ਕੈਲਾਸ਼ ਗਹਿਲੋਤ ਦਾ ਅਸਤੀਫਾ: ਕੈਲਾਸ਼ ਗਹਿਲੋਤ ਦੇ ਸਾਰੇ ਵਿਭਾਗ ਮੁੱਖ ਮੰਤਰੀ ਆਤਿਸ਼ੀ ਕੋਲ ਰਹਿਣਗੇ

ਦਿੱਲੀ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਆਮ ਆਦਮੀ ਪਾਰਟੀ ਨੂੰ ਕੈਲਾਸ਼ ਗਹਿਲੋਤ ਦੇ ਰੂਪ ‘ਚ ਵੱਡਾ ਝਟਕਾ ਲੱਗਾ ਹੈ। ਦਿੱਲੀ ਦੇ ਮੰਤਰੀ ਅਤੇ ਆਮ ਆਦਮੀ ਪਾਰਟੀ ਦੇ ਨੇਤਾ ਕੈਲਾਸ਼ ਗਹਿਲੋਤ ਨੇ ਪਾਰਟੀ ਨੂੰ ਅਲਵਿਦਾ ਕਹਿ ਦਿੱਤਾ ਹੈ। ਅਜਿਹੇ ‘ਚ ਸਾਰਿਆਂ ਦੇ ਮਨ ‘ਚ ਸਵਾਲ ਸੀ ਕਿ ਕੈਲਾਸ਼ ਗਹਿਲੋਤ ਦੇ ਸਾਰੇ ਵਿਭਾਗ ਕੌਣ ਰੱਖੇਗਾ। ਇਸ ਦਾ ਜਵਾਬ ਦਿੱਲੀ ਦੇ ਮੁੱਖ ਮੰਤਰੀ ਆਤਿਸ਼ੀ ਨੇ ਦਿੱਤਾ ਹੈ। ਗਹਿਲੋਤ ਦੇ ਸਾਰੇ ਵਿਭਾਗ ਮੁੱਖ ਮੰਤਰੀ ਆਤਿਸ਼ੀ ਕੋਲ ਰਹਿਣਗੇ। ਸੀਐਮ ਆਤਿਸ਼ੀ ਨੇ ਇਸ ਸਬੰਧੀ ਉਪ ਰਾਜਪਾਲ (ਐਲਜੀ) ਨੂੰ ਪ੍ਰਸਤਾਵ ਭੇਜਿਆ ਹੈ। ਕੈਲਾਸ਼ ਗਹਿਲੋਤ ਕੋਲ ਟਰਾਂਸਪੋਰਟ, ਪ੍ਰਸ਼ਾਸਨਿਕ ਸੁਧਾਰ, ਸੂਚਨਾ ਅਤੇ ਤਕਨਾਲੋਜੀ, ਗ੍ਰਹਿ ਅਤੇ ਮਹਿਲਾ ਅਤੇ ਬਾਲ ਵਿਕਾਸ ਦੇ ਵਿਭਾਗ ਹਨ।