ਕੈਲਗਰੀ ਨੇ ਵਧਦੀ ਲਾਗਤ ਅਤੇ ਆਬਾਦੀ ਦੇ ਵਾਧੇ ਦੇ ਵਿਚਕਾਰ ਘਰਾਂ ਲਈ 3.9% ਟੈਕਸ ਵਾਧੇ ਦਾ ਪ੍ਰਸਤਾਵ ਕੀਤਾ

ਕੈਲਗਰੀ ਨੇ ਵਧਦੀ ਲਾਗਤ ਅਤੇ ਆਬਾਦੀ ਦੇ ਵਾਧੇ ਦੇ ਵਿਚਕਾਰ ਘਰਾਂ ਲਈ 3.9% ਟੈਕਸ ਵਾਧੇ ਦਾ ਪ੍ਰਸਤਾਵ ਕੀਤਾ। ਕੈਲਗਰੀ ਸਿਟੀ ਪ੍ਰਸ਼ਾਸਨ ਨੇ 2025 ਲਈ ਕੁੱਲ ਸੰਪੱਤੀ ਟੈਕਸ ਵਿੱਚ 3.6 ਫੀਸਦੀ ਵਾਧੇ ਦੀ ਤਜਵੀਜ਼ ਰੱਖੀ ਹੈ, ਜਿਸ ਵਿੱਚ ਸਿੰਗਲ-ਫੈਮਿਲੀ ਘਰਾਂ ਵਿੱਚ 3.9 ਫੀਸਦੀ ਵਾਧੇ ਦੀ ਉਮੀਦ ਹੈ।ਰਿਪੋਰਟ ਮੁਤਾਬਕ ਕੋਂਡੋਮੀਨੀਅਮ ਵਿੱਚ 10.5 ਫੀਸਦੀ ਦਾ ਵੱਡਾ ਵਾਧਾ, ਅਤੇ ਮਲਟੀ-residential ਸੰਪਤੀਆਂ ਵਿੱਚ 5.3 ਫੀਸਦੀ ਦਾ ਵਾਧਾ ਦੇਖਿਆ ਜਾ ਸਕਦਾ ਹੈ।ਇਹ ਵਿਵਸਥਾ, ਮਹਿੰਗਾਈ ਦੇ ਪ੍ਰਬੰਧਨ, ਬੁਨਿਆਦੀ ਢਾਂਚੇ ਦੀਆਂ ਵਧਦੀਆਂ ਲੋੜਾਂ ਅਤੇ ਆਬਾਦੀ ਦੇ ਵਾਧੇ ਦੇ ਉਦੇਸ਼ ਨਾਲ, ਆਮ ਰਿਹਾਇਸ਼ੀ ਸੰਪਤੀਆਂ ਲਈ ਮਹੀਨਾਵਾਰ ਉਪਯੋਗਤਾ ਫੀਸਾਂ ਵਿੱਚ 3.7 ਫੀਸਦੀ ਵਾਧਾ ਵੀ ਸ਼ਾਮਲ ਕਰੇਗੀ।ਇਸ ਦੇ ਨਾਲ-ਨਾਲ ਜਨਤਕ ਸੁਰੱਖਿਆ, ਆਵਾਜਾਈ ਸੁਧਾਰਾਂ ਅਤੇ ਨਾਜ਼ੁਕ ਬੁਨਿਆਦੀ ਢਾਂਚੇ ਨੂੰ ਕਵਰ ਕਰਨ ਲਈ ਸ਼ਹਿਰ ਦਾ ਸੰਚਾਲਨ ਬਜਟ 11.4 ਫੀਸਦੀ ਵਧੇਗਾ।ਸਿਟੀ ਅਧਿਕਾਰੀਆਂ ਨੇ ਨੋਟ ਕੀਤਾ ਕਿ ਮੌਜੂਦਾ ਬਜਟ ਦੇ ਸ਼ੁਰੂ ਵਿੱਚ ਨਿਰਧਾਰਤ ਕੀਤੇ ਜਾਣ ਤੋਂ ਬਾਅਦ ਕੈਲਗਰੀ ਦੀ ਆਬਾਦੀ ਵਿੱਚ 1 ਲੱਖ 44,000 ਤੋਂ ਵੱਧ ਵਸਨੀਕਾਂ ਦਾ ਵਾਧਾ ਹੋਇਆ ਹੈ, ਜਿਸ ਦੇ ਚਲਦੇ ਕੂੜਾ ਪ੍ਰਬੰਧਨ, ਸੜਕਾਂ ਅਤੇ ਮਾਰਗਾਂ ਵਰਗੀਆਂ ਜ਼ਰੂਰੀ ਸੇਵਾਵਾਂ ‘ਤੇ ਵਾਧੂ ਦਬਾਅ ਪਿਆ ਹੈ। ਦੱਸਦਈਏ ਕਿ ਸਿਟੀ ਕੌਂਸਲ ਵੱਲੋਂ ਇਸ ਮਹੀਨੇ ਦੇ ਅੰਤ ਵਿੱਚ ਇਹਨਾਂ ਬਜਟ ਵਿਵਸਥਾਵਾਂ ‘ਤੇ ਬਹਿਸ ਕਰਨ ਦੀ ਉਮੀਦ ਕੀਤੀ ਜਾਂਦੀ ਹੈ, ਜੋ ਨਵੇਂ ਪ੍ਰੋਜੈਕਟਾਂ ਨੂੰ ਮਨਜ਼ੂਰੀ ਦੇਣ ‘ਤੇ ਹੋਰ ਬਦਲਾਅ ਦੇਖ ਸਕਦੇ ਹਨ।ਕੈਲਗਰੀ ਦੇ ਮੁੱਖ ਪ੍ਰਸ਼ਾਸਕੀ ਅਧਿਕਾਰੀ ਨੇ ਉਜਾਗਰ ਕੀਤਾ ਕਿ ਪ੍ਰਸਤਾਵਿਤ ਜ਼ਰੂਰੀ ਸ਼ਹਿਰੀ ਸੇਵਾਵਾਂ, ਬੁਨਿਆਦੀ ਢਾਂਚੇ ਦੀ ਸਾਂਭ-ਸੰਭਾਲ, ਅਤੇ ਭਵਿੱਖ ਦੀਆਂ ਵਿਕਾਸ ਲੋੜਾਂ ਨੂੰ ਸੰਤੁਲਿਤ ਕਰਦੀ ਹੈ