24 ਅਕਤੂਬਰ 2024: ਮਹਾਰਾਸ਼ਟਰ ਦੇ ਪੁਣੇ ‘ਚ ਵੀਰਵਾਰ ਸਵੇਰੇ ਹਾਦਸਾ ਵਾਪਰ ਗਿਆ, ਜਿਥੇ ਲੇਬਰ ਕੈਂਪ ‘ਚ ਬਣੀ ਅਸਥਾਈ ਪਾਣੀ ਦੀ ਟੈਂਕੀ ਡਿੱਗ ਗਈ। ਦੱਸ ਦੇਈਏ ਕਿ ਇਸ ਹਾਦਸੇ ‘ਚ 3 ਮਜ਼ਦੂਰਾਂ ਦੀ ਮੌਤ ਹੋ ਗਈ, ਜਦਕਿ 7 ਜ਼ਖਮੀ ਹੋ ਗਏ। ਇਹ ਘਟਨਾ ਪਿੰਪਰੀ ਚਿੰਚਵਾੜ ਟਾਊਨਸ਼ਿਪ ਦੇ ਭੋਸਰੀ ਇਲਾਕੇ ‘ਚ ਵਾਪਰੀ, ਜਦੋਂ ਕੁਝ ਮਜ਼ਦੂਰ ਪਾਣੀ ਦੀ ਟੈਂਕੀ ਦੇ ਹੇਠਾਂ ਨਹਾ ਰਹੇ ਸਨ।
ਪੁਲਸ ਦਾ ਕਹਿਣਾ ਹੈ ਕਿ ਸ਼ਾਇਦ ਪਾਣੀ ਦੇ ਦਬਾਅ ਕਾਰਨ ਪਾਣੀ ਦੀ ਟੈਂਕੀ ਦੀ ਕੰਧ ਫਟ ਗਈ, ਜਿਸ ਕਾਰਨ ਟੈਂਕੀ ਡਿੱਗ ਗਈ। ਇਸ ਕਾਰਨ ਉਥੇ ਮੌਜੂਦ ਮਜ਼ਦੂਰ ਮਲਬੇ ਹੇਠਾਂ ਦਬ ਗਏ।
