾ ਸੀ ਜਿਸ ਦਾ ਉਨ੍ਹਾਂ ਨੇ ਸਾਹਮਣਾ ਕੀਤਾ ਹੈ, ਅਤੇ ਕੁਝ ਜ਼ਖਮੀਆਂ ਵਿੱਚ ਹਿਜ਼ਬੁੱਲਾ ਸੰਸਦ ਮੈਂਬਰ ਦਾ ਪੁੱਤਰ ਵੀ ਸ਼ਾਮਲ ਹੈ। ਹਿਜ਼ਬੁੱਲਾ ਨੇ ਇਸ ਹਮਲੇ ਲਈ ਇਜ਼ਰਾਈਲ ਨੂੰ ਜ਼ਿੰਮੇਵਾਰ ਠਹਿਰਾਇਆ ਹੈ, ਪਰ ਇਜ਼ਰਾਈਲ ਨੇ ਕੋਈ ਟਿੱਪਣੀ ਨਹੀਂ ਕੀਤੀ ਹੈ। ਲੇਬਨਾਨ ਦੀ ਸਰਕਾਰ ਨੇ ਵੀ ਇਜ਼ਰਾਈਲ ਨੂੰ ਧਮਾਕਿਆਂ ਲਈ ਜ਼ਿੰਮੇਵਾਰ ਠਹਿਰਾਇਆ ਹੈ। ਜਾਣਕਾਰੀ ਮੁਤਾਬਕ ਇਸ ਵਧ ਰਹੇ ਤਣਾਅ ਦੀਆਂ ਚਿੰਤਾਵਾਂ ਵਿਚਕਾਰ ਲੇਬਨਾਨ ਵਿੱਚ ਈਰਾਨ ਦੇ ਰਾਜਦੂਤ ਨੂੰ ਵੀ ਮਾਮੂਲੀ ਸੱਟਾਂ ਲੱਗੀਆਂ ਹਨ। ਦੱਸਦਈਏ ਕਿ ਇਹ ਧਮਾਕੇ ਸਰਹੱਦ ਪਾਰੋਂ ਹਿਜ਼ਬੁੱਲਾ ਅਤੇ ਇਜ਼ਰਾਈਲ ਵਿਚਕਾਰ ਚੱਲ ਰਹੀਆਂ ਝੜਪਾਂ ਦੇ ਵਿਚਕਾਰ ਹੋਏ ਹਨ, ਜੋ ਗਾਜ਼ਾ ਸੰਘਰਸ਼ ਦੇ ਵਧਣ ਨਾਲ ਤੇਜ਼ ਹੋ ਗਏ ਹਨ। ਉਥੇ ਹੀ ਅਮਰੀਕਾ ਸਮੇਤ ਅੰਤਰਰਾਸ਼ਟਰੀ ਭਾਈਚਾਰੇ ਨੇ ਅੱਗੇ ਵਧਣ ਤੋਂ ਰੋਕਣ ਲਈ ਦੁਸ਼ਮਣੀ ਨੂੰ ਘਟਾਉਣ ਦੀ ਅਪੀਲ ਕੀਤੀ ਹੈ।