8 ਅਪ੍ਰੈਲ 2024: ਕੇਰਲ ਦੇ ਵਾਇਨਾਡ ਜ਼ਿਲ੍ਹੇ ਦੇ ਇੱਕ ਹੋਸਟਲ ਵਿੱਚ ਮ੍ਰਿਤਕ ਪਾਏ ਗਏ ਵੈਟਰਨਰੀ ਵਿਦਿਆਰਥੀ ਜੇਐਸ ਸਿਧਾਰਥਨ ਦੀ ਮੌਤ ਦੀ ਜਾਂਚ ਸੀਬੀਆਈ ਨੇ ਆਪਣੇ ਹੱਥ ਵਿੱਚ ਲੈ ਲਈ ਹੈ। ਰਿਪੋਰਟਾਂ ਮੁਤਾਬਕ ਉਸ ਨੂੰ ਮੌਤ ਤੋਂ ਪਹਿਲਾਂ 29 ਘੰਟੇ ਤੱਕ ਲਗਾਤਾਰ ਤਸੀਹੇ ਦਿੱਤੇ ਗਏ। ਇਸ ਮਾਮਲੇ ਵਿੱਚ ਏਜੰਸੀ ਨੇ 20 ਲੋਕਾਂ ਖ਼ਿਲਾਫ਼ ਐਫਆਈਆਰ ਦਰਜ ਕੀਤੀ ਹੈ।
ਦਿ ਇੰਡੀਅਨ ਐਕਸਪ੍ਰੈਸ ਦੀ ਰਿਪੋਰਟ ਮੁਤਾਬਕ ਕੇਰਲ ਪੁਲਿਸ ਨੇ ਸੀਬੀਆਈ ਨੂੰ ਸੌਂਪੀ ਆਪਣੀ ਰਿਪੋਰਟ ਵਿੱਚ ਕਿਹਾ ਹੈ ਕਿ ਸਿਧਾਰਥਨ ਨੂੰ ਸੀਨੀਅਰ ਵਿਦਿਆਰਥੀਆਂ ਵੱਲੋਂ ਮਾਨਸਿਕ ਅਤੇ ਸਰੀਰਕ ਤੌਰ ‘ਤੇ ਤਸੀਹੇ ਦਿੱਤੇ ਜਾਂਦੇ ਸਨ।
ਉਹ 16 ਫਰਵਰੀ ਨੂੰ ਸਵੇਰੇ 9 ਵਜੇ ਤੋਂ 17 ਫਰਵਰੀ ਨੂੰ ਦੁਪਹਿਰ 2 ਵਜੇ ਤੱਕ ਸਿਧਾਰਥ ਨੂੰ ਹੱਥਾਂ ਅਤੇ ਪੇਟੀ ਨਾਲ ਕੁੱਟਦੇ ਰਹੇ। ਇਸ ਤੋਂ ਉਹ ਇੰਨਾ ਦੁਖੀ ਹੋ ਗਿਆ ਕਿ ਉਸਨੇ 18 ਫਰਵਰੀ ਨੂੰ ਬਾਥਰੂਮ ਵਿੱਚ ਫਾਹਾ ਲੈ ਲਿਆ।
ਹਾਈ ਕੋਰਟ ਨੇ 5 ਅਪ੍ਰੈਲ ਨੂੰ ਨਿਰਦੇਸ਼ ਦਿੱਤੇ ਸਨ
ਮੌਤ ਤੋਂ ਬਾਅਦ, ਵਿਦਿਆਰਥੀ ਦੇ ਪਰਿਵਾਰ ਨੇ ਦੋਸ਼ ਲਗਾਇਆ ਸੀ ਕਿ ਕੇਰਲ ਵਿੱਚ ਸੱਤਾਧਾਰੀ ਸੀਪੀਆਈਐਮ ਦੇ ਵਿਦਿਆਰਥੀ ਵਿੰਗ ਸਟੂਡੈਂਟਸ ਫੈਡਰੇਸ਼ਨ ਆਫ ਇੰਡੀਆ (ਐਸਐਫਆਈ) ਦੇ ਵਰਕਰਾਂ ਸਮੇਤ ਸਾਥੀ ਵਿਦਿਆਰਥੀਆਂ ਦੁਆਰਾ ਉਸ ਨੂੰ ਰੈਗ ਕੀਤਾ ਗਿਆ ਸੀ। ਕੇਰਲ ਹਾਈ ਕੋਰਟ ਨੇ ਸ਼ੁੱਕਰਵਾਰ ਨੂੰ ਇਸ ਮਾਮਲੇ ਦੀ ਸੀਬੀਆਈ ਜਾਂਚ ਦੇ ਨਿਰਦੇਸ਼ ਦਿੱਤੇ ਹਨ। ਦੋ ਦਿਨ ਬਾਅਦ ਕੇਂਦਰ ਸਰਕਾਰ ਨੇ ਨੋਟੀਫਿਕੇਸ਼ਨ ਜਾਰੀ ਕੀਤਾ।
ਐਸਐਫਆਈ ਦੇ ਚਾਰ ਮੈਂਬਰਾਂ ਦੇ ਨਾਮ ਦਰਜ ਹਨ
ਸੀਬੀਆਈ ਨੇ ਐਫਆਈਆਰ ਵਿੱਚ ਸਟੂਡੈਂਟਸ ਫੈਡਰੇਸ਼ਨ ਆਫ ਇੰਡੀਆ (ਐਸਐਫਆਈ) ਦੇ ਚਾਰ ਨੇਤਾਵਾਂ – ਯੂਨੀਅਨ ਦੇ ਪ੍ਰਧਾਨ ਅਰੁਣ ਕੇ, ਅਮਲ ਅਹਿਸਾਨ, ਆਸਿਫ਼ ਖਾਨ ਅਤੇ ਅਭਿਸ਼ੇਕ ਐਸ ਅਤੇ ਹੋਰ ਮੁਲਜ਼ਮਾਂ ਨੂੰ ਵੀ ਨਾਮਜ਼ਦ ਕੀਤਾ ਹੈ। ਇਨ੍ਹਾਂ ਵਿੱਚ ਅਖਿਲ ਕੇ, ਕਸ਼ੀਨਾਧਨ ਆਰ.ਐਸ., ਅਮੀਨ ਅਕਬਰਲੀ, ਅਰੁਣ ਕੇ, ਸਿੰਜੋ ਜਾਨਸਨ, ਅਜੈ ਜੇ, ਅਲਤਾਫ ਏ, ਸੌਦ ਰਿਸਾਲ ਈ.ਕੇ., ਆਦਿਤਿਆਨ, ਮੁਹੰਮਦ ਧਨੀਸ਼, ਰੇਹਾਨ ਬਿਨੋਏ, ਆਕਾਸ਼ ਐਸ.ਡੀ., ਸ਼੍ਰੀਹਰੀ ਆਰਡੀ, ਡੌਨਸ ਦਾਈ, ਬਿਲਗੇਟ ਜੋਸ਼ਵਾ ਥਾਨਿਕਕੋਡੇ, ਨਸੀਰ ਵੀ. ਅਤੇ ਅਭੀ ਵੀ ਸ਼ਾਮਲ ਹਨ।
