ਦਿੱਲੀ ਕੈਪੀਟਲਸ ਨੇ ਭਾਰਤੀ ਟੀਮ ਦੇ ਸਾਬਕਾ ਤੇਜ਼ ਗੇਂਦਬਾਜ਼ ਮੁਨਾਫ ਪਟੇਲ ਨੂੰ ਆਈਪੀਐਲ 2025 ਤੋਂ ਪਹਿਲਾਂ ਟੀਮ ਦਾ ਨਵਾਂ ਗੇਂਦਬਾਜ਼ੀ ਕੋਚ ਨਿਯੁਕਤ ਕੀਤਾ ਹੈ। ਮੁਨਾਫ 2011 ਵਨਡੇ ਵਿਸ਼ਵ ਕੱਪ ਜੇਤੂ ਟੀਮ ਦਾ ਹਿੱਸਾ ਸੀ। ਦਿੱਲੀ ਫਰੈਂਚਾਇਜ਼ੀ ਨੇ ਮੰਗਲਵਾਰ ਨੂੰ ਇਸ ਦਾ ਐਲਾਨ ਕੀਤਾ। ਮੁਨਾਫ ਮੁੱਖ ਕੋਚ ਹੇਮਾਂਗ ਬਦਾਨੀ ਅਤੇ ਕ੍ਰਿਕਟ ਦੇ ਨਿਰਦੇਸ਼ਕ ਵੇਣੂਗੋਪਾਲ ਰਾਓ ਦੇ ਨਾਲ ਦਿੱਲੀ ਦੇ ਕੋਚਿੰਗ ਸਟਾਫ ਦਾ ਹਿੱਸਾ ਹੋਣਗੇ।
ਕਈ ਆਈਪੀਐਲ ਟੀਮਾਂ ਦਾ ਹਿੱਸਾ ਰਹਿ ਚੁੱਕੇ ਮੁਨਾਫ ਨੇ 2018 ਵਿੱਚ ਪ੍ਰਤੀਯੋਗੀ ਕ੍ਰਿਕਟ ਤੋਂ ਸੰਨਿਆਸ ਲੈ ਲਿਆ ਸੀ ਅਤੇ ਉਦੋਂ ਤੋਂ ਇਹ ਉਸ ਦਾ ਪਹਿਲਾ ਵੱਡਾ ਕੋਚਿੰਗ ਕਾਰਜਕਾਲ ਹੋਵੇਗਾ। ਆਪਣੀ ਰਿਟਾਇਰਮੈਂਟ ਤੋਂ ਬਾਅਦ, ਮੁਨਾਫ ਨੇ ਕੁਝ ਲੀਗ ਟੂਰਨਾਮੈਂਟਾਂ ਵਿੱਚ ਹਿੱਸਾ ਲਿਆ ਸੀ। ਮੁਨਾਫ ਆਈਪੀਐਲ ਦਾ ਹਿੱਸਾ ਰਿਹਾ ਹੈ ਅਤੇ 2008 ਤੋਂ 2010 ਤੱਕ ਰਾਜਸਥਾਨ ਰਾਇਲਜ਼, 2011 ਤੋਂ 2013 ਤੱਕ ਮੁੰਬਈ ਇੰਡੀਅਨਜ਼ ਅਤੇ 2017 ਸੀਜ਼ਨ ਵਿੱਚ ਗੁਜਰਾਤ ਲਾਇਨਜ਼ ਦੀ ਪ੍ਰਤੀਨਿਧਤਾ ਕਰ ਚੁੱਕਾ ਹੈ। ਮੁਨਾਫ 2013 ਵਿੱਚ ਆਈਪੀਐਲ ਜਿੱਤਣ ਵਾਲੀ ਮੁੰਬਈ ਇੰਡੀਅਨਜ਼ ਟੀਮ ਦਾ ਹਿੱਸਾ ਸੀ।
