ਫੈਡਰਲ ਸਰਕਾਰ ‘ਤੇ ਬਜ਼ੁਰਗਾਂ, ਵਿਦਿਆਰਥੀਆਂ ਅਤੇ ਅਪੰਗਤਾ ਲਾਭ ਪ੍ਰਾਪਤ ਕਰਨ ਵਾਲੇ ਵਿਅਕਤੀਆਂ ਨੂੰ ਸ਼ਾਮਲ ਕਰਨ ਲਈ ਆਪਣੀ $250 ਦੀ ਛੋਟ ਯੋਜਨਾ ਦਾ ਵਿਸਤਾਰ ਕਰਨ ਲਈ ਦਬਾਅ ਵਧ ਰਿਹਾ ਹੈ।ਦੱਸਦਈਏ ਕਿ ਵਰਤਮਾਨ ਵਿੱਚ, ਇਹ ਯੋਜਨਾ ਉਹਨਾਂ ਕੈਨੇਡੀਅਨਾਂ ਲਈ ਤਿਆਰ ਕੀਤੀ ਗਈ ਹੈ ਜਿਨ੍ਹਾਂ ਨੇ 2023 ਵਿੱਚ $150,000 ਤੱਕ ਦੀ ਕਮਾਈ ਕੀਤੀ ਅਤੇ CPP ਵਿੱਚ ਯੋਗਦਾਨ ਪਾਇਆ ਜਾਂ EI ਲਾਭ ਪ੍ਰਾਪਤ ਕੀਤੇ ਹਨ। ਹੁਣ ਐਨਡੀਪੀ ਅਤੇ ਬਲਾਕ ਕਬੇਕੁਊ ਨੇ ਸੀਨੀਅਰਾਂ ਅਤੇ ਹੋਰਾਂ ਨੂੰ ਇਸ ਰੀਬੇਟ ਵਿੱਚ ਸ਼ਾਮਲ ਕਰਨ ਲਈ ਸੱਦਾ ਦਿੱਤਾ ਹੈ, ਜਿਸ ਦੇ ਨਾਲ ਕੁਝ ਲਿਬਰਲ ਸੰਸਦ ਮੈਂਬਰਾਂ ਨੇ ਵੀ ਸਮਰਥਨ ਦਾ ਪ੍ਰਗਟਾਵਾ ਕੀਤਾ ਹੈ।ਉਥੇ ਹੀ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਬਜ਼ੁਰਗਾਂ ਲਈ OAS ਵਿੱਚ 10 ਫੀਸਦੀ ਵਾਧੇ ਵਰਗੇ ਹੋਰ ਉਪਾਵਾਂ ਨੂੰ ਉਜਾਗਰ ਕਰਦੇ ਹੋਏ ਮੌਜੂਦਾ ਯੋਜਨਾ ਦਾ ਬਚਾਅ ਕੀਤਾ। ਹਾਲਾਂਕਿ, ਛੋਟ ਨੂੰ ਵਧਾਉਣ ਦੀ ਵਿੱਤੀ ਸੰਭਾਵਨਾ ‘ਤੇ ਚਰਚਾ ਜਾਰੀ ਹੈ।ਦੱਸਦਈਏ ਕਿ ਜੇਕਰ ਇਸ ਯੋਜਨਾ ਨੂੰ ਮਨਜ਼ੂਰੀ ਦਿੱਤੀ ਜਾਂਦੀ ਹੈ, ਤਾਂ ਇਹ ਯੋਜਨਾ ਦਸੰਬਰ ਦੇ ਅੱਧ ਵਿੱਚ ਸ਼ੁਰੂ ਹੋਵੇਗੀ ਅਤੇ ਦੋ ਮਹੀਨਿਆਂ ਲਈ ਤਿਆਰ ਭੋਜਨ, ਬੱਚਿਆਂ ਦੇ ਕੱਪੜਿਆਂ ਅਤੇ ਖਿਡੌਣਿਆਂ ਵਰਗੀਆਂ ਚੋਣਵੀਆਂ ਵਸਤਾਂ ‘ਤੇ ਜੀਐੱਸਟੀ ਨੂੰ ਅਸਥਾਈ ਤੌਰ ‘ਤੇ ਹਟਾ ਦੇਵੇਗੀ।
ਕੀ $250 ਰਿਫੰਡ ਯੋਜਨਾ ਵਿੱਚ ਸੀਨੀਅਰਾਂ ਨੂੰ ਸ਼ਾਮਲ ਕਰਨਾ ਚਾਹੀਦਾ ਹੈ?
