ਪੰਜਾਬ ਦੀ ਸੱਤਾ ਦਾ ਮੌਜੂਦਾ ਕੇਂਦਰ ਸੰਗਰੂਰ ਸੰਸਦੀ ਹਲਕਾ ਹੈ। ਮੁੱਖ ਮੰਤਰੀ ਤੋਂ ਸ਼ੁਰੂ ਹੋ ਕੇ ਤਿੰਨ ਮੰਤਰੀ ਇਸ ਖੇਤਰ ਦੇ ਹਨ। ਸੰਸਦ ਮੈਂਬਰ ਬਣਨ ਤੋਂ ਬਾਅਦ ਗੁਰਮੀਤ ਸਿੰਘ ਮੀਤ ਹੇਅਰ ਦੇ ਖਾਲੀ ਹੋਏ ਮੰਤਰੀ ਦਾ ਅਹੁਦਾ ਲਹਿਰਾਗਾਗਾ ਦੇ ਵਿਧਾਇਕ ਬਰਿੰਦਰ ਗੋਇਲ (ਐਡਵੋਕੇਟ) ਨੂੰ ਮੰਤਰੀ ਬਣਾ ਕੇ ਭਰ ਦਿੱਤਾ ਗਿਆ ਹੈ।
ਸੱਤਾ ਦੇ ਗਲਿਆਰਿਆਂ ਤੋਂ ਲੈ ਕੇ ਹਰ ਜ਼ੁਬਾਨ ਤੱਕ ਠੇਠ ਪੰਜਾਬੀ ਵਿਚ ਇਕ ਹੀ ਚਰਚਾ ਹੈ ਕਿ ‘ਸੰਗਰੂਰ ਵਿਚ ਤਾਂ ਫੇਰ ਝੰਡੀ ਵਾਲੀਆਂ ਕਰਨ ਦੀ ਝੜੀ ਲੱਗ ਗਈ ਏ।’ ਸਿਆਸੀ ਹਲਕਿਆਂ ਵਿੱਚ ਚਰਚਾ ਹੈ ਕਿ ਅੱਧੀ ਸਰਕਾਰ ਸੰਗਰੂਰ ਦੀ ਹੈ। ਚਰਚਾ ਹੋਰ ਵੀ ਵੱਧ ਰਹੀ ਹੈ ਕਿ ਜੇਕਰ ‘ਆਪ’ ਦੀ ਉੱਚ ਲੀਡਰਸ਼ਿਪ ਡਿਪਟੀ ਸੀਐਮ ਦਾ ਪ੍ਰਬੰਧ ਕਰਦੀ ਹੈ ਤਾਂ ਉਹ ਚਿਹਰਾ ਵੀ ਸੰਗਰੂਰ ਦਾ ਹੀ ਹੋਵੇਗਾ। ਇਨ੍ਹੀਂ ਦਿਨੀਂ ਇਹ ਚਰਚਾ ਕਾਫੀ ਸੁਰਖੀਆਂ ਬਟੋਰ ਰਹੀ ਹੈ। ਸਿਆਸੀ ਮਾਹਿਰਾਂ ਦਾ ਮੰਨਣਾ ਹੈ ਕਿ ਇਸ ਚਰਚਾ ਨੂੰ ਨਜ਼ਰਅੰਦਾਜ਼ ਨਹੀਂ ਕੀਤਾ ਜਾ ਸਕਦਾ, ਕਿਉਂਕਿ ਧੂੰਆਂ ਉੱਥੋਂ ਉੱਠਦਾ ਹੈ, ਜਿੱਥੇ ਚੰਗਿਆੜੀ ਨਿਕਲਦੀ ਹੈ।
